Carputer او كمبيوتر السيارة

**2hmed_7osam** · 16-09-2008 07:12 PM

صحيح يا ابيزا طبعا ممكن توصل كاميرا ف الاكصدام الخلفي وتتوصل على الكمبيوتر
ودي تبقا تحفة فالركنات البايخه بدون حك او تريح حتى مش كدا ؟؟

**iBiZa** · 17-09-2008 10:25 AM

ينفع و ممكن كمان تحط واحدة قدام كمان و تسجل لو عايز

**M.Mokhtar** · 25-09-2008 02:42 AM

المشاركة الأصلية كتبت بواسطة HNaga

فى ناس برة معذلة لاب توب بس تعديله مش سهل الا إذا كنت هتستخدمه مانوال يعنى انت اللى تفتحه و تقفله

المشاركة الأصلية كتبت بواسطة HNaga

لما تطفى العربية الكمبيوتر بيعمل Shut down بس دى لعبة ال PSU هو اللى بيفضل يغذى الكمبيوتر كام ثانية لحد ما ال Shut down يتم عشان الويندوز ماتضربش

وفيه كونترولر مخصوص عشان القفل والفتح

المشاركة الأصلية كتبت بواسطة samehafez

ibiza انا بصراحة مش فاكر اللابتوب ده كان ايه اختيارات wake up بتاعته ... عشان انا مش هنزل تحت الكرسي عشان اشغلة كل ما اركب العربية ... بس لو فيه حل تاني ؟؟

المشاركة الأصلية كتبت بواسطة iBiZa

الحل انك هتفكوا و تلحم سلكتين على connector زرار التشغيل و توصلة على زرار عندك برة.

عشان لما تحب تولعة, و فى نفس الوقت تظبط الsettings بتاعت الwindows انك لما تدوس على زرار الPower و الجهاز شغال يعمل hibernate و دة هيوفرلك وقت كبير جدا.

انا عملت موضوع هنا يقول طريقه تعديل الاب توب وتعمله مفتاح خارجى
تعديل لاب توب لتشغيله او اغلاقه عن بعد لعمل كمبيوتر السياره

**iBiZa** · 25-09-2008 10:45 AM

المشاركة الأصلية كتبت بواسطة mimysheckles

انا عملت موضوع هنا يقول طريقه تعديل الاب توب وتعمله مفتاح خارجى
تعديل لاب توب لتشغيله او اغلاقه عن بعد لعمل كمبيوتر السياره

الطريقة هايلة و الشرح فيها بالصور فا محدش هيلاقيها صعبة.

**megoghanem** · 04-10-2008 12:08 PM

يا جماعة بالنسبة لموضوع الهارد ممكن يبقى لها حل بس هايبقى مكلف شوية
فى نوع جديد من الهاردات اسمه SSD وده اختصار لجملة Solide State Disk والنوع ده بيعتمد على نفس فكرة وسائط التخزين الفلاشية (يعنى الفلاش ميمورى) بس إلى الآن الموضوع ده هيبقى مكلف بمبالغة يعنى هارد ديسك بسعة 32 جيجا ممكن يبقى بتمن لابتوب جديد وعلشان كده ممكن يبقى فى حل تانى بس بصراحة مش عارف هو ممكن ولا لأ وهو استبدال الهارد ده بفلاش ميمورى فى حالة لو حد ممكن يخليها تشتغل وتبوت بدل الهارد .. ولو مش ممكن (مع أنى عارف ان مفيش حاجة اسمها مش ممكن فى الكمبيوتر لكن بالنسبة لى ما أعرفش) يبقى الاعتماد على حاجة تانية وهى فكرة البرامج المحمولة والاوبريتنج سيستم السريع وده موال كبير بس ممكن يتنفذ أسهل من الحاجات اللى اتعملت فوق دى ويستحسن فى الحالة دى استخدام الفلاشات من نوع U3 المجهزة خصيصا للموضوع ده
أما بالنسبة لموضوع مساحة تخزين الفلاشات اللى هاتبقى محدودة جدا فممكن الاعتماد على فلاشات صينى (مالهاش ماركة) بس دى برضه هايبقى عمرها صغير .. والاحسن الاكتفاء بمساحة 8 جيجا بفلاشة ماركة معروفة والاعتماد بعد كده على السيديهات
وبعد كده مفيش خوف على النوع ده من المطبات

أرجو تكون فكرة كويسة .. ورجاء من الناس المتخصصين فى الموضوع ده يقولولنا اذا كانت ممكن تتطبق واللا لأ؟!!!

