لسه جاى من دبى و جالى صدمه حضاريه

**lanos2004** · 18-03-2013 11:39 AM

المشاركة الأصلية كتبت بواسطة amarakl

طب اعمل انا ايه انا زرت اوروبا 3 مرات اخرهم من شهرين مش عارف اعيش من ساعتها

هههههههههههههه
اتفرج على التلفزيون وخلاص

**wael3m** · 19-03-2013 04:22 PM

والله يا جماعة أنا كنت في إجازة في شهر ١ وفعلا إحنا من سئ لأسوء عمالين ننحدر لما وصلنا الي ما تحت القاع
أنا مرجعتش مصر من قبل الثورة أيام مبارك يعني ورغم كرهي للراجل دا إلا كنت بقول ولا يوم من أيامك يا مبارك !!!!
إيه كمية الزبالة اللي في الشوارع دى ؟ حتي افضل مناطق ( مصر الجديدة ) مليانة بالزبالة !!
مشكلة الزحمة يكمن ليها حل في حاجة واحد ( إشارات مرور ) في كل حتة وكمان اليافطات الإرشادية وتطبيق
القانون وهو دا المهم . مش هقارن مصر بإيطاليا بس هقارنها بالمغرب اللي أنا في زيارة ليها حاليا فرق رهيب بجد
إحنا فعلا محتاجين معجزة أو شخصية قوية تطلع مصر من المستنقعات اللي فيها

**hossam_elwani** · 19-03-2013 05:02 PM

المشاركة الأصلية كتبت بواسطة mohssenrashed

دبي مين يا راجل ده انا روحت تايلاند اللي هي اقل مننا في كل حاجة مش قادر اقولك على كمية النظام و النظافة و الناس هناك راكبة عربيات و عجل و اسكوترز مفيش حد بيزنق و لا كلاكسات و لا خناقات و الابتسامة مابتفرقش و شهم.

عمى لسه جاى امبارح من هناك ونفس انطباعك بالحرف قاله ليا

**alexaway** · 19-03-2013 05:19 PM

المشاركة الأصلية كتبت بواسطة mahmos2000

نفس الصدمة اللي جاتلي من 6 شهور
بس بعد اسبوع بقيت عاوز اروح لولا اصحابي اللي هناك كانوا بيهونوا عليا
بدأت احس اني عايش في مدينة بلاستيك
مفيهاش روح فعلا
بس هي فيها شوية نظام جامد في كل حاجة

احسن تعليق عجبني
اللي عايز يعيش فى مدينة بلاستك يسافر بره
انما اللي عايز روح يخليه فى مصر

**Magoda** · 19-03-2013 06:19 PM

شفت المترو اللى هناك ف دبى عامل ازاااى عاملنلو دعااايه عشان الناس تركبه

**hossam_elwani** · 19-03-2013 06:20 PM

المشاركة الأصلية كتبت بواسطة alexaway

احسن تعليق عجبني
اللي عايز يعيش فى مدينة بلاستك يسافر بره
انما اللي عايز روح يخليه فى مصر

احب بلاستيك اموت فى البلاستيك ادينى بلاستيك وخد الروح الشريره الى فى مصر الى بقت كلها بلطجه ودم فى الشارع

بلاش الكلام الكبير ده ناس كتير عايشين فى المدن البلاستك دى ومرتاحيييييين جدا

**AutoTycoon** · 19-03-2013 08:30 PM

المشاركة الأصلية كتبت بواسطة lanos2004

دبى
ههههههههههههههههههه
قال دبى قال
شويه اعمدة حديد مغلفه بزجاج وبتلمع -وبيقولك ابراج
دبى دى من اكتر البلاد الموحشه والمقرفه فى العالم
يا فرحتى بشويه شوارع بتلمع وشويه مبانى بتبرق -وما فيش روح--ما فيش مذاق للحياه-
دة حتى البحر فيها بحر ميت لاموج ولا حياه ولا نسمه هوا
فى دبى فينك يا صحبى و ياصديقى
فى دبى فين لمتنا وعيلتنا واخواتنا
فى دبى
انت وحدك وسط الزجاج والبلور
فى دبى انت عريب حتى عن فراشك وبيتك
طب دة كوبايه شاى على شط النيل الساعه 3 الفجر مع الاصحاب
بمليون مدينه وبمليو ن حياه فى دبى
بحبك يا بلدى وبحب ناسك

ههههههههههههههههههههههههه ه

اللي ما يطول العنب يقول عنه حامض

**elgabry1977** · 20-03-2013 12:28 AM

المشاركة الأصلية كتبت بواسطة magoda

شفت المترو اللى هناك ف دبى عامل ازاااى عاملنلو دعااايه عشان الناس تركبه

شوفته طبعا و صورته صور كتير من نظافته, ممكن حد يشرحلى ازاى ارفع الصور علشان احطها فى المنتدى

**alexaway** · 20-03-2013 12:35 AM

المشاركة الأصلية كتبت بواسطة hossam_elwani

احب بلاستيك اموت فى البلاستيك ادينى بلاستيك وخد الروح الشريره الى فى مصر الى بقت كلها بلطجه ودم فى الشارع

بلاش الكلام الكبير ده ناس كتير عايشين فى المدن البلاستك دى ومرتاحيييييين جدا

انا معاك ان في ناس عايشة بره وعاجبها البلاستك ومبسوطة , بس في ناس لو طلعت من مصر متعرفش تعيش ولو عاشت بره تفضل تعبانه , ودا اللي انا بقوله , كل واحد يعيش فى المكان اللي يريحه .
وبعدين بلاش تعمم علي كل حاجة وتقول الروح الشريرة اللي فى مصر , يعني انت لو تعبت مش حتلاقي جيرانك واصحابك كلهم جنبك , يا تري دي بقي روح شريرة وبلطجة !!!