اخيرا ربنا كرمنى بابيزا

**windofchange** · 20-04-2013 03:13 PM

المشاركة الأصلية كتبت بواسطة nesr6060

شكراا ليكم كلكم يا رجاله الصراحه الحمد الله العربيه محترمه جدااااااااااااا مفيش مقارنه بينها وبين الانوس وبالنسبه للدرج انا اكتشفت انه درج الطفايه والراجل لاغى الولاعه وحاطط مكانها زرار مارش بيحسسنى انه كان سواق توكتك والعربيه للناس اللى سالت انا جاييها ب 35 بس مش مكيفه انا عارف انهاغاليه بس اعمل ايه ماصدقت لاقيتها حاجه نضيفه و دلوفتى انا المشكله اللى قدامى هى انى عاوز اعمل الولاعه تانى واركبها وكمان الاهم من ده ان الريداتير غتدى سقط وهخلى حد يربطه لان انا جيت اربطه اكتشفت ان مساميره قصيره والصراحه قسم جامد جدااا

مساميره قصيرة ازاي ممكن يكون مش راكب صح...حاول تركبه علي وضعه الاصلي علشان المطبات وكده وعلشان تحافظ عليه من القطم او الكسر لا قدر الله

**hossamalsadik** · 19-04-2013 09:54 PM

القسم جامد بمشاركات اعضائه المحترمين
الى هم فى ضيافة ورعاية منتدى نيل موتورز
ألى أنتا أن شاء الله هتكون واحد منهم

تحياتى

**nesr6060** · 19-04-2013 10:23 PM

شكرااااااااااااا يا باشااااااااااااااااااا

**nesr6060** · 20-04-2013 09:06 AM

يا رجاله انا كنت عاوز اعرف انا لما جبت العربيه الراجل قالى ان الفتيس بيدى مارشيدير من غير سوسته بس واحد صاحبى قالى هو فيه سوسته بس ضعيفه جدااا تقريبا بايظه ودلوقتى الفتيس بقى تقيل معايا فى الغيار التانى فممكن لو حد يقولى هوو فى سوسته للفتيس لما بدى مارشدير ولا لا
ولو فى سوسته ياترى اجيبها منين وتعمل كام على العلم انا ساكن فى شارع العشرين فيصل

**ehab_mansour** · 20-04-2013 11:21 AM

المشاركة الأصلية كتبت بواسطة nesr6060

يا رجاله انا كنت عاوز اعرف انا لما جبت العربيه الراجل قالى ان الفتيس بيدى مارشيدير من غير سوسته بس واحد صاحبى قالى هو فيه سوسته بس ضعيفه جدااا تقريبا بايظه ودلوقتى الفتيس بقى تقيل معايا فى الغيار التانى فممكن لو حد يقولى هوو فى سوسته للفتيس لما بدى مارشدير ولا لا
ولو فى سوسته ياترى اجيبها منين وتعمل كام على العلم انا ساكن فى شارع العشرين فيصل

السوسته موجوده و لابد من وجودها عشان تحافظ علي ضبط عصاية الفتيس

السوسته هي القاعده اللي بتتركب عليها العصاية عندك و هي موجوده اسفل العصاية في الجزء اللي جنبك و بتتغير و موجوده و سعرها لا يتعدي ال 100 جنيه جديدة الماني

انا زمان كنت شفتها عند اشرف الشهابي ب 75 جنيه جديدة الماني

**hossamalsadik** · 20-04-2013 11:25 AM

المشاركة الأصلية كتبت بواسطة nesr6060

يا رجاله انا كنت عاوز اعرف انا لما جبت العربيه الراجل قالى ان الفتيس بيدى مارشيدير من غير سوسته بس واحد صاحبى قالى هو فيه سوسته بس ضعيفه جدااا تقريبا بايظه ودلوقتى الفتيس بقى تقيل معايا فى الغيار التانى فممكن لو حد يقولى هوو فى سوسته للفتيس لما بدى مارشدير ولا لا
ولو فى سوسته ياترى اجيبها منين وتعمل كام على العلم انا ساكن فى شارع العشرين فيصل

الفتيس له سسته عشان ينزل فى مجرى تحت النقله الأولى
ممكن يكون مشكلتك فى
- ظبط التيش -او فبرة العصاية تكون متكله وعاوزه تتغير أو القلابه وديه استبعدها فى حلتك وياريت متكنش هيا
- العصايه كلها تتغير وديه عمليات ظبط عوزه ميكانيكى نضيف فاهم بس كده
التقل فى الغيار التانى ده الى ألقنى عمتا يمكن لما العصايه والتيش والفبره تتظبط الأمور كلها تظبط وده أرجحه .
انتا ساكن فى فيصل حظك حلو
يبقى أنتا عاوز البشمهندس سيد لأنه من سكان فيصل وعارف الصنيعيه هناك وقطع الغيار .
عندك عباد الرحمن وملك الجلف فى فيصل
-وموضوعك مش هيتكلف اكترمن 120 ج حق فبر فوق وتحت + المصنعيه
- و لو قلابه 80 +زيت +المصنعيه مستبعده أن شاء الله
- ولو الفتيس 500+الزيت +المصنعيه مستبعد أن شاء الله
ديه كلها أسعار تقريبيه

متنساش تبقلى تقلنا عملت أيه

بالتوفيق أن شاء الله

**hossamalsadik** · 20-04-2013 11:29 AM

أن لسى واخد بالى من مشركتك ياعمده

**nesr6060** · 20-04-2013 02:45 PM

لا انا شكلى هسيبه كدا 500 جنيه + مصنعيه ده انا شكلى هفتح على نفسى موال انا هسيبه كدا مش لازم اغير السوسته ما بيدى مارشدير عادى بس هى المشكله كلها ان لما بدى التانى كان بيعلق يمكن علشان المارشدير فى نفس سكته بس يالا مش مهم

**hossamalsadik** · 20-04-2013 03:00 PM

انا قلتلك الفتيس ده مستبعد شويه
روح شوف الدنيا فيها ايه عند الميكانيكى بتاعك
ممكن يكون الموضوع كله فى الفبره بتاعة عصاية الفتيس والعمليه بالكتير 150ج بالمصنعيه
او يكون الموضوع ظبط فقط للتيش بس كده

بالتوفيق

**SYD** · 20-04-2013 03:04 PM

يا باشا انت مشكلتك كلها تتلخص في فبرة العصاية او بيسموها حشو عصابة ودة طقم علي بعضه بيتباع ب٧٥ جنيه
وعلي كل حال دة عيب شائع في كل الابيزا والبولو والجولف٢
انا كمان عندي نفس الحوار بالظبط (الثاني والمارشدير)
ودة لانهم فعلا مرتبطين ببعض

بس للأسف الصنايعي الوحيد اللي أثق فيه انه يعملهالي ، ورشته في امبابة
ممكن نظبط سوا ونروحله مع بعض

تحياتي