بقليله في الكاوتش

**AlmAhAtmA** · 28-06-2007 02:12 PM

نفيدكم علما بانه حدثت بقليله في الكاوتش
و قد فسر الخبراء ذلك باني اخدت مطب قوي
للعلم انا من هواه جمع المطبات و النقر و الحفر و كل قائمه التدمير في الشارع المصري
و قد تم تحديد اسلوب مواجهه تلك الازمه
1- اركب كمر للكاوتشه المصابه
2- تحويل الكاوتشه الي استبن
3- تبديل الكاوتشه للخلف بدل من موقعها الحالي في الامام

لكن انا قلت اخليها استبن احسن و اامن
الباشا اللي قالي علي اقتراح الكمر قالي انه حيتكلف 50 جنيه للعلم

**Abdallah** · 28-06-2007 02:27 PM

لو الكاوتش تيوبليس هتركب شمبر داخلى وتحطها استبن وللعلم الشمبر الداخلى تمنه من 15 الى 215 جنيه, موضوع الكمر دة ممكن برضة لو البقليلة فى منتصف الفردة بس فى وجهة نظرى هوا فلوس على الفاضى لانك مش هتطمن برضة وانت ماشى بفردة فيها كمر!!
ملحوظة :متهيالى يا مهاتما ان موضوع واحد كان كفاية وحضرتك كتبت 3, وطبعا انا هوجه رسالة شديدة اللهجة للسفارة الهندية بهذا الشأن :mrgreen:

**AlmAhAtmA** · 28-06-2007 08:04 PM

سيدي عبدالله مشرف الساحه
سعدت جدا بردكم الكريم علي شخصي الضعيف
نعتذر انا و شعب الهند علي اطالتنا عليكم بالسؤال
تقبل اعتذاري انا و شعب الهند و المعزه و النضاره بتوعي كمان

يا خبر ابيض عبدالله باشا بيرد علي
يا حليله يا حليله

بجد شكرا يا عبدالله علي الرد
و اتمني اشوفك بكل خير في الاجتماع ان شاء الله

**Abdallah** · 28-06-2007 09:16 PM

والله يا باشا انا هحاول جاهدا اجى الاجتماع نظرا لانى هرجع من بورسعيد يوم 5/7 بمشيئة الله وربنا ييسر الامور بس المشكلة الفعلية انى اوصل لمكان اللقاء نظرا لانى مش هقدر اجى بالعربية .

**AlmAhAtmA** · 28-06-2007 09:48 PM

انا الاسبوع اللي جي مش حنزل اسكندريه الخميس و حنزل الجمعه علشان الاجتماع
ممكن ترتب مع حد من الحبايب يعدي عليك
و انا ممكن انزل بدري من العاشر من رمضان و اعدي عليك

**barakat_1986** · 05-07-2007 05:24 PM

انصحك بعدم تبديل الكاوتشة للخلف لان هذا سوف يؤدى الى مرجحة بالسيارة بالخلف ....وهذة المشكلة استمرت لمدة شهر حتى اعرف السبب وفى الناهية امس عرفت ان السبب الكاوتش والميكانيكى قال لى عايزة كاوتش جديد