الموضوع: تيدا 2014 - تقفيل تايلاند - ولا كورسا ولا يارس 1500- ولا فيات لينا

70 مشاهدة من إمبارح وما فيش ولا رد حرام عليكم فين خبراء المنتدى وفريق نيسان

متابع

أنا اميل للتيدا ولكن بما ان شكلها هيتغير اخر السنة وكمان التقفيل هيتغير وهيبقي تايلاندي بدل مكسيكي فصعب نحكم عليها دلوقتي
الكورسا عربية محترمة جداً اعتقد ان اللي يعيبها التوكيل فقط لاغير

متابع بشده

علي فكرة تيدا الي في صين هي تيدا الجديدة 1600 cc و 124 حصان كمان حضرتك ممكن تشوف موضوع دا http://www.nilemotors.net/Nile/34505...new-tiida.html

المشاركة الأصلية كتبت بواسطة SonaSteel

مبدئيا الاوبل الكورسا الهاتش باك اقلهم جمالا
ويليها الياريس
واخير التيدا احلي شكل فيهم تقريبا داخلي وخارجي

الكورسا مش حاسسها خالص كشكل ........ مش عارف مواصفات ماتورها ايه بصراحة ممكن ملاكها يفيدوك

الهاتش باك عامة كده كده بتبقي اضيق من السيدان .... بس بيضيفلك اوبشن انك تثني المقاعد علشان توسع الشنطة

انا من رأي تستني لما تنزل التيدا وتشوفها وتشوف تقفيلها وتقارنه بالياريس ........ علي الاقل الاتنين دول ليهم توكيلات محترمة شوية ومش هاتتعب فيهم ان شاء الله

انا شخصيا لو ماتور التيدا ال118 حصان ....
انا هاخد التيدا طبعا ....... شكلها حلو ووصاحبي لسه جاي من الصين وشافها هناك كتير وقالي شكلها علي الحقية تحفــــــــــة احلي من الصور

ومتنساش الاستخارة طبعا :)

شكر خاص جدا للعضو المحترمSonaSteel


لأنى استفدت من مشركاتك كتير , وأتمنى أشوف بقية آراء نيسان تيم
وهل حضرتك قصدك إن شكل ال versa 2014 (التيدا الجديد ) هو ده اللى شافو صاحبك لانه فيه تغيير عن الشكل الحالى والبعض قال هنا فى المنتدى إن الشكل القديم أحلى
وبالنسبة لمتور الأوبيل هو 1400 وقوته 6000/100 ورغم كده أغلب المشركات أجمعت على تفوقها فى الثبات وكمان الأمان بالإضافة لسحبها الكويس والعزل , مع العلم إنى إن شاء الله مش هجرى بالتيدا لو جبتها فوق آخر سرعة ثبات ليها 130 - 140 كيلو
وبالنسبة لنقطة التقفيل التيلاندى أنا عارف إنه بدرى السؤال قبل ما نشوف العربية بوضعها الجديد ولكن كان قصدى سمعة التقفيل التيلاندى إيه خصوصا إنى عرفت من التوكيل إن تايلاند هى إلى بتقفل الهوندا سيتى

وطبعا الغرض من السؤال أستنى لحد شهر تسعة عشان التيدا الجديدة ولا أستقر على عربية من دلوقتى بس لو الإنتظار يستاهل هستنى