الموضوع: سحب مقدمات حجز لتوكيل كيا

خليها تصدي و موديلها يعدي

لابد من تفعيل هذه الحمله و افتكروا كويس ان لو حصل و $ سعره نزل الاسعار ستبقي كما هي
استغلال على طول الخط و للاسف التجار يغرو الناس بهدايا و عروض و الناس مش عارفه ان كل ده علي حساب الزبون

الي الامام عفوا الي الخلف

المشاركة الأصلية كتبت بواسطة ahmed-adel

في الاول بس أنا عاوز أوضح حاجة
أنا مش ضد الكوري ولا حاجة
أنا كنت هجيب koup من سنتين بس أيام ما كانت خليجي بـ 120-125

زمان الكوري كان صفقة كويسة بصراحة بنسبة لسعره
بس دلوقتي بقى مبالغ في سعره
وبقى فيه بدايل كتير أفضل في رأيي منه

يعني لما ال rio تبقى بـ 148 و 138 ألف

عندك مثلا لو sedan

peugeot 301
citroen c-elysee

ده ممكن تجيب lancer ex أو cruze

ولو hb

ford fiesta بـ 150
peugeot 208 بـ 135 و 155
skoda fabia بـ 130 ألف
mg3 بـ 105 ألف

وبالنسبة لل cerato

عندك
ford focus
opel astra
subaru impreza
renault fluence

ده ال c5 بـ 199 ألف
اسيبها و أجيب cerato بـ 196 ألف !!!!!!!!!!

الفكرة مش إن الكوري غلي , ما كل العربيات غليت
بس الفكرة إنه دخل في حتة مش بتاعته
ده بقى أغلى من الأوروبي !!!!!!!!!!!

هو اﻷنواع إلى بتقول عليها جميله بس ياريت لو يكون فى أنواع تانية تكون بتتباع مستعمل علشان مجبهاش و أرابيها مع عيالي و يوم مأبيعها أخسر فيها أد كدة

طب يا جماعة ماتخليكوا ايجابيين و تبعتوا ايميلات لكيا موتورز .. أنا بعت شكوى بخصوص زيادة سعر الريو و حد كلمنى من التوكيل و قالى الدولار سوق سودا بسبعة جنيه ونص .. كام يوم و هبعت شكوى تانى ان بفرض صحة الكلام ده المفروض يأثر جزئيا عشان الضريبة و الجمارك بالمصرى .. أنا شايف ده الحل الوحيد و يكفينا شرف المحاولة..

أولا بس أنا مش عاوز أبقى في وضع إني anti-korean
والكلام ده

أنا كنت داخل أقول رأيي مش أكتر :)

المشاركة الأصلية كتبت بواسطة sherif shaheen

هو اﻷنواع إلى بتقول عليها جميله بس ياريت لو يكون فى أنواع تانية تكون بتتباع مستعمل علشان مجبهاش و أرابيها مع عيالي و يوم مأبيعها أخسر فيها أد كدة

أولا مبروك العربية :)

ثانيا كل حاجة و ليها ميزة ولها عيب

عاوز اعادة بيع و توافر قطع غيار بره التوكيل و option كتير ومراكز خدمة كتير
هات كوري

عاوز عفشة محترمة و عوامل أمان أعلى وخامات أعلى و technology أعلى
هات اوروبي

اللي عاوز يركب يدفع :)
وإلا ماكانش حد ركب BMW ولا mercedes عشان هيخسر فيها
ولا إيه ؟؟!!


