الموضوع: شباب العربية بتتاخر فى الدوارة او مش بتدور !!!

المشاركة الأصلية كتبت بواسطة ehab_mansour

السلام عليكم حسين بيك
أتمني ان تكون بخير و اسف علي انشغالي و قلة ردودي هذه الفترة و لكن ربك المستعان

ربنا يعينك ويقويك يا باشا ويوفقك لكل خير .

بخصوص مشكلتك فطالما المارش شغال كويس و بيدور و بيحرك المحرك (ركز في بيحرك دي لأنه لو بيدور المارش و مش بيتحرك المحرك و يدور معاه يبقي اوتوماتيك المارش من غير نقاش ) و لكنه المحرك مش بينطق يبقي هنا سكة المارش مافيهاش مشكلة و المشكلة في مكان أخر

تمام كده هو ده الى بيحصل والدليل كمان ان المارش شغال بالسلكة الى عملتها فى المارش وبعديها على طرف البطارية الى فيه كهرباء وانا فاتح الكونتاكات وقتها العربية بتدور على طول فده معنها ان المارش شغال كده ولا اية يا ريت تاكد عليا وهل فى اللحطة ده بتاعه انى بدور العربية عن طريق المارش وا لبطارية عمن خلال السلكة الى بوصلها ما بينهم هل فى اللحطة ده كده انا بعدى خطوة تدخل الموبينة فى دوران العربية او بمعنى اخر كده انا مش بستخدم الموبينة او الموبينة مش بتقوم بوظيفتها فى دوران العربية ولا العكس يعنى فكرة السلكة الى بين المارش والبطارية ده بترمى كهرباء للموبينة والى بتشتغل وقتها والعربية بتدور مهمه اوى النقطه ده ؟

الصورة دي بتوضح دائرة الكهرباءو الكنترول المحركات ال 1000 و 1400 الانجيكشن حتي نهاية 98


uploaded with imageshack.us

الصورة بتوضح ان فبرة الكونتاكت (رقم 4 في الصورة) بتدخلها كهرباء 12 فولت و لما بتلف المفتاح بتخرج كهرباء متفرعه لشوية حاجات و هي (كتاوت طلمبة البنزين (اللي هو b) + موبينة الكهرباء اللي هي رقم 28 + الكنترول اللي هو رقم 41 + بلف مكثف البنزين اللي هو 33 ) +وصلة خارجه للايموبلايزر عشان يشيك علي المفتاح ) دي كل وصلات خرج فبرة الكونتاكت اللي في الرسم
اللي مش موجود في الرسم هو وصلة تشغيل المارش و دي لوحدها و دي مافيهاش مشكلة


تمام والله ينور عليك يبقى كده مش معنى ان المارش سليم يبقى الفبره سليمة لانهم بكده مش مرتبطين ببعض ولا كان المارش ظهر فى توزيعه الكهرباء السابقة وان الفبره بتدى كهرباء للحاجات الى حضرتك ذكرتها فوق وبس .....


توقعي لحل المشكلة :-
1- فبرة الكونتاكت مش بتخرج كهرباء للموبينة و هنا الموبينة مش بتشتغل او بتخرج كهرباء ضعيفة لأنها مش ملمسة كويس فمش بتقدر تشغل كل الحاجات دي ودي هنحلها باننا هنفك فيشة الموبينة لما المشكلة تحصل و هنختبر طرفين منها و هم الطرفين اللي علي اطراف الفيشة لو لقيت عليهم 12 فولت يبقي الفبرة بريئة من المشكلة

انا التجربة الى عملتها وقت المشكلة ده انى بشيل طرف السلك بتاع الموبينة الى داخل فى الاسبراتير وبقربه من جسم العربية وبدور ما فيش اى شرز بيطلع ولما خطر فى بالى انها ممكن الموبينة غيرتها للاستيراد وانت عارف القصة بتعتها ، وبرده نفس المشكلة فعلشان كده انا كنت مستبعد الموبينة شوية وكنت شاكك اصلا فى الحاجة الى بتدى الموبينة كهرباء وهى الفبره نفسها .

طيب ازاى هعرف ان الطرفين بتوع الفيشة دول عليهم 12 فولت حاجة بتقسيهم مثلا ولا بيكون مكتوب عليهم ولا ازاى يا باشا .


2- الكنترول هنا بياخد 12 فولت برضه و بيخرج طرف للموبينة يسمي (enable ) في الرجل اللي في نص الفيشة و ده طرف بيقلها تشتغل فقط ... طيب ليه لأن الكنترول بيشيك الأول مع الايموبلايزر و بعدين يخرج كهرباء للموبينة و الرشاشات (انا حابب انى اكد على حضرتك ان الموتور هاف انجكشن ما فيش رشاشات غير واحد تقريبا ) و هنا المشكلة يا اما كنترول بيهنج و يشتغل بمزاجه (هيكون علاجه اية يا باشا :( ) يا اما ايموبلايزر (بيبقى موجود فين فى العربةي ده وبيعمل اية وبيتغير ازاى ) بيهيس برضه

علي العموم عشان الموضوع ميتعقدش شوف الأول الموبينة بيخرجلها كهرباء ولا لأ لأن فبرة الكونتاكت هي الأقرب لما يحدث

هى بالفعل وقت ما بتحصل المشكلة زي ما بقول لحضرتك لما جربت موضوع تقريب سلك الموبينة من جسم العربية وبدور مش بيطلع منها كهرباء ؟

و بالتوفيق لك و للجميع

حاجة كمان يا ايهاب هل بعد ما العربية بتدور وبمشي بيها او دايرة وواقف سلانسية ، هل الفبره ده بتفضل مسئولة على انها تمد الموبينة بالكهرباء طول ما العربية دايرة ولا لمجرد التشغيل وبعد كده خلاص ؟

منتظر ردك يا باشا وتحياتى لكل اخوتى الى شاركونى في الموضوع ،،