الموضوع: نويت اشتري إبيزا وعايز نصيحتكم

المشاركة الأصلية كتبت بواسطة pharohtemo

ربنا يكرمك بعربية كويسة و إن شاء الله حتتبسط منها قوى .. كان معايا موديل 94 مسقطة موتور 1600 من سيات 1999 و كانت كاملة، لمدة 3 سنوات و نصف يوميا من عين شمس إلى المعادى و العودة و يوم الأجازة من عين شمس إلى 6 أكتوبر !
ثبات و قوة و إعتمادية و صاج محترم و محمل .. كفاية قفلة الباب تحسسك إنك بتقفل بوابة مش باب عربية :)
كل ده حتحسه بشرط أنك تجيب عربية كويسة و أساسيتها سليمة و تظبط كل حاجة فيها علشان تبقى عارف أصلها و فصلها ..

منور القسم والله

انا اكتر حاجة بتبسطنى لما حد زى حضرتك كان راكب ابيزا قبل كده يدخل يعلق ويشكر فى العربية برغم انه باعها بس برده مش ناسيها

وده دليل على انها عربية محترمة وليها ذكريات ومواقف مع كل اللى كانوا ملاكها فى يوم من الايام

المشاركة الأصلية كتبت بواسطة pharohtemo

يا كريم باشا دى عشرة برضه و العربية كانت عزيزة عليا .. صحيح كان لها مواقف بايخة بس قليلة و نتيجة اهمالى لو مشغول و فى المقابل كانت شايلانى و مشرفانى أغلب الأوقات
أنا بعتبر الإبيزا عربية عبقرية و سابقة عصرها و لو قارنتها بالعربيات اللى فى نفس الجيل و الفئة حتلاقيها متميزة و متفردة بحاجات كثير غير أنها معمولة بضمير فى زمن الخامات الممتازة و القوية
طارة الدركسيون زى ما تكون معمولة إمبارح فى حين إن طارة العربية اللى لسة شاريها (موديل 2007 و ماشية 44 ألف بس) متأثرة و الإستعمال باين عليها و برضه ألمانى :)
نيجى بقى لأجمل حاجة فى السيات و هى : قسم السيات فى المنتدى :)) فعلاً عائلة مش قسم و إن شاء الله دايما حاكون متابعكم حتى بعد إنضمامى لعصابة الأوبل :)

والله عندك حق فى كل كلمة بتقولها ومفيش عربية ملهاش مواقف بايخة بس فى الاخر بتعلمك كتييير

ده شرف لينا انك تتابعنا وتكون فرد من العائلة

بس جامد تعبير عصابة الاوبل
فعلا تحس انهم عصابة من كتر ما هما حافظين عربياتهم ومتعصبين ليها قوى رغم ارتفاع تكلفة الصيانة وقطع الغيار
ما شاء الله عليهم فيهم كام واحد كده عباقرة وقلبهم جامد

المشاركة الأصلية كتبت بواسطة pharohtemo

يا كريم باشا دى عشرة برضه و العربية كانت عزيزة عليا .. صحيح كان لها مواقف بايخة بس قليلة و نتيجة اهمالى لو مشغول و فى المقابل كانت شايلانى و مشرفانى أغلب الأوقات
أنا بعتبر الإبيزا عربية عبقرية و سابقة عصرها و لو قارنتها بالعربيات اللى فى نفس الجيل و الفئة حتلاقيها متميزة و متفردة بحاجات كثير غير أنها معمولة بضمير فى زمن الخامات الممتازة و القوية
طارة الدركسيون زى ما تكون معمولة إمبارح فى حين إن طارة العربية اللى لسة شاريها (موديل 2007 و ماشية 44 ألف بس) متأثرة و الإستعمال باين عليها و برضه ألمانى :)
نيجى بقى لأجمل حاجة فى السيات و هى : قسم السيات فى المنتدى :)) فعلاً عائلة مش قسم و إن شاء الله دايما حاكون متابعكم حتى بعد إنضمامى لعصابة الأوبل :)

يا باشا متابعتك للقسم شئ يسعدنا