تيدا 2014 - تقفيل تايلاند - ولا كورسا ولا يارس 1500- ولا فيات لينا

**SAWA1SAWA** · 02-04-2013 04:31 PM

المشاركة الأصلية كتبت بواسطة ahmedz310

أنا اميل للتيدا ولكن بما ان شكلها هيتغير اخر السنة وكمان التقفيل هيتغير وهيبقي تايلاندي بدل مكسيكي فصعب نحكم عليها دلوقتي
الكورسا عربية محترمة جداً اعتقد ان اللي يعيبها التوكيل فقط لاغير

كل الإحترام لرأيك , وأنا بارضو شايف التيدا والكورسا عربيين يحيروا بس فين رأيك فى اليارس ويا ريت أخبار الكورسا من جوه من ناحية الوسع والراحة

**speed_magnum** · 02-04-2013 04:42 PM

المشاركة الأصلية كتبت بواسطة sonasteel

مبدئيا الاوبل الكورسا الهاتش باك اقلهم جمالا
ويليها الياريس
واخير التيدا احلي شكل فيهم تقريبا داخلي وخارجي

الكورسا مش حاسسها خالص كشكل ........ مش عارف مواصفات ماتورها ايه بصراحة ممكن ملاكها يفيدوك

الهاتش باك عامة كده كده بتبقي اضيق من السيدان .... بس بيضيفلك اوبشن انك تثني المقاعد علشان توسع الشنطة

انا من رأي تستني لما تنزل التيدا وتشوفها وتشوف تقفيلها وتقارنه بالياريس ........ علي الاقل الاتنين دول ليهم توكيلات محترمة شوية ومش هاتتعب فيهم ان شاء الله

انا شخصيا لو ماتور التيدا ال118 حصان .... بالشكل ده
انا هاخد التيدا طبعا ....... شكلها حلو ووصاحبي لسه جاي من الصين وشافها هناك كتير وقالي شكلها علي الحقية تحفــــــــــة احلي من الصور

ومتنساش الاستخارة طبعا :)

اوبل كورسا هاتش باك هاي لاين بالجنط ال17 والبانوراما شكلها مش تمام واوحش من التيدا والياريس !!!
هي صحيح ازواق يا هندسه
بس اتفرج علي الهاي لاين وانت تغير رأيك

**speed_magnum** · 02-04-2013 04:44 PM

المشاركة الأصلية كتبت بواسطة sawa1sawa

أول مشاركة فى هذا المنتدى الكبير , وأشكر كل الأعضاء إلى استفدت من ارائهم بخصوص التيدا ولكن هناك عربيتين لم تحسم المشاركات السابقة أفضليتهم على التيدا , أولهما : الكورسا وإلى حسيت إن الكفة ميله ليها شويه كعربية بعيد عن التوكيل وإن كنت مش عارف وسعها من جوه أخباره إيه , والثانية : اليارس 1500cc وهما من نفس الفئة السعرية , علما بأن التيدا عرفت من التوكيل أنها هتبقى فى 2014 تقفيل تايلاند وليس المكسيك فهل دى نقطة فى صالحها ولا لأ وهل بعد :
التجارب الشخصية - والاحساس باداء السيارة - والعفشة - والتسارع - الخ .... هيكون الرأى الحاسم لمين بين الفئات الاوتوماتيك الهاتشباك من هذه السيارات
طبعا فيه عربيات تانية زى الفورد فيستا والسيات أبيزا وكيا كارنز وهى عربيات محترمة جدا ولكن يا ريت ما ندخلهم فى المقارنة , أتمنى أعرف أراء أعضاء وخبراء أحسن منتدى للسيارات فى مصر والعالم العربى

انا معايا كورسا الجديده
رقم موبايلي 01153058445
وأي استفسار انا تحت امرك

**SAWA1SAWA** · 02-04-2013 05:33 PM

المشاركة الأصلية كتبت بواسطة speed_magnum

انا معايا كورسا الجديده
رقم موبايلي 01153058445
وأي استفسار انا تحت امرك

يا باشا مش عارف أقولك إيه بس على ذوقك واهتمامك وأكيد بيينا إتصال بس رجاء نكمل المشاركة مع كل الأعضاء عشان الفائدة تعم
وإنت أكتر واحد تفيدنا فى الكورسا من جوه شكلها عامل إيه من ناحية الوسع مقارنة بالتيدا و اليارس وكمان راحة العفشة

**S O P H O S** · 02-04-2013 08:53 PM

ايوة يا فندم حضرتك تقصد جديد ال 1300 دي الهتشباك الي هي 99 حصان
لو بتفكر فالياريس السيدان الشكل الحالي الي فمصر فبصراحة لا عربية متستهلش ثمنها الحالي دي لو موجودة
انما لو تقصد الياريس ال 1300 الهتشباك يبقي الكلام مختلف وعربية كويسة جدا فرأي
وفي اخبار كتير عن الشكل الجديد للياريس السيدان ..

**omar-saad** · 02-04-2013 09:22 PM

على فكرة بس انا عايز اضيف حاجة صغيرة
ان التيدا فئة اكبر من الكورسا واليارس
بس للاسف السعر هما اللى مخليهم قريبين لبعض
عموما انا رايى انك تستنا التيدا الجديدة
شكل احدث افخم اوسع
وحتة السعر بقى انتا ونصيبك
ممكن الدولار ينزل والعربيات سعرها ينزل
وساعتها تبقى كسبت عربية كويسة بسعر كويس

**hosssss** · 02-04-2013 10:01 PM

المشاركة الأصلية كتبت بواسطة omar-saad

على فكرة بس انا عايز اضيف حاجة صغيرة
ان التيدا فئة اكبر من الكورسا واليارس
بس للاسف السعر هما اللى مخليهم قريبين لبعض
عموما انا رايى انك تستنا التيدا الجديدة
شكل احدث افخم اوسع
وحتة السعر بقى انتا ونصيبك
ممكن الدولار ينزل والعربيات سعرها ينزل
وساعتها تبقى كسبت عربية كويسة بسعر كويس

+1
علي فكرة انا قدامي كورولا و استرا و ممكن جيتا كمان بس انا شايف ان تيدا اكتر عربية متكاملة في سوق من حيث الامان و الامكانيات و توكيل محترم و قوة و اعتمادية و قطع غيار و بسعر مناسب
واحد هيعوز اي تاني ؟ :D