اقتباس المشاركة الأصلية كتبت بواسطة mohamed ismail مشاهدة المشاركة
يا جماعة لو سمحتو بلاش تسوقو مبررات علشان نبرر الغلط اللي انته بتعمله
في حديث الرسول صلي الله عليه وسلم " لا تكن إمّعة ان احسن الناس احسنت وان اساءوا أسات لازم نعمل الصح علشان هو صح
مش علشان انتظر مكافأة من حد
وبعدين هو مشيك مخالف علشان مكسل تمشي خمسين متر وترجع ايه دخل البلد فيه
كسرك اشارة ايه دخل البلد في
تعدي السرعة المقررة علي الطريق ايه دخل البد فيه
يا اخواننا نانا مش باقول ان احنا هانعمل كل حاجة انا عارف ان الحكومة عليها دور
وعلينا كشعب دور وكل واحد فينا قاعد مستني التاني يقوم بدورة كده يبقي مش ممكن نعمل اي حاجة
يا جماعة دحنا امة النظام
اتفرج علينا واحنا بنصلي( استوووا تراصووو الكتف في الكتف والقدم في القدم يستوي الصف )
واتفرج علينا واحنا بنخرج من المسجد فس يوم جمعة مثلا قمة الهرجلة مع ان هما دول اللي كانو لسه واقفين صف واحد مستوي
دحنا حتي مبنعرفش نقف طابور علي اي حاجة
لازم تلاقي الفهلوي والفتك والليفاكر نفسه اذكي من الناس دي كلها
بيه برة ام بنقف طابور بنقف كويس جدا عارفين ليه
لان اللي بيخرج عن الطابور الناس بتبص له علي انه شاااااذ
انه مش طبيعي
اانه عمل حاجة غريبة علي المجتمع
ثقافة المجتمع نفسه بتلفظة
انما الفهلوة هاتسيبنا وتروح فين
تاني يا جماعة بافكركو
ان الله لا يغير ما بقوم حتي يغيروا ما بانفسهم
مينفعش تبقى السمة الغالبة فى البلد هى ان المخطىء مبيتعاقبش و بعدين تطالب الناس بالنظام

الناس المحترمة اللى بتمشى حسب النظام حقها حيروح و اللى فهلوى و شخصية واطية مش حيخاف من حاجة و عمرة ما حتبع النظام

مسمعتش الاغنية الهابطة اللى بتقول "و الطيب فى الزمان دة بيقولوا عليه عبيط"؟... بقى دلوقتى الانسان اللى بيمشى بالنظام و بالاحترام بيتقال عليه "طيب"... بس للاسف طيب دلوقتى بقت مرادف ل "عبيط" و "منظر" و "هفيه" و كل المصتلحات اللى بتدى معنى ان الانسان دة مهمش

اما الانسان المسنود البلطجى صاحب النفوذ دة بيبقى الباشا الكبير و البرنس و الكل فى الكل

و المتسبب فى القصة دى هو غياب نظام الثواب و العقاب... اللى بيغلط بيبرطع زى ما هو عايز و سهل اوى ياخد حقك... فا بتطر تعمل زيه عشان تحافظ على حقك و متبقاش "طيب" او "عبيط"

السواد الاعظم من الناس بيعملوا كدة... الفرق ان الناس النضيفة بتعمل كدة عشان تاخد حقها قبل ما يضيع و الناس ال... (مش نضيفة) بتعمل كدة عشان تاخد حق غيرها

انت ايز تبقى "طيب" فى مجتمع من البلطجية... براحتك... لكن انا مش عايز ابقى "عبيط"

MMamdouh