الموضوع: رينو لوجان اوتو ...حقا انها سيارة مقلب!!!!!!!

أضافه لمشاركه ا احمد عبد المقصود.......
مفيش حاجه اسمها عربيه كامله مهما بلغت جوده الصانع.....المهم انت بتاخد ايه مقابل فلوسك اللى دفعتها

اللى دفع ٧٠ أو ٨٠ ألف فى اللوجان يسأل نفسه كان ممكن يجيب ايه بنفس هذا التمن؟
طيب هو كسب ايه فى اللوجان
-اتساع، شنطه،تسارع ، سياره عاليه و مش بتحك، تكييف معقول.... انا مش عارف هو اللى يرد مش انا....
أكيد فى حاجات ناقصه و كمان فيه مشاكل......
الحاجات الناقصة دى أكيد موجوده فى سيارات أعلى بسعر أعلى
أما المشاكل فالمفروض التوكيل بيحلها فى الضمان و فى حاجات بتبقى عيوب تصميم زى رجه الفتيس أو تقليل فى التكاليف cost reduction زى نقص العازل فى أماكن كثيره و مشكله الحراره... طبعا هنا التوكيل بيدى مسكنات لان العيب من المصنع نفسه و مش دور التوكيل يعالجه.... لازم العلاج الناجح يجى من المصنع نفسه

الكلام ده موجود فى عربيات فئات أعلى بكتير و أوحش من كده كمان......زى الفولكس واجن موديلات ٢٠١٠ وانت طالع و مشكله الفتيس الDSG و دى حصلت معى شخصيا فى سياره توران ٢٠١١

المرسيدس نفس الشيء. C250 اتغيرلها أكثر من مساعد فى الضمان و لاحظ أنها مرسيدس موديل ٢٠١١
و قبل الخروج من الضمان بأسبوع كان فيه مشكله فى طاره الكرنك و عيب معروف و شائع و التوكيل قعد يسوف و يقول استخدم بنزين ٩٥ بدل ٩٢ و كلام فاضى من ده و لما أصريت على وجود مشكله و طلبت رأى الشركة الأم فى ألمانيا اعترفوا بوجود المشكلة و لكن العربية كانت خرجت بره الضمان بأسبوع واحد فقط و رفضوا يعملوها تحت الضمان


الفكره مره أخرى القيمه مقابل المال من وجهه نظر كل واحد و دى حاجه شخصيه تفرق من واحد للآخر ....يعنى بنفس هذا المبلغ كنت هتجيب ايه أحسن؟
وربنا يبارك لكم فى عربياتكم ......