تجربة مريرة مع شركة lg :(

**alfath8** · 26-03-2013 10:05 PM

نفس المشكلة بالضبط حصلت فى الفترة الحالية مع واحد صاحبى بس فى شاشة سامسونج ومدوخينه لغاية دلوقتى علشالن قطعة غيار مش موجودة وهايعتوا يجيبوها من بره
انا اشتريت غسالة الى جى بناء على ان منتجاتها ذات جودة عالية ربنا يسترها معايا بقى
الواحد مش ناقص

**Mohamed Bander** · 27-03-2013 12:09 AM

المشاركة الأصلية كتبت بواسطة drmsadek1979

نفس الشركة النصابة ومركز الصيانة الكذابين عاملين معايا مشكله ومش عارف اهمل شكوى ازاي لجهتز حماية المستهلك فيا ريت تفيدني في االخطوات الي انت عملتها انا اتصلت بالمركز اكتر من 10 مرات ومحدش جه يشوف الشاشه اصلا
هي شاشة 42 بوصة ال اي دي

حضرتك هتتصل علي ١٩٩٥٥ وتبلغهم بالشكوى وبعدين هيدولك رقم للشكوي وهيقولولك ابعتلنا فاتورة الشراء والضمان بالفاكس واكتب عليهم رقم الشكوى اللي ادوهولك وبعدين تكلمهم تأكد أن الحاجه وصلتلهم،، بعدين حد من عندهم يكلمك ويقولك أن الموضوع مع محامي،، ده اللي حصل معايا،، أنا مكنش عندي فاتورة الشراء فبعت لهم إيصال استلام الجهاز بتاع مركز الصيانة

**Mohamed Bander** · 27-03-2013 12:16 AM

المشاركة الأصلية كتبت بواسطة dr.a.nabil

حبيبيييييييي
انا شوفت الويل من مركز lg اللي في المريوطيه ده
ده اولا مركز صيانه معتمد يعني مش مركز صيانه رئيس خاص بالتوكيل
وبيصلح اي حاجه في اي حته سوني باناسونيك كايسيت قديم
ولو دخلت المركز عندهم عباره عن اوضه حقيره جدا ومفبهاش اي امكانيات خالص بيفكرني بمراكز الصيانه اللي تحت السلم

انا كنت اشتريت تلفزيون lg وبعد الضمان ما خلص بشهر دايرة الكهربا ضربت
صلحته ب 350 ج
بعد اسبوعين تاني قالي لازم نغير دايرة الكهربا ب 700 ج

قلتله لا شكرا ابعتلي الجهاز
فلت مستنيه 10 ايام مش بيبعته وكل يوم اكلمه يقولي هابعته ومابيجيش
لغايى لما روحت اخدته منهم من المركز التعبان اللي في المريوطيه ده

وبعديها روحت اشتريت led سامسونج وقلت عليه العوض ومنه العوض في ال 4500 ج بتاع التلفزيون الاولاني

أنا المركز بتاعي في شارع متفرع من شارع احمد كامل في الهرم مش بتاع المريوطية وهو بتاع lg لان الإيصال عليه اللوجو بتاعهم

**ahmed1981** · 27-03-2013 08:52 AM

على فكرة إل جي في الغالب معندهمش مراكز صيانة
بيتعاقدوا مع محلات صيانة عادية
وبالتالي بيجيلك البيت أشكال فظيعة
-
-
-

**El Prince** · 27-03-2013 01:20 PM

الكلام ده عندنا بس - لكن فى اى دولة محترمة بحترموا الزباين لانهم بيعتبروهم كنز

**hobiko** · 27-03-2013 10:01 PM

حوار شبيه بده حصل معايا مع تلفزيون سامسونج led 40 بوصة

قعدت 4 شهور يا مؤمنين فى الحوارات ديه ما بين خناقات و زعيق و مشاكل و قلة ادب و وصلت انى شتمتهم فى التليفون و كل ده و انا مبلغ اصلا جهاز حماية المستهلك