عيد سعيد عليكوا جميعا

**HNaga** · 04-10-2008 08:49 PM

انا برضه كنت خايف من الموضوع ده وبلغت الموقع اللى إشترتيت منه بموضوع الطرق السيئة و الجو الحار
بس ماقابلتش فى مشكلة انا مركب هارد 250 جيجا ساتا وماشى كويس أعتقد تصميم ال case يفرق
الهارد والدى فى دى ليهم مجرى مخصوص فى ال case

ممكن نعمل case عمولة؟

**beautiful0mind** · 05-10-2008 10:59 AM

فكرة جميله جدا جدا على فكرة وممكن كمان نجيب الشاشه دى ونركبها فالتابلوه ونوصلها بالموبيل ( زى n95 8gp.n96) بوكده هتستفيد من كل حاجه وكل مميزات الجهاز اللى معاك زى wi-fi -gbs - internet live -) ومساحجه الجهاز مش هتحس بيها وصغيرة .....وهتقدر تتحكم فى رضه ولا اية رأيك

**iBiZa** · 05-10-2008 12:13 PM

المشاركة الأصلية كتبت بواسطة megoghanem

فى نوع جديد من الهاردات اسمه SSD وده اختصار لجملة Solide State Disk والنوع ده بيعتمد على نفس فكرة وسائط التخزين الفلاشية (يعنى الفلاش ميمورى) بس إلى الآن الموضوع ده هيبقى مكلف بمبالغة يعنى هارد ديسك بسعة 32 جيجا ممكن يبقى بتمن لابتوب جديد

الHDD الSSD ممكن ال64GB يبقى ثمنة فى حدود 250$
ممكن تجيب HDD بتاع laptop و بيتباع فى الcomputer mall ال 120GB ب320 جنية و بيستحمل الحركة.

لية تجيب حاجة غالية جدا و صغيرة و انت عندك حاجة تؤدى نفس الغرض بسعر و مواصفات احسن.

المشاركة الأصلية كتبت بواسطة megoghanem

وعلشان كده ممكن يبقى فى حل تانى بس بصراحة مش عارف هو ممكن ولا لأ وهو استبدال الهارد ده بفلاش ميمورى فى حالة لو حد ممكن يخليها تشتغل وتبوت بدل الهارد ..

ممكن جدا و عملتها قبل كدة بس بتبقى الدنيا بطيئة جدا.

المشاركة الأصلية كتبت بواسطة megoghanem

أما بالنسبة لموضوع مساحة تخزين الفلاشات اللى هاتبقى محدودة جدا فممكن الاعتماد على فلاشات صينى (مالهاش ماركة) بس دى برضه هايبقى عمرها صغير .. والاحسن الاكتفاء بمساحة 8 جيجا بفلاشة ماركة معروفة والاعتماد بعد كده على السيديهات
وبعد كده مفيش خوف على النوع ده من المطبات

ما هو لو انت جايب HDD بمساحة كويسة مش هتحتاج الكلام دة كلة.

المشاركة الأصلية كتبت بواسطة beautiful0mind

فكرة جميله جدا جدا على فكرة وممكن كمان نجيب الشاشه دى ونركبها فالتابلوه ونوصلها بالموبيل ( زى n95 8gp.n96) بوكده هتستفيد من كل حاجه وكل مميزات الجهاز اللى معاك زى wi-fi -gbs - internet live -) ومساحجه الجهاز مش هتحس بيها وصغيرة .....وهتقدر تتحكم فى رضه ولا اية رأيك

مش هيبقى عندك لازمة للشاشة الtouch و هتعمل كل حاجة من الموبيل و فى الحالة دية تجيب شاشة من التوفيقية ب 500 جنية هتعملك اللى انت عايزة.

