طلعت الرخصة وللاسف بالفلوس :(

**م/مصطفى محمود** · 17-05-2013 02:55 PM

انا مرور السلام ، وطلعت رخصت السواقة ورخصة العربية بدون دفع مليم أو واسطة الحمد لله

وكان الراجل بتاع البصمة غلبان وطلب فلوس ورفضت ، فلما ضميري وجعني رحت رايح جايب مياة (بنفس تمن الفلوس اللى كنت ممكن اديهالة) ورحت موزعها على الواقفين فى الطابور (كنا فى الصيف)

ولما موظفة قالتلي ( هات كارت شحن بعشرة ) قلتلها لأ عادي جدا

اللى أقصدة أننا اللى بنساعد المرتشي والمخطأ على خطأة ، وبنشارك فى الجريمة ، انا والله طلعت الرخصة في يومين وكان عندي إمتحانات تاني يوم وكنت واخد معايا ورق وبذاكر فى المرور

بجد لازم احنا اللى نغير من نفسنا ، البلد هي الناس اللى عايشة فيها

بس بجد أحب اشكر حضرتك على ندمك وعلى صراحتك وانا واثق ان بعد ردود الأعضاء ( اللى فعلا لوجه الله ) حضرتك مش هتعمليها تاني

**Ahmed Nasser** · 19-05-2013 09:23 AM

والله ياجماعة انا روحت المرور الصيف اللى فات عشان اطلع الرخة خلصت وعملت كل حاجة
وقالولى لو ممعكش واسطة روح ادفع مدرسة قولتلهم مامعيش واسطة وانا فاهم الاشارات كويس
فمش هدفع مدرسة(لان هنا فى الفيوم بيكون ليهم نسبة من 355ج اللى بتروح المدرسة)
راحوا مدخلينى على الكمبيوتر وبعد مخلصت الـ 12 سؤال لقيت الكمبيوتر بيقولى غير لائق
بقول لامين الشرطة ازاى ؟؟؟؟؟
طيب هاتلهى الاسئة اللى غلط فيها قالى خلاص الامتحان خلص وخلاص
حسبى الله ونعم الوكيل
والاسبوع اللى فات اتمسكت فى الرماية امام مدخل اكتوبر ودفعت غرامة 50 ج لانى من غير قيادة

**aymanshebl** · 19-05-2013 09:42 AM

للاسف الشديد دى ثقافة و اسلوب شعب

**Abo-Yousef** · 03-06-2013 03:38 PM

انا الحمد لله عملت الرخصة انا كمان الناهردة بس الحمد لله انجزت على طول ومدفعتش حاجة غير الرسوم بالظبط كلفتنى 70 جنيه ونص .. اينعم روحت اختبرت الاسبوع اللى فات وسقط فى الاشارات عشان فعلا ملحقتش اذاكرها وادانى مهله اسبوع الحمد لله وروحت الناهردة عديت من الاشارات الحمد لله على طول والسواقة برضو الحمد لله عديت منها واتصورت وخدت الرخصة فى اقل من نص ساعة ... الموضوع كله خد وقت بالظبط ساعة ونص او ساعتين الا ربع يعنى روحت الناهردة الساعة 10 الا ربع واستلمت الرخصة قبل الساعة 11 ونص ده بالعكس جيت ادى كمان للشباك اللى بياخد من الورق بتاعى فلوس رفض ومرضيش حتى الظابط نفسة محترم وجنتل وزوق اوى انا مرور حلوان وبرضو مرور مدينة نصر جامد جدا وناس كلها زوق ومحترمة احنا عيب بلدنا ان شعبنا مش عاوز يتعب نفسه خالص وماشى بمثل هين قرشك ولا تهين نفسك رغم انه عارف ان القرش مش بيجى بسهوله ولازم نحافظ عليه مش نهينه

**أحمد عاصم** · 03-06-2013 04:45 PM

طيب بالموناسبة بقى انا تميت ال 18 سنة يوم 17 شهر 4 اللى فات و روحت من اول يوم تميت فيه و جهزت كل الاوراق المطلوبة و الظابط قالى تعالى بكرة قلتلو ماشى جيتلو بكرة و قبليها انا كنت مذاكر اشارات و اسئلة الميكانيكا المهم دخلت الامتحان و جبت فيه 75% وفالظابط قالى كدة انت صائط لازم تجيب حد أدنى 80% قولتلو طيب و بعدين ايه العمل قالى تعالى كمان 3 شهور !! و دى كانت الصدمة بالنسبالى .. انا اللى اعرفو ان اول مرة بتكون شهر و التانية بتكون شهر و التالتة بتكون 3 شهور .. فا انا دلوقتى عايز اطلعها و دلوقتى احنا يوم 3/6 يعنى عدى شهرين تقريبا فا مش عارف اعمل ايه بقى بس انا عايز اطلعها عشان مبقاش ماشى مخالف للقانون و اتجنب وجع الدماغ بتاع الكماين ..

