هي البنات اتجننت ولا ايه

**أحمد كمال** · 15-04-2013 11:39 PM

المشاركة الأصلية كتبت بواسطة aw2100

بص انت كلامك صح واى كلام تانى يبقى تهريج اللى مالوش خير فى اهلة مالوش خير فى حد انا خطبت مرتين رسمى وقريت فاتحة 3 مرات وبتحصل خلافات ابسط من موضوعك بكتير لغاية والله رحت مع واحد قريبى علشان اشوف عروسة معرفته وكنت خدت قرار بالسفر لامريكا وبدئت الاجرائات وكنت رايح متعكنن ودقنى طويلة ورحت علشان اريح والدتى ووالدى المختصر ارتحت قوى عند بيت اهل زوجتى واعجبت جدا بحنيتها وخصوصا لما عرفت انها بتخدم جدتها القعيدة لمدة حوالى 4 سنوات من اول ماكانت فى الثانوى قبل ماتخش الجامعة وبسرعة لقيت الموضوع مشى والحمد لله فانت ماتستعجلش ونصيبك حيصيبك بس انت متقفلش الموضوع وخليه فى دماغك بس انصحك لازم تكون صريح مع خطيبتك المستقبلية بخصوص والدك وفيه اقتراحين :
ممكن تتجوز من السوريات اللى موجودين فى مصر حاليا ودى مش حتتكلم 1/2 كلمة معاك وبيبقو حلوين واساتذة فى الطبيخ ولغاية سن ال15 سنة !!
ممكن تشوف عروسة لوالدك من معارفكوا تكون فوق ال 50 علشان تونسة وتشوفلك شقة تانية !!
و 1000 مبروك مقدما !!

انك لبرنزون (بالتنوين هههه)

**Sehsss** · 15-04-2013 11:54 PM

السكة اللي تودي، انت صح

**aw2100** · 16-04-2013 12:11 AM

المشاركة الأصلية كتبت بواسطة rompo10

اولا ياباشا انا شقه جوازي في القاهره وانا اصلا من البحيره وعندي شقتي هنا فوق ولدي وماينفعش اخد ولدي معايا لانه دكتور والعياده بتاعته هنا وانا عرضت عليه موضوع الجواز رفض نهائيا وقالي ماينفعش اجيب واحده تدايقك او تبصلك بصه وحشه او انك تدخل البيت باذن انا عايش بقيت عمري عشانك وخلاص اعمل ايه انا بقي بعد كلامه والمشكله ان اللي انا بعمله دا هايتعمل بمزاجي او غصب عني لان دا دين وبيترد هو عمل مع اهله نفس الكلام دا

من كلام حضرتك انك عندك شقة منفصلة عن شقة والدك يعنى مش حيعيش معاك فى نفس الشقة ؟
طيب اية مشكلة البنت اللى انت خطبتها طالما هى حتتجوز فى شقة منفصلة عموما يسيدى البنات كتير وربنا حيوفقك ان شاء الله !!

**khaabas** · 16-04-2013 12:37 AM

من الاخر عاوزك تعرف حاجة مهمة ان جزمة امك وأبوك بالدنيا كلها ولو امك وأبوك فى كفة ومال الدنيا او اى بنى ادم فى كفه اختار كفة امك وابوك لان صدقنى هتخسر الدنيا والاخرة بخسرانك لرضا الام أو الاب

**SAMEH_FOUAD** · 16-04-2013 12:46 AM

نصيحة منى ماتسيبش والدك فى الوقت دة , لانة فعلا محتاجك اكتر من اى وقت تانى , وهيحس بوحدة فظيعة لو انت سيبتة

وماتسمعش كلامة لو قالك خليك فى نفسك , هو بيقول كدة عشان مايزعلكش او يحس انة عقبة فى طريق مستقبلك فى تكوين اسرة

اللى عاجبها على الوضع دة يبقى كتر خيرها , واعرف ان دية بنت اصيلة , واللى مش هترضى هية حرة وربنا يوفقها مع شخص اخر

اللى انت عملتة دة اكبر صح , وجزء بسيط بتردة لوالدك من افضالة عليك زمااااااااااااان

**shaddadfalcon1** · 16-04-2013 01:05 AM

معظم البنات بتوع اليومين دوول كده وطبعا حقها انها تعيش لوحدها بس ييجو يشوفو في الفلاحين يعني ايه جواز والبنت بتتجوز في بيت عيله تفضل تشتغل زي الحمار طول اليوم وتخدم بيت فيه بال 10 رجاله واخر اليوم تبقي تطلع شقتها مش حته راجل كبير

حاول مثلا تشوف عروسه لوالدك طالما لسه بصحته واهو يلاقي حد يونسه ويهتم بيه

خلي بالك انت لو اتجوزت ووالدك معاك هو نفسه عمره ماهيستريح لانه هيحس انه عاله عليك

ومراتك مستحيل تستريح

ده راجل كبير يعني قاعد في البيت طول اليوم او معظمه تخيل بقي واحده لسه متجوزه وعايز تلبس وتروق نفسها وتدلع لجوزها وفي راجل تاني في البيت
لو بصيت من الناحيه التانيه دي هتلاقي ان انت نفسك مش هتبقي مستريح فعلا لان طول الوقت مراتك هتبقي قدامك زي اختك بالظبط :))