الموضوع: رينو لوجان اوتو ...حقا انها سيارة مقلب!!!!!!!

المشاركة الأصلية كتبت بواسطة walidzakzok

كلام حضرتك سليم لما تبقى مشاكل فردية زي ترشيح الزيت والازاز اما لما تبقى مواصفات العربية كدة تبقى حاجة تانية انا باتكلم عن سيارة رديئة الصناعة ومشاكلها كتير ودة اللي مخلي الرينو سعر اعادة بيعه واقع

حضرتك عاوز تدفع عشرة جنيه وتاخد مقابلها حاجة تسوى 100 جنيه؟

قارن اللوجان بالفيرنا المنخفضة على الارض الضيقة في الصالون اللوجان تكسح
قارن اللوجان باللانوس اكيد اللوجان

عربية فرنسي رينو ياجدع مش كوري ولا صيني

المشاركة الأصلية كتبت بواسطة walidzakzok

حضرتك لو راجعت مشاركات الموضوع هتلاقيني كاتب ان العربية احسن اجمالا من اللانوس والفيرنا بس هما بيتفوقا فى سهولة ومصارف الصيانة وسعر اعادة البيع عندك اللانوس ال2008 بتتباع بسعر اللوجان 2011 وبتبيعها وانت واقف فى الشارع دة مش معناه ان هما احسن دة بيتوقف على احتياجات الشخص من العربية

معاك في مصاريف الصيانة طبعا اللوجان صيانتها مكلفة بس في نفس الوقت معجب باللوجان لاني سوقت كورولا 2005 وكان نفسي في حاجة عالية عن الارض زي الكورولا
وواسعة من جوة اول ماشفت لوجان قولت هي ده بالاضافة الكورولا مكنش فيها تكنولوجيا زي اللوجان

طب مش يمكن لو صبرنا شوية حنلاقي اللوجان بقت شعبية زي اللانوس

وبقت فيها مميزات اللانوس من اسعار صيانة وقطع غيار واعادة بيع؟

المشاركة الأصلية كتبت بواسطة zoro2

السلام عليكم ورحمة الله وبركاته

لصاحب الموضوع الأخ وليد
بصراحة شديدة انا فعلا متابع كل الأعضاء وبديت أحس بإختناق وضيق كلما رأيت الإسهاب فى موضوعك انت يا وليد خليتنا عاملين زى اللى لابس قميص جديد ومستنى الناس تبارك له عليه
يقوم واحد ؟؟؟؟ يقولك لياقة القميص وسخة أوووى انت شاريه كده ؟؟؟؟
أرجو كل اللى عنده تجربة حلوة او نقاش موضوعى حول موضوع زى ده يفيدنا بعلمه وتجربته دون الدخول إلى النوايا والتعليقات اللى تخلى الواحد يحبط ويصاب بالأكتئاب لمجرد رؤيته عنوان الموضوع
(تعليقك ان عادة البعض انو يلبس غيره فى حاجة لبسها دى ) خلتنى أرجو من أى حد مسئول عن الموقع أو القسم يغلق الموضوع هو إحنا جايين نخدم بعض ونستفيد بأراء بعضنا البعض ولا نضمر الشر والسوء والمقالب ده عيب وغلط ده شغل ناس مش ولاد ناس
وعيب إنى أقولك عيب والمعنى فى بطن الشاعر
أنا مش داخل الموضوع تانى لأنى فعلا بيتحرق دمى من الإسفاف والدرجة اللى وصلنا ليها فى النقاش واستخدام ألفاظ لا تليق لناس المفروض أنهم ناس متعلمة
وأنهى حديثى أسفا على الإطاله بحديث سيد الخلق أشرف ولد أدم سيدنا محمد بن عبد الله بالحديث الشريف

عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت ، ومن كان يؤمن بالله واليوم الآخر ، فليكرم جاره ، ومن كان يؤمن بالله واليوم الآخر ، فليكرم ضيفه ) رواه البخاري ومسلم .

عندك حق يا دكتور هشام ...... الموضوع آخد أبعاد مش حلوه وأصبح لا يوجد إستفاده

وللأستاذ العزيز وليد (صاحب الموضوع) من الواضح ان الموضوع قدر ونصيب أن تكون العربيه إللي إشترتها بها مشاكل كثيره وده مش العموم بتاع العربيه بإختصار. وللأمانه إحنا في المنتدي هنا أكتر ناس شرحت عيوب اللوجان قبل مميزاتها والكلام ده من أول نزول السياره للأسواق (أيام نتشة المارشدير كمثال) لو حد فاكر والحمد لله تم حل مواضيع وعيوب كتير بسبب أعضاء المنتدي ..... لدرجة إن مره مهندس حبيبي في رينو لما شاف بادج المنتدي قالي بالنص ... هو (إنت من نايل موتورز إللي عاملين لنا هيصه وقارفنا)

في النهايه .... ربنا يرزقك باللي أحسن منها بإذن الله .... وأرجو من الجميع قبول تحياتي

على فكره الاستاذ وليد عنده حق فى معظم الكلام لكنى اختلف معه فى ان المشكله الاساسيه سببها التوكيل انا واحد من الناس عربيتى 2011 وفيها مشكله العزل العضه فى الفتيس فى المارش والاول ولحد دلوقتى مش راضى يعترف بالمشكله رغم كل الشكوى منها فى كل صيانه وزاد وغطى لما اشتكيت من صرخه اثناء السير اثناء عمل صيانه ال30 لاقيتهم ضايفين على الفاتوره مبلغ للكشف على العفشه ولما اصريت انه يتشال المبلغ لاننى دافع اد كده مصنعيه وافقوا على مضض كانهم عاملين فيا جميله لا وفوق كده الخلل فى مؤشر الحراره وقالوا انهم عملوه مرتين فى صيانه ال25 وال30 وده ماحصلش وتزييق الابواب ورجرجه الزجاج طبعا من الرفاهيه انى اقولهم عليها دا انا لازم اطلب انهم يغسلوا العربيه واصر مابيعملوهاش من نفسهم ابدا ده غير كاوتشه مفتاح السنتر اللى قالولى انها مستهلكات رغم انى متاكد انها مشكله عامه وعاوزين بغيروا المفتاح ب1200 جنيه غير المصنعيه وكل ده والاقى استاذ مع كامل احترامى له بيقول على التوكيل انه عظيم علشان غيرله قطع تالفه اثناء الضمان انا مره من غلبى فكرت اتصل بخالد نصير رئيس مجلس الاداره لكن مارضيتش بس والنبى مش عاوز واحد بقول انت غلطان وروح اعمل شكوى افضحهم للشركه العالميه لان لو الشركه كانت بتحترم عملائها كانت شالت التوكيل منهم لكن كل المهم هو تحقيق المبيعات وعلى فكره ليا صديق من فرنسا بيقول لى ان رينو سمعتها فى اروروبا انها بتعمل العربيات باسعار منافسه ووممكن تديها للعملاء ببلاش - مجازا - مقابل انها تدبحهم فى قطع الغيار يعنى دى سياسه الشركه الام ...عبى فكره انا بتعامل مع توكيل المقطم وقدمت شكاوى بالتليفون وماحدش سال