صدقا انا التيدا هرتها وقعدت فيها كتير بتاعه احمد تي في ربنا يباركله فيها وسوقتها كتير علي الدايري كمان
العربية واسعه فعلا بس ممكن يكون الوسع طولي اكتر من هو عرضي
يعني ممكن 3 يقعدوا ورا جنب بعض مزنوقين بس رجليهم مرتاحة ..... عكس الصني مثلا
التلاتة مرتاحين شويه بالعرض بس بالطول صغيرة
اللينا انا مش فاكر الكنبة بتاعتها الصراحة ....... انا قعدت قدام بس
بس القعدة فيها غير التيدا
القعدة فيها اقرب للصني اكتر ..... يعني انت قاعد جوه والكرسي واخدك لتحت غير التيدا الكرسي بتاعها زي بتاع الاوتوبيس عاليه ويمكن ده اللي مدي شعور بالثبات انه اقل ... لاننا جرينا بها 160 وغرز علي المحور وشغال
وانا جريت بيها 140-150 علي الدايري ومقلقتش
بس ولكن
انا جربت اللينا ال1.4 التربو ..... مش الاوتو العادية فمعرفش التسارع بتاعها ايه ظروفه
بس كصالون وخامات و عربية انا بحبها عن التيدا .... حتي شكلها الخارجي انا اقبله عن التيدا اكتر
والعربية ثابتة ثبات رائع ماشاء الله .... مش عارف علشان يوكو مركب سوست ولا هي كده
بس عامة المعلومة اللي عرفتها منه ان قاعدة العجل اللي ورا اكبر من اللي قادم
فالعفشو عاملة شكل هرمي وده طبعا في الثبات لا يوصف ماشاء الله
انا من راي دلوقتي
التيدا ....... لو الشكل الجديد هايبقي لسه قدامك وقت كبير وشكلها مش هايتغير لو ناوي العربية تقعد معاك
+ توكيلها محترم طبعا وهايريحك
الللينا شكلها بقي قديم . بالرغم من انك لو جبتها هاتحس انك مميز لانه مش منتشرة برده وخاصة النبيتي بتاعها بالصالون البيج ...... واااااااااااو تحفة الله اكبر انا شفتها بلمت :d
بس تكون تاني فئة ... علشان اول فئة لا تقارن بتاني فئة خالص .
التوكيل في الضياع طبعا ......... يعتبر اسوءهم كلهم
ممكن الخلاصة من رأي الشخصي لو انا مكانك ان شاء الله ....... ومتنساش الاستخارة
التيدا الجديدة
اللينيا
الكورسا
الياريس الجديدة
* فيه التويوتا الاوريوس الجديدة ........ انا شوفتها علي الطبيعه في معرض في مدينة نصر ... وجميلة جدا جدا وشكلها مقبول جدا من بره حتي باين انها اكبر من الياريس وهاتش باك
وشوفت تقرير ليها هنا حلو اوي ..... المفروض الكرولا هاتبقي السيدان بتعاها
وربنا ييسرلك الخير
المفضلات