شباب العربية بتتاخر فى الدوارة او مش بتدور !!!

**egman** · 03-04-2013 03:12 PM

++++++1

**ehab_mansour** · 03-04-2013 03:53 PM

المشاركة الأصلية كتبت بواسطة egman

حاجة كمان يا ايهاب هل بعد ما العربية بتدور وبمشي بيها او دايرة وواقف سلانسية ، هل الفبره ده بتفضل مسئولة على انها تمد الموبينة بالكهرباء طول ما العربية دايرة ولا لمجرد التشغيل وبعد كده خلاص ؟

منتظر ردك يا باشا وتحياتى لكل اخوتى الى شاركونى في الموضوع ،،

السلام عليكم
أولا الفبرة بتفضل تدي الكهرباء دي علطول طول فترة تشغيل المحرك
ثانيا المارش بيكون ليه وصلة أخري من الفبرة غير اللي في الصورة و دي بتوصل فقط مع سنة الدوارة اللي في الفبرة .... اوضح اكتر
الدائرة اللي فوق دي بتوصل كهرباء مع فتحة الكونتاكت اللي بتنور فيها التابلوه و لمباته اما دائرة تشغيل المارش و خروجه فدي بتوصل فقط مع حركة الكوانتكت او الفبرة للأمام للدوارة و بعدين تفصل يعني المارش هو اللي بيلقط و يشتغل معاك وقت الدوارة بس و بعد لما تدور العربية يفصل

موضوع ازاي تقيس كهربة الموبينة فممكن بلمبة صغيرة زي بتاعة الاشارة و تلمسها او تستخدم افوميتر زي اللي شفته معايا قوت المقابلة

و ربنا ييسرلك الحال يارب

**egman** · 04-04-2013 10:32 AM

شباب انا اقصد فى نقطة رقم 4 انى وانا بدور بسمع صوت المارش عادى جدا اكن العربية هتدور عادى لكن فى الاخر ما فيش دوارة

**ehab_mansour** · 04-04-2013 10:40 AM

توقعي الشخصي ان كل ده فبرة كونتاكت بتعلق و تلمس بمزاجها و محتاجه تتغير و الدليل ان العربية قبل ما تبطل عملت معاك مدافع لما حاولت تدوس ار بي ام و السبب هنا هو تقطيع في الكهرباء اللي رايحة للموبينه و بالتالي الموبينة عمالة تدي كهرباء و تفصل بسرعه تدي و تفصل تدي و تفصل فتعمل معاك مدافع و تخلي الار بي ام يلعب كده
كمان المارش قطع و ده برده لنفس السبب و مالهوش حاجه تانيه

جرب و ابقي لي الدنيا فيها ايه لأنك المرة دي أكدت شكي و ظنوني في الفبرة اللي بتلاعبك و عايزك تلاعيبها صح هههههههههههه ... و متقلقش نفسك بسيطة ان شاء الله

**ehab_mansour** · 04-04-2013 11:29 AM

المشاركة الأصلية كتبت بواسطة egman

صباح الفل يا ايهاب باشا .

والله بص انا الفبرة ده لو راجل قدامى كنت قتلته هههههههههه لانها خلاص تعبت اعصابي ، انا ان شاء الله انا مش هلاعبها كويس وبس انا هرميها بره العربية ، انا الاسلم انى اشترى فبره جديدة واركبها ونشوف ، انا سالت عليها بالتليفون هى عاملة 65 جنية .

هل فى منها نوع كويس ولا حاجة يا باشا اخد بالى منها وانا بشتريها ؟

والميكانيكي هو الى ممكن يغيرها ولا لازم كهربائي وهل هى سهله مش غلبه فى تغيرها يعنى ؟

للأسف معرفش بكام و مركبتهاش قبل كده ولا فكيتها لكن اعتقد الموضوع سهل سواء ميكانيكي او كهربائي لأنه هيفك الطارة بالمفاتيح بتاعت الاشارة و المساحات و بعدين هيفك الفبرة يشيلها و يركب الجديدة
و انتظر يمكن يفيدنا حد في نوعها و جديدة ولا استيراد افضل

**SYD** · 04-04-2013 11:35 AM

للأسف الشديد يا صاحبي
لازم تروح اما عند كهربائي فولكس او حد بتاع ابواب محترف
لأن كونتاكت الفولكس له مفتاح مخصوص يفكه ومش عند اي حد بتاع ابواب
جرب تنزل بيها الحرفيين او شارع الأربعين

تحياتي

-

-

-

-

الموضوع: شباب العربية بتتاخر فى الدوارة او مش بتدور !!!

LinkBack

أدوات الموضوع

عرض

-

-

-

-

-

-

المواضيع المتشابهه

الدوارة بتتاخر الصبح

العربية بتتاخر فى الدوارة الصبح

العربية بتتاخر فى الدوارة الصبح

العربية بتتاخر عشان تقف

العربية بتتاخر في الدوارة الصبح ؟؟

الكلمات الدلالية لهذا الموضوع

المفضلات

المفضلات

ضوابط المشاركة