معظم توكيلات مصر كده ............. عالم تيت

**Mohamed Bander** · 28-03-2013 09:26 AM

المشاركة الأصلية كتبت بواسطة hobiko

حوار شبيه بده حصل معايا مع تلفزيون سامسونج led 40 بوصة

قعدت 4 شهور يا مؤمنين فى الحوارات ديه ما بين خناقات و زعيق و مشاكل و قلة ادب و وصلت انى شتمتهم فى التليفون و كل ده و انا مبلغ اصلا جهاز حماية المستهلك

معظم توكيلات مصر كده ............. عالم تيت

يعني حماية المستهلك معملوش حاجه؟؟!؟

**KemozTanta** · 28-03-2013 09:27 AM

دي شكلها سياسة خدمة العملاء
انا برضة عندي تلفزيون lg
وضمانة 3 سنين وكان فاضل سنة علي الضمان
من حوالي شهرين كلمتهم وخدت رقم شكوي وخد رقم الجهاز وقالي هيكلمك المركز يحدد معاد معاك خلال 48 ساعة
انا قولت تاني يوم اجيب واحد معرفة يشوفة والحمد لله اشتغل التلفزيون
بعد شهر ونص الاقي اتصال جايلي احنا مركز صيانة ال جي خير يافندم
قولتله نعم دانا مشتكي بقالي اكتر من شهر ، يقولي اسف والله انا الاوردر لسة واصلني
قولتله شكرا ياباشا الجهاز اشتغل الحمد لله قالي طب الحمد لله !!

**RAPID** · 28-03-2013 09:57 AM

من فترة اشتريت تلفزيونlg 29" crt اللى هو العادى وبعد يومين لاحظت لون اصفر غريب يسار الشاشة بعد التشغيل لمدة ربع ساعة، اتصلت بخدمة العملاء قالوا هنبعتلك مندوب للتصليح ومحدش جه، خدت الجهاز ورجعت بيه على الشركة واستبدلوه بواحد تانى شغال.. عايز اقول الشركة فى مجملها كويسة وسمعتها جيدة لكن 90% من سمعة اى شركة هو خدمة ما بعد البيع وده الظاهر فيه مشكلة مع شركة lg

**طارق _عبد السلام** · 10-05-2013 06:00 AM

المشاركة الأصلية كتبت بواسطة rapid

من فترة اشتريت تلفزيونlg 29" crt اللى هو العادى وبعد يومين لاحظت لون اصفر غريب يسار الشاشة بعد التشغيل لمدة ربع ساعة، اتصلت بخدمة العملاء قالوا هنبعتلك مندوب للتصليح ومحدش جه، خدت الجهاز ورجعت بيه على الشركة واستبدلوه بواحد تانى شغال.. عايز اقول الشركة فى مجملها كويسة وسمعتها جيدة لكن 90% من سمعة اى شركة هو خدمة ما بعد البيع وده الظاهر فيه مشكلة مع شركة lg

تصدق ان نفس المشكله دى ظهرت عندى فى تلفزيون 29 سلام
اللون الاصفر ده بيظهر جدا مع الشاشه لوبيضاء
واظن الضمان خلص لانه من3 سنوات
هما قال لك دى من ايه او ايه العيب علشان يغيرو الجهاز كله

الموضوع: تجربة مريرة مع شركة lg :(

LinkBack

أدوات الموضوع

عرض

-

-

-

-

-

-

-

-

المواضيع المتشابهه

تجربة مريرة لمواطن من ذوي الاحتياجات الخاصة بمرور القليوبية

اسكندرية رايح جاي .. تقرير عن تجربة جديدة مريرة لنقل الملكية

الحمدلله لسه بايعه عربيتى فولكس بوينتر بعد تجربة مريرة

شركة فولكس فاجن تستحوذ على شركة تويوتا لتصبح أكبر شركة صناعة سيارات على مستوى العالم

تجربة مريرة على الدائري و المحور !!!

الكلمات الدلالية لهذا الموضوع

المفضلات

المفضلات

ضوابط المشاركة