انبارح وانا باطالع موضوعات نايل موتورز قريت في احد الموضوعات ان واحد مصري في سويسرا لما فاتته فاتحة جانبية علي طريق اتعمل له مخالفه واتحكم عليه بعشر جلسات مع طبيب نفسي
وطبعا دار في ذهني واكيد في ذهن كل اللي قرأ الموضوع ده ان الشعوب دى محترمة جدا وملتزمة جدا وبعدين سألت نفسي؟
هو احنا ليه مش كده؟
احنا دايما بنشتكي من سوء سلوك الشعب طيب هو مين الشعب مهو انا وانته وهيا
ولما كان منتدانا العظيم سباق في مواضع كتيرة ولما كان رواده كتير جدا ( ياريت حد من الادارة يقولنا عدد الاعضاء كام للمعرفة)
قلت اطلق من هنا هذه المبادرة
ما تيجو نبقي شعب محترم
ما تيجو نلتزم علشان احنا عاوزين نلتزم مش علشان خايف من الرادار ولا اللجنة
ما تيجو منعديش السرعة المقررة علي الطرق (ولو سمحتو من غير مبررات لزيادة السرعة)
ما تيجو نربط الحزام علشان هو ده الصح
ما تيجو منرميش زباله مثلا او علبة كانز فاضيىة من العربي واحنا ماشيين
ما تيجو ماندفعش رشوة علشان نخلص مصحلة
ماتيجونلتزم باشارات المرور
ما تيجو..........
يا ريت كل االي عنده ما تيجو......... يفكرنا بيها
عاوزين نلتزم يا اخواننا لان ديننا اصل الالتتزام بس للاسف صرنا اليوم اصل للهرجلة
انا عارف ان فيه ناس كتير مش هايعجبها الموضوع
يا اخواننا بدلا من نلعن الظلام فليمسك كلا منا بشمعة في يده
وصدق الله
" ان الله لا يغير ما بقوم حتي يغيروا ما بنفسهم"



اعتقد لو بدانا بنفسنا هانبدا نتغير


________________
نُقل الموضوع بواسطتي
مشرف القســــــــــــــــــم العـــــــــــــــــــــا م