الموضوع: تجربة مريرة مع شركة lg :(

أنا حصلت ليا مشكلة معاهم بخصوص غسالة إل جي
الغسالة إتغير فيها كل حاجة تقريباً وعلى حسابي

ولما بعت إيميل لإدارة إل جي العالمية قام حول إيميلي على مصر
وإل جي في مصر ردت عليا بأسلوب يذكرني بالبياعين النصابين في شارع عبد العزيز

مفيش قدامك إلا حماية المستهلك وإلا لن تحصل على حقك

الفاتورة روح طلعها من المحل اللي باعهالك حتى لو هيدفعوك الضريبة
مش مشكلة
-
-
-

متشكر جدا لردودكم.

للاسف الشديد المكان اللى اشتريت منه قالى الفاتورة بتطلع مره واحده بس ، ماينفعش تطلع تانى.

انا عملت شكوى لجهاز حماية المستهلك ،، ربنا يسهل ان شاء الله

فعلا الشركه المحترمة اللى كنت اقصدها هى توشيبا العربى ،، محترمين لاقصى درجه.

ربنا ينصرنى عليهم ان شاء الله، الواحد قال lg شركه عالمية بس للاسف اى حاجه تدخل مصر بتبوظها

حبيبيييييييي
انا شوفت الويل من مركز lg اللي في المريوطيه ده
ده اولا مركز صيانه معتمد يعني مش مركز صيانه رئيس خاص بالتوكيل
وبيصلح اي حاجه في اي حته سوني باناسونيك كايسيت قديم
ولو دخلت المركز عندهم عباره عن اوضه حقيره جدا ومفبهاش اي امكانيات خالص بيفكرني بمراكز الصيانه اللي تحت السلم

انا كنت اشتريت تلفزيون lg وبعد الضمان ما خلص بشهر دايرة الكهربا ضربت
صلحته ب 350 ج
بعد اسبوعين تاني قالي لازم نغير دايرة الكهربا ب 700 ج

قلتله لا شكرا ابعتلي الجهاز
فلت مستنيه 10 ايام مش بيبعته وكل يوم اكلمه يقولي هابعته ومابيجيش
لغايى لما روحت اخدته منهم من المركز التعبان اللي في المريوطيه ده

وبعديها روحت اشتريت led سامسونج وقلت عليه العوض ومنه العوض في ال 4500 ج بتاع التلفزيون الاولاني

بالمناسبة انا عندى غسالة ال جى بمجفف من 3 سنوات شغالة زى الفل ماشاء الله لكن يبدو احد الاولاد كسر ايد الباب البلاستيك وكانت بتفتح عادى برضه بس قلت اغيرها غلاسة فى يناير الماضى لما نزلت مصر اجازة
اتصلت بالشركة خدمة العملاء وقالوا هيرسلوا فنى يغيرها بعد يومين
بعد يومين خير اللهم اجعله خير خبط على شاب عنده 18 سنة وحاطط على شعره 2 كيلو جيل وريحة عرقه تشمها على بعد مترين وشكله شبه البلطجية ----------
دخل سعادته المطبخ وفكرته يخلع جزمته على الباب علشان بسلامته داخل على طول ولا احم ولا دستور وطبعا ريحة الشراب عجب
حاول يفك الباب ماعرفش الا بصعوبة وضيع من وقتى ساعتين فى حاجة هايفة وانا عرفته ازاى يفكه بتوجيهات نظرية لانى غاوى اليكترونيات من صغرى بس للاسف خبت وطلعت دكتور
فى الاخر ركبها برضه بمساعدتى وضيع مسمار من مسامير الغسالة وقعد سيادته يدور عليه قلت له موش مهم انا هاتصرف وركبت واحد تانى من شنطة العدة اللى عندى فى البيت للاصلاحات السريعة
اتصلت بالشركة بعد لما مشى وقلت لهم بالله عليكم شركة محترمة زى ال جى معروفة على مستوى العالم موش عارف تجيب فنى محترم شكله عدل ولابس يونيفورم عليه لوجو الشركة ومظهره محترم موش بلطجى ؟وفوق كل ده موش عارف يشتغل وضيع لى مسمار الغسالة وانا تقريبا اللى عملت الشغلانة موش هو؟
شكله مركز صيانة على ما تفرج وهيبوظوا سمعة ال جى فى مصر اللخ -------------------
بالمناسبة سامسونج الشاشة رقم واحد فى العالم باعتراف الخبراء نصيحة لا تشترى غيرها
تقبلوا تحياتى

تم حذف المخالفة لحين اقرار عقوبة او اكتفاء بتنيه
مشرف 6 ب
11.51pm
26/3/2013
---------------------------------------
تم الاكتفاء بالتنبيه
مشرف 6 ب
12.46 am
28/3/2013

المشاركة الأصلية كتبت بواسطة lonedoctor

بالمناسبة انا عندى غسالة ال جى بمجفف من 3 سنوات شغالة زى الفل ماشاء الله لكن يبدو احد الاولاد كسر ايد الباب البلاستيك وكانت بتفتح عادى برضه بس قلت اغيرها غلاسة فى يناير الماضى لما نزلت مصر اجازة
اتصلت بالشركة خدمة العملاء وقالوا هيرسلوا فنى يغيرها بعد يومين
بعد يومين خير اللهم اجعله خير خبط على شاب عنده 18 سنة وحاطط على شعره 2 كيلو جيل وريحة عرقه تشمها على بعد مترين وشكله شبه البلطجية ----------
دخل سعادته المطبخ وفكرته يخلع جزمته على الباب علشان بسلامته داخل على طول ولا احم ولا دستور وطبعا ريحة الشراب عجب
حاول يفك الباب ماعرفش الا بصعوبة وضيع من وقتى ساعتين فى حاجة هايفة وانا عرفته ازاى يفكه بتوجيهات نظرية لانى غاوى اليكترونيات من صغرى بس للاسف خبت وطلعت دكتور
فى الاخر ركبها برضه بمساعدتى وضيع مسمار من مسامير الغسالة وقعد سيادته يدور عليه قلت له موش مهم انا هاتصرف وركبت واحد تانى من شنطة العدة اللى عندى فى البيت للاصلاحات السريعة
اتصلت بالشركة بعد لما مشى وقلت لهم بالله عليكم شركة محترمة زى ال جى معروفة على مستوى العالم موش عارف تجيب فنى محترم شكله عدل ولابس يونيفورم عليه لوجو الشركة ومظهره محترم موش بلطجى ؟وفوق كل ده موش عارف يشتغل وضيع لى مسمار الغسالة وانا تقريبا اللى عملت الشغلانة موش هو؟
شكله مركز صيانة على ما تفرج وهيبوظوا سمعة ال جى فى مصر اللخ --------------
بالمناسبة سامسونج الشاشة رقم واحد فى العالم باعتراف الخبراء نصيحة لا تشترى غيرها
تقبلوا تحياتى

مع احترامى لحضرتك دة المنتدى الاجتماعى مش احوال الشارع المصرى
اية دخل حمدين والبرادعى فى الموضوع
والى هيرد ويقول ويشتم فى الاخوان والسلفيين
والموضوع يقلب من الكلام على غسالة او تلفزيون للكلام على جبهة الانقاذ ولا جبهة الضمير
انا بدخل الاجتماعى علشان نكلم فى اى حاجة غير السياسة
فلو سمحت بلااااااااااااااااااااااا اااااااااش خلط الاجتماعى بالسياسة