الموضوع: طلعت الرخصة وللاسف بالفلوس :(

المشاركة الأصلية كتبت بواسطة ozy2026

ان الله لا يغير ما بقوم حتى يغيروا من انفسهم
بصراحه حضرتك غلطانه علشان انتى بتقولى انا خايفه من الأشارات ودى مشكلتك انت
ولو اختبرتى سواقه وغلطتى وسقطتى يبقى معنى كده ان حضرتك ينفع تسوقى عربيه
ولازم تتعلمى كويس وبعد كده تختبرى تانى مفيهاش مشكله
انما احنا بصراحه اللى بنستسهل وبنروح ندور على السكك دى
ساعه لما جيت اطلع الرخصه (من زمان قبل الثوره بكام سنه) قعدوا يقلولى شوفلك واسطه وهيسقطوك وكلام من ده كتييير بس قلت لأ وروحت وطلعت رخصه فى نفس اليوم من غير ما ادفع مليم زياده
وعلى فكره انا معلم قرايبى البنات كلهم السواقه وروحت مع 4 لغايه دلوقتى وبنطلع الرخص عادى جدااا ولو واحده سقطت بنروح تانى اعلمها كويس ونرجع وتطلعها عادى جداا
وفى كذا مرور المعادى وحلوان
معلش بقى انا رغيت كتير بس اصل مش بقدر امسك نفسى

لا ولا يهمك عندك حق

المشاركة الأصلية كتبت بواسطة eng_mostafa_89

انا عن نفسي مبرضاش ادفع اى جنية لاى حد مش حقة انة يخدة

حضرتك صح

المشاركة الأصلية كتبت بواسطة s o p h o s

هو لما حد بيعترف بالغلط لازم يحصل كده !!

مفهمتش مشاركة حضرتك

المشاركة الأصلية كتبت بواسطة eng f3lix

اهم حاجة حضرتك تتعلمي من غلطك وتكون اخر مرة .. اللي فات فات

كمان 10 سنين ان شاء الله لما الرخصة تنتهى ساعتها يكون ربنا ييسر
الله المستعان

المشاركة الأصلية كتبت بواسطة 2code

هو في فرق والحمد لله بين امتحان السواقة وبين المشي جوه البلد

يعني انت ممكن تطلع رخصة ولكن متعرفش تمشي شارع واحد في الزحمة بعربيتك

وممكن تمشي بعربيتك اليوم كله ومتكونش معاك رخصة

عارفين ليه ؟ امتحان الرخصة اساساً غلط ايه اطلع لقدام وارجع لورا هو اللي يعمل كده يبقى يعرف يسوق وخلاص نسلمه ارواح ناس في الشارع ؟؟؟؟؟؟؟؟؟؟؟؟؟؟؟؟؟؟

الامتحانات برا مصر يا حضرات بيركب معاك واحد من المرور وتمشي جوه البلد ويخليك تركن في حته وتبقى ماشي يقول لك انزل هات حاجة من المحل ده ويشوفك هتطفي العربية ولا هتسيبها شغالة ولاهتجيب الـp وهترفع فرامل اليد ولا هتفتح الباب وتنزل وخلاص ههههههههههههههه

يعني حاجات غريبة

سؤال اخير دفعتي كام ؟ انا كنت سامع رقم من زمان بس دلوقتي مش عارف ؟

كلام حضرتك سليم جدا
للاسف دفعت مبلغ كبير
رسميا 850
فعليا رسيو على 1150

المشاركة الأصلية كتبت بواسطة monamize4

مدام \ انسه yoyo.yasso جايه بنفسها تعمل موضوع و تقول انها متضايقه انها دفعت رشوة رغم انه كان ممكن ان الموضوع يعدى عليها عادى و لا تحس انها عملت حاجة
انا مبقولش ان اللى هى عملته صح انا اقصد ياريت يا جماعة ننقد نقد بناء بلاش اسلوب النصيحة اللى يحببك ف الغلط

ربنا يكرمك ويجازيك خير انا لاحظت بردو كده بس مقدرتش اتكلم لانى مش بحب المقاوحة فى الغلط وانا عارفة انى غلطانة بس مكذبش عليكم انا ندمت انى اتكلمت

المشاركة الأصلية كتبت بواسطة captain-ahmed

من وجهة نظري انتي اشتريتي دماغك كتييييييييييييييييييييير اوي وجع قلب وزحمه ووجع دماغ

والغايه تبرر الوسيله (مجرد رأي شخصي)

والله زوجى متفق مع حضرتك فى الجزء الاول من كلامك جدا بس انا اللى الموضوع حيرنى ما بين انها خدمة انا دفعت تمنها خصوصا وانى مش عملاها غش يعنى مثلا مش انا مش بعرف اسوق ورحت طلعت رخصة لا الحمد لله بسوق
بس من ناحية تانية قلقانة من موضوع انها تبقى رشوة ومن جوايا مش مرتاحة لانى بساعد الناس اللى زى دى تستمر بس مكانش ادامى خيار تانى وخصوصا ان جوزى مأيد فكرة اننا نشترى نفسنا

