مشكلتين نفسي أعرفلهم حل أثناء القيادة

**Land_Cruiser** · 20-03-2013 07:23 PM

بالنسبه للركنه الحل بسيط حضرتك ركب باركنج سنسور و ابقي اركن بعد كده بضهرك علي طول في اي حته و انت مطمن و لا تقيس و لا تقدر مسافات و لا حاجه

**mahmoud_afifi** · 20-03-2013 07:36 PM

اولا مبروك العربيه وربنا يباركلك فيها

تانيا بقى:
بالنسبه للمناديل ممكن تجيب المناديل الي هي في كيس مش علبة كرتون وتحطها في الجيب الي في الباب وتجيب علبة تحطها عند الازاز الي ورا لو حد راكب في الكنبه الي ورا وكان عاوز مناديل.

بالنسبه للركن مواجه للرصيف انا بعمل حاجه بالاضافه للسنس طبعا. وانت بتركن تبص على العربيه الي على شمالك هتلاقي انعكاس مقدمة عربيتك وهتشوف الرصيف وتفضل تقرب وهتظبط بالملي كمان. انا دايما بعمل كده. اما بقى لو مفيش حد راكن جنبك يبقى تركن وبعدين تمور وتنزل تاخد نظره بالخطف بسرعه عشان ماتسيبش العربيه مفتوحه لوحدها وبعدين تقرب بقدر المستطاع. ولو مش عجبك الحلول دي يبقى تركن وزي ماتيجي حتى لو بعيد عن الرصيف بدل ماتخبطها وتعاتب نفسك انك خبطتها :)