**Nour_Peugeot** · 05-10-2008 12:43 PM

فكره لذيذه بس اعتقد انها مش هتنفع عندي او انا مش هقدر استفاد منها الاستفاده الصح

**ameerahmad** · 11-10-2008 05:50 PM

السلام عليكم
من زمان وانا عاوز اركب كمبيوتر في العربيه وبقالي فتره بدور علي افضل وسيله لغايه لما لقيت الجهاز الجامد جدا acer a150
الجهاز ده لقيت فيه كل المميزات اللي كنت بدور عليها في لاب توب ينفع يركب في العربيه من حيث الحجم المناسب والسعر المناسب والشاشه و السرعه و الاداء
وانا اعتقد ان الجهاز ده انسب كمبيوتر ممكن تحطه في عربيتك بالنسبه لكل الاحتمالات اللي انا شفتها
ودي مواصفات الجهاز
اولا: السرعه - بروسيسر انتل بسرعه 1.6 جيجا هرتز مع رامات جيجا مع كارت شاشه 384 لا يسحبهم من الرامات يعطولك اداء اكثر من رائع بالنسبه لكمبيوتر السياره
ثانيا: الشاشه 9 بوصه وده حجم مناسب جدا وكبير وواضح لكل ركاب السياره
ومتحركه يعني يمكن تعديل وضعها حسب الرغبه ويمكن غلقها لو داخل علي كمين ده بفرض ان انت مثبت الكمبيوتر بسقف السياره
الشاشه بتقنيه كريستال برايت و وايد سكرين فيجا ودي من اوضح الشاشات في اللاب توب وزاويه الرؤيه بتاعتها كبيره غير اي شاشه تانيه
ميزه اخري : الشاشه - يمكن تعديل الصوره الصادره منها بزاويه 90 و 180 و 270 درجه وده يخليك لو مثبت الكمبيوتر في سقف السياره الصوره تكون معدوله مش مقلوبه
ثالثا: الحجم - الكمبيوتر ابعاده مناسبه جدا لوضعه في مكان في السياره
رابعا:الهارد 120 جيجا مساحه تخزينيه كبيره للالعاب والافلام و البرامج و الاغاني ....الخ
خامسا: بطاريه بتشغل الجهاز من ساعتين ونص الي ثلاثه وتغنيك انك تجيب جهاز PSU
سادسا : الجهاز فيه ثلاث فتحات يو اس بي وكارت لان و واير ليس وكاميرا و مايك
العيوب -
1- لا يوجد بالكمبيوتر سي دي الحل: تجيب فلاشه 4 او 8 جيجا تعمل معاك احلي واجب
2- هتحتاج معاه الادوات الآتيه:
1- car adapter 200جنيه
2-ماوس ويرليس
3- الفلاشه السابق ذكرها
4- دراعات جويستك من اللي بتركب في فتحه يو اس بي (اختياري) لو انت غاوي العاب

3- الجهاز تجميع صيني بس جوده بجد حلوه وشكله شيك

الجهاز ده انا جايبه عن طريق جاري اللي بيشتري حاجات من السعوديه ويبعها في مصر و مكلفني 3250 جنيه جديد واعتقد ده سعر مناسب جدا

معلش انا معرفتش انزل صور لاني لم اركبه في السياره بعد لاني اريد ان اجدد الفرش بتاعها الاول وان شاء الله اول ما اركبه هنزل الصور علطول

اللي عاوز يشوف الجهاز انا شغال دكتور اشعه في مستشفي المنصوره الدولي بالمنصوره و متواجد هناك يوميا واللي عاوز يقابلني يكلمني بس قبلها علي 0105043503

مشاهدة نتائج الإستطلاع: اية رأيك فى الفكرة دية ؟؟

الموضوع: Carputer او كمبيوتر السيارة

LinkBack

أدوات الموضوع

عرض

-

-

-

-

-

-

-

المواضيع المتشابهه

CarPC كمبيوتر السيارة

CarPC كمبيوتر السيارة

سؤال فى كمبيوتر السيارة car pc

ظبط كمبيوتر السيارة

هل ممكن شبك كمبيوتر السيارة مع كمبيوتر عادي؟

الكلمات الدلالية لهذا الموضوع

المفضلات

المفضلات

ضوابط المشاركة