الكهرباء...و سنينها!

**Yarisawy** · 07-08-2008 02:36 PM

انا عندى حاجة كده شبه اللى عندك وهو ان كل شوية لما اجى انور لمبة فى البيت الاقيها بوووووووووم فرقعت ووقعت

جربت جميع انواع اللمض .... موفره عاديه .. النيون بتعيش لكن الترانس اتحرق برضه

اخر حاجة لقيت لمبه بالكاس بتاعها وقعت جمب ابنى مش عارف ازاى لحد دلوقتى ... لقيت السلك اللى شايلها ساح ...

من ساعتها وانا مش مخلى اى قاعده تحت اى لمبه

ده حتى مفتاح التكييف لقيتها عمل شياط هو كمان واتحرق وغيرته

بس حلوه فكره استابليزر فى الشقة كلها بس ده يتركب ازاى

**tamohsen** · 07-08-2008 03:24 PM

موضوع ممتاز
وربنا يسترها معانا

**NaderNabil** · 07-08-2008 05:49 PM

كنت مره عند واحده صحبتى وحاطه شاحن الموبيل النوكيا والجهاز بيشحن شويه والنور قطع
كنا الظهر لما رجعت الكهرباء بعد شويه قبل ما اللمبات تنور
سمعنا صوت فرقعه جامده وريحه شياط قعدنا ندور لحد ما لقينا شاحن الموبيل ووووووولع

نسيت أقول ان فيه شاحنين...واحد نوكيا و واحد سامسونج بردو ضربوا....

انت الصب بتاعك نوعه ايه او هاتلي الداتا الي انت محتاجها وإن شاء الله اساعدك في موضوعك ده ..

الصب بتاعي creative 4.1.......هو مواصفاته:
input: 230v - 50hz 200mA
output: 12v - 2.9A
AC Adaptor

و فكرة حلوه بتاعة المشتركات اللي بفيوز....هاقول لوالدي عليها

بس حلوه فكره استابليزر فى الشقة كلها بس ده يتركب ازاى

الستاليزر اللي علي الشقة كلها يا سيدي بتاخد أول سلك كهرباء داخل للشقة قبل لوحة المفاتيح الرئيسية...و تقطعه...وتعمله تطويله اخرها فيشة نتاية تدخل فيها فيشة الستابليزر...و بعدين ترطلع من الستابليزر فيشة للسلك اللي انت قطعته في الأول اللي داخل علي لوحة العدادات...و بكده هايغذي الشقة كلها....بس لازم تقيس الأحمال اللي عندك في الشقة...يعني تشوف كام تكييف و كام تلاجة و الغسالات و كده...عشان تجيب قيمة مظبوطة الستابليزر يستحملها...

**Yarisawy** · 09-08-2008 06:34 PM

بش مش كده ممكن بتوع الكهرباء يتلككوا عشان يقولك الجهاز ده كده سارق كهرباء وممكن يدخلونى فى حوار لانه كده شكله هايبقى باين ...

وبرضه شكله مش حلو عند مدخل الشقة ...

على العموم شكرا يا نادر

**mo7amed_omara** · 09-08-2008 06:59 PM

احنا عند السيبر الللى بجوار البيت حصل نفس الموضوع لان كانت شركة الكهربا كانت بتصلح فيها و الانسان اللى مش بيفهم وصل كهربة الاسانسير 380 فولت لكهربة البيوت وكان الكلام دة 11 الصبح انا الحمد الله منت نايم وجهاز الكمبيوتر كان مطفى بس الاجهزة عند اصحابى طلعت دخان
وكان فية سيبر كان فاتح كل اجهزتة حصلها شياط جااااااامد وبازت طبعا وصلحها بمبلغ كبير تقؤيبا 4000 جنية و كان صاحب السيبر فرحة فاضل علية اسبوووووووووووووووووع