المشاركة الأصلية كتبت بواسطة m.ayman

والله انا مش هلوم حضرتك علي حاجه احنا بقينا في بيئه من التعقيدات و كده كده بندفع ... والله اخويا كان بيرخص العربيه و ماشي قانوني يعني مش مسروقه ولا فيها اي حاجه مش مظبوطه و كان علني كده بيتقالوا مبلغ الرشوه المطلوبه غير كده يلففك حوالين نفسك :/ و ممكن تديله رشوه يوقفلك الحاجات برضه علشان مستقل بالفلوس للعلم الكلام ده كان في مرور عين الصيره ربنا يهدي الناس و لولا ان في الاخر اضطرينا نلجأ للطريقه المقرفه بتاعت التهديد و انت مش عارف انا ابقي مين و اعتبر نفسك اترفدت و البلطجه و التهديد مكناش مشينا من هناك و خلصنا و مع العلم باقي الشغل كان في مرور مدينة نصر اللي جمب رابعه العدويه قمه في الذوق و الاحترام و ناس مبتسمه كده طبعا برضه روتينين جدا بس علي الاقل مش بيقفوا الاجرائات علي الفلوس !! ..... الرخصه بتاعت قيادتي خدتها من غير ما ادفع مليم رشوه بس طبعا في المقابل مرمطه من الساعه ٩ لحد الساعه ٢:٣٠ في عز الشمس

ما ده اللى جوزى بيتلكم فيه اننا ندفع بس نخلص بدل ما نتنقع فى الشمس وروتين الحكومة

المشاركة الأصلية كتبت بواسطة m.ayman

بس ايه المشكله في الاشارات مش فاهم :) يعني دي ورقه كده فيها شوية اشارات اغلبها منطقيه يعني الصوره تفهمك الاشاره و ياما ممنوعات يااما ارشادات يا اما تحذيرات يعني مش مستاهله يتدفع فيها ٤٠٠ جنيه

مش عارفة والله ده استهبال او استغلال بمعنى اصح
انا اصلا السؤال اللى قاللى اقراه وماكملتوش ده كان بيقول ايه الشكل اللى بيدل على ان ممنوع استخدام آله التنبيه
وطبعا انا اصلا ماكملتش قراية السؤال وقام قالى اتفضلى استنى بره لدرجة انى قلت لجوزى طب مدام الامتحان حلو كده طب ما ادخل اكمل الاشارات واسحب ال 400 جنيه :)

المشاركة الأصلية كتبت بواسطة sam4ever2010

الف مبروووووك عالرخصة :018a1d~146:
عقبالى انا كمان ماخلص واعملها
انا بقالى اكتر من 8 سنين بسوق ومش معايا رخص
وكل ماانوى افكر اروح اعملها لازم يحصل حاجة
اخر حاجة خالص نويت بجد وعملت الكشف الطبى ( تحليل دم ونظر وباطنة ) 3 ورقات ب 30 جنيه
عملتهم يوم 12/11/2012
ونمت وصحيت من شهر افتكرت انى مش عندى صور شخصية المهم اتصورت وبقى عندى صور
نويت اروح بقى الاسبوع اللى قبل اللى فات قولت اخد عربية والدى عشان اختبر عليها العربية بايظة وعاوزة تتصلح صلحتها وخلصت
الاسبوع اللى فات بقى خلاص مفروض اروح اطلعها جيت ادور العربية مش بتدور البطارية جابت ربع والخرطوم اللى داخل على تنك البنزين اتخرم وده اللى صلحته بس العربية اتخنقت منها وركنتها وطلعت نمت
وربنا يسهل والاقى عربية اروح اختبر عليها :b4_048:
وتوته توته فرغت الحدوته الملتوته بتاعتى دى

معقول !! 8 سنين من غير رخصة ؟
انا بردو جوزى قاللى ملهاش لازمة لانى لا هاسافر ولا هامشى بسرعة عالية ولا عكسى مثلا ولا حاجة بس طبعا هى شئ لابد منه

المشاركة الأصلية كتبت بواسطة m.ayman

و معلش تعليق اخير يا جماعه للي دخل و شاف امتحان القياده بذمتكم هل معني انك نجحت في الاختبار انك تسوق في الشارع و انت متطمن !!!! ده اصلا امتحان زجزاج ملوش اي لزمه و لا يمت بصله لا من قريب ولا من بعيد للشارع !!! فعلا شيء روتيني غبي :@

صح والله بس هما بيقولوا انها اساسى للركنة او للطلوع من عربية والتانية
اى كلام وخلاص