**Al-Farooq** · 03-06-2013 05:17 PM

خلاص اللي حصل حصل ، نستغفر ربنا وندعي ان بلدنا حالها يتصلح

**Abo-Yousef** · 03-06-2013 05:22 PM

المشاركة الأصلية كتبت بواسطة أحمد عاصم

طيب بالموناسبة بقى انا تميت ال 18 سنة يوم 17 شهر 4 اللى فات و روحت من اول يوم تميت فيه و جهزت كل الاوراق المطلوبة و الظابط قالى تعالى بكرة قلتلو ماشى جيتلو بكرة و قبليها انا كنت مذاكر اشارات و اسئلة الميكانيكا المهم دخلت الامتحان و جبت فيه 75% وفالظابط قالى كدة انت صائط لازم تجيب حد أدنى 80% قولتلو طيب و بعدين ايه العمل قالى تعالى كمان 3 شهور !! و دى كانت الصدمة بالنسبالى .. انا اللى اعرفو ان اول مرة بتكون شهر و التانية بتكون شهر و التالتة بتكون 3 شهور .. فا انا دلوقتى عايز اطلعها و دلوقتى احنا يوم 3/6 يعنى عدى شهرين تقريبا فا مش عارف اعمل ايه بقى بس انا عايز اطلعها عشان مبقاش ماشى مخالف للقانون و اتجنب وجع الدماغ بتاع الكماين ..

هوا سعادتك عاوز تعمل رخصة ايه ( قيادة خاصة ) ولا رخصة العربية ؟؟؟؟

وتانى حاجة الاختبار ماهو الا ان الظابط بيسألك على الاشارات وخلاص ويقولك جهز عربيتك عشان تختبر قيادة وبعد اما تلف حوالين الاقماع تدفع الضريبه 51 جنيه رسوم وبعدها تتصور وتقف تستنى دورك عشان تاخد الرخصة ..... ايه بقى موضوع الامتحان ده و 80% ومذاكر ميكانيكا والكلام ده كله انا مش فاهم منه حاجه ؟؟؟؟؟؟؟؟؟؟؟ هوا كل مرور وليه نظام غير التانى ولا ايه ؟؟؟؟

**أحمد عاصم** · 04-06-2013 12:04 AM

المشاركة الأصلية كتبت بواسطة sam4ever2010

هوا سعادتك عاوز تعمل رخصة ايه ( قيادة خاصة ) ولا رخصة العربية ؟؟؟؟

وتانى حاجة الاختبار ماهو الا ان الظابط بيسألك على الاشارات وخلاص ويقولك جهز عربيتك عشان تختبر قيادة وبعد اما تلف حوالين الاقماع تدفع الضريبه 51 جنيه رسوم وبعدها تتصور وتقف تستنى دورك عشان تاخد الرخصة ..... ايه بقى موضوع الامتحان ده و 80% ومذاكر ميكانيكا والكلام ده كله انا مش فاهم منه حاجه ؟؟؟؟؟؟؟؟؟؟؟ هوا كل مرور وليه نظام غير التانى ولا ايه ؟؟؟؟

انا يا باشا مرور العبور و كنت عايز اعمل رخصة قيادة خاصة , انا لما روحت المرور سألت على شروط و اجراءات استخراج رخصة القيادة و الاوراق المطلوبة و طبعا جهزت كل دة و روحت المرور و زى ما ذكرت الظابط قالى تعالى بكرة فا روحت و جيتلو تانى يوم الساعة 9 الصبح قالى يااه الامتحان لسة بدرى عليه قالى خليك قاعد لحد الساعة 11 .. فضلت قاعد و لقيت فى ناس جت برضو قعدوا جمبى مستنيين الظابط يدخل الغرفة اللى هانمتحن فيها و بعد عناء طويل الظابط شرف و قالى اتفضل اقعد عالجهاز و قالى الامتحان 12 سؤال و كل سؤال ليك 30 ثانية اتفضل و فتح الامتحان على طول المهم حليت ال 12 سؤال و فالاخر لقيت المجموع 75% فا قالى تعالى كمان 3 شهور و هو مبتسم ... وانا من ساعتها و انا مقهور و حاسس انى لو شوفت الظابط دة ف اى كمين هامشى ب اقصى سرعة اقدر عليها و ابططه :)

**youssef_u** · 04-06-2013 01:29 AM

المهم ان حضرتك تكوني بتعرفي تسوقي بجد لاني اتعقدت من كل البنات اللي بيسوقوا ، بيرموا عالعربيات و بيمشوا بطئ عالشمال و حجات تنرفز ،، وانا واحد بقالي ٤ سنين بسوق منغير رخصة ومستني لما اوصل للسن القانوني عشان اطلعها وربنا يسهل