الفكرة بقى زمان كان ممكن تستغنى عن الثبات و عوامل الأمان و الخامات الاعلى
لأن الكوري كان ارخص بكتييير

بس مينفعش العربية توصل ل 196 ألف
تبقى بـ 2 airbag
ومفيش فيها ESP ولا TC ولا أي حاجة

بالمناسبة هي فيها EBD و EBA ولا لأ ؟

ومينفعش برده تنزل بنفس العفشة الغريبة اللي فيها هي وال elantra
اللي هي أقل عفشة في فئتها كاداء
الباقي كله multilink و watts link و AWD

ومينفعش تنزل بخامات قريبة من اللي كانت بتنزل بيها زمان
اتحسنت طبعا أنا معاك , بس دي مش خامات عربية بـ 200 ألف

أقولك على حاجة ؟ :)
أنا عاوزك تركب ال astra أو ال c5 مثلا
و انزل بعد كده اركب ال cerato وقارن الخامات
وانا راضي بحكمك إنت


إزاي أجيب عربية بـ 200 ألف ولا حتى 170 ألف
عشان شوية option زيادة و اعادة بيع أحسن
واستغنى عن الاساسيات : عوامل أمان , خامات , ثبات

أنا عن نفسي لو بجيب في فئة ال 140-180 اللي اغلب الناس بتجيب فيها

هجيب ال fluence ال E3 بـ 165 ألف
دي في رأيي المتواضع أحسن عربية بالنسبة لسعرها

1- توكيلها محترم
2- اعادة بيعها اتحسنت كتير ومن احسن الأوروبي في النقطة دي
3- فيه ناس كتير شغالة في رينو بره دلوقتي و ليه مراكز خدمة كتير
4- موتور وفتيس و تكييف nissan
يعني هتبقى اعتمادية جدا و هتلاقي حاجتها مشتركة معاها
انسى بقى مشاكل الفتيس ال 4 سرعات

5-سحبها اتحسن كتير جدا بسبب الموتور والفتيس الجداد
6-شكل جميل (مش أجمل شكل بـس كويس) و مش هيتغير قريب
7-عوامل أمان كويسة abs + ebd + eba + 2 airbags
8- عربية واسعة جدا , قاعدة عجلة 2703 mm

9-فيها option كويس جدا

keyless entry
مرايات ضم
مثبت ومحدد سرعة
bluetooth
جنط 16
مسند يد
daytime running lights
مخرج تكييف خلفي
multifunction


تكييف bi-zone
زرار start/stop
سنسور مطر ونور
مراية الصالون تعتيم ذاتي
عدادات digital

مع العلم إن آخر 5 دول مش موجودين في ال cerato الفئة EX FO اللي بـ 166

المشاركة الأصلية كتبت بواسطة yasserelsayad

للاسف انا كنت كاتبلك رد مفصل بس حصل error فى المنتدى فا متعملوش Post

يا باشا ولا يهمك :)
الموضوع مش موضوع كورى ولا اوروبى .. عن نفسى لما باجى اشترى عربية مش بقارن ماركات ببعض انا بقارن عربية بالتانية واشوف احتيجاتى ليها هتكون ايه وعايز منها ايه وايه اللى ممكن استغنى عنه شوية فى سبيل حاجة تانية

خلاصة الموضوع ان مثلا عندك الريو الهاتش باك لو قارنت بينها وبين العربيات التانية اللى حاططهم هتلاقىها احسن واحدة فى المساحات الداخلية واقوى موتور فيهم بعد الـ 208 عشان 1.6
واحسن واخدة فىهم فى التوكيل وتوافر قطع الغيار برا وجوا التوكيل واحسن اعادة بيع واعتمادية

أنت بتقول اللي ليها بس
ما هو الحاجات التانية دي ليها مميزات برده

شوف فرق الخامات , إنت بنفسك شفت ال 208
فرق ال performance
أي عربية من اللي أنا حاطتهم اسرع و اثبت منها

fabia من 0-100 في 10.5 تقريبا

fiesta و 208 نفس الكلام , كلهم في ال range ده

ال fabia موتور وفتيس octavia - ال fabia موتور 2 كامة بس - يعني اعتمادي جدا
ال fiesta موتور ال focus القديم و فتيس powershift
ال 208 موتور و فتيس 308 , و دي متجربة من 2008

ال 3 دول واسعين برده مش ضيقين , خد بالك ال rio ال hb معمولة على نفس ال wheel base بتاعت ال sedan
يعني ما شاء الله واسعة

نيجى بفى للسيراتو للى مختلفة شوية عشان ممكن مثلا متجبش الهاى لاين اللى بـ 196 وتجيب اللى قبلها اللى بـ 182 وفيها كل حاجة باردوا معادا الكرسى الكهرباء والتكييف التاتش والكاسيت التاتش والكاميرا
لو قارنت ببقيت العربيات اللى انت قولت عليهم ...

مثلا الفوكاس بتبدأ من 175 وثانى فئة بـ 187 ومش زى السيراتو اللى بـ 182 .. ولسه فيه 3 فئات لحد 210

الفوكس multilink و فتيس powershift
esp ستاندرد و 4 airbag

العربية مش option بس يا صياد

الاسترا باردوا مش رخيصة وموتورها على قده والهاتش منها بـ 200 الف
هي بـ 184 ال cosmo
شكلها تحفة من بره و خاماتها من جوه ممتازة و تابلوها تحفة

وعفشتها watts link و فيها option كويس
4 airbag و ESP ستاندرد

السوبارو بعيدا عن انها عربية كويسة ... شكلها من جوا ومن برا متواضع ومستوى التجهيزات فيها لا ترتقى لمستوى تجهيزات السيراتو
AWD و موتور boxer
و 6 airbag في آخر فئة و VDC ستاندرد

اعتمادية محدش يتكلم عليها

الرينو كويسة كتجهيزات بس باردوا مش رخيصة وبتوصل لـ 200 الف .. وبصراحة انا شخصيا مش هجيب رينو تانى
كل حاجة ليها ميزة وعيب يا صياد

خدها كلها على بعضها

ما أنا ممكن أقولك إن ال cerato أقل عربية في فئتهـا دلوقتي كعوامل أمان و عفشة

الـ C5 تقع تحت موضوع ان مفيش حد هيفهم فيها وطبعا موضوع الـ Double Wishbone دا ميزة بس complicated وصعب تلاقى واحد يفهم فيه كويس برا التوكيل وممكن جوا كمان .. ولا هتلاقيلها حاجة برا التوكيل وطبعا اعادة بيع فى الضياع وبعدين مش بـ 200 الف ولا حاجة دى بتدأ من 210 لحد 235 تقرييا .. طبعا دا غير انها المفروض بتحتاج بنزين 95
طيب ما إنت عفشة عربيتك معقدة , جبتها ليه ؟

عمر ال technology ما كانت عيب

dynamic بـ 199
مفيش اللي بـ 210 دي خلاص
فيه 228 و دي عليها
3 سنين أو 60000 صيانة ببلاش


وسيبك من حتة 95 دي , أنا انت عارفين إن ده موتور BMW أصلا
و شغال 92 عادي مفيش مشاكل

كل العربيات اللى فوق دى اثبت من السيراتو ماشى مفيش مشكلة .. بس السيراتو اصلا معمولة انها تكون عربية عائلية وبعدين ثباتها مش ضايع زى ما بيصوروا البعض وعلى المستوى العائلى وسواقة رب اسرة العربية ثباتها مفيش منه اى مشكلة ولا شكوى.

سيبك من كل الكلام ال advanced اللى بنقوله هنا فى نايل وموتورز والمقارنات اللى بنعملها
كل الكلام دا ولا ليه لزمة على ارض الواقع بالنسبة للسوق بتاعنا

يعنى انا لو رحت قولت لابويا مثلا العربية دى احسن فى الملفات عشان Double Wishbone قدام ولا هيفهم حاجة ومش هو دا للى بيدور عليه

المعادلة فى السوق المصرى معروفة لما تيجى تجيب اى عربية

التوكيل + توافر قطع الغيار + الاعتمادية + سعر اعادة البيع + تجهيزات العربية

أنا رديت على الحتة دي في ردي على أستاذ شريف

واخيرا ده مجرد رأي شخصي ليَّ ,مش قاعدة يعني

و كل واحد ليه رايه :)

حبيبي يا ياسر