الموضوع: هي البنات اتجننت ولا ايه

مبدأك محترم جدا وأحييك علية جدا انا اعرف واحد ربنا يكرمك ويجازية خير مبيعملش حاجة في حياتة غير أنة واخد بالة من والدتة المسنة ومقنن شغلة جدا وربنا بيرزقة ربنا يكرمة ويكرمك ويكرم كل ألى بيفكر فى بر والدية

والبنات على قفة من يشيل ربنا يرزقك بالزوجة الصالحة

المشاركة الأصلية كتبت بواسطة rompo10

هي البنات اتجننت ولاايه ولا انا اللي غلط فسخت خطوبتي اول مره بسبب اني ولدتي كانت تعبانه وماينفعش اسبها لوحدها وشويه اسباب تانيه وخطبتي ماكانتش موافقه اني اقعد مع اهلي ولدتي توفت بعدها وخطبت تاني وقلت من الاول ان ولدي لوحده وانا مش هاسيبه ووافقوا جات من كام يوم قالتلي زميلي بيقولوا انك هاتبقي خدامه لابوه مع ان ولدي الحمد الله ربنا مديله الصحه هي قالت هاقعد في شقتي وابقي روح شوفه قلتلها مع السلامه وفسخت الخطوبه التانيه انا مش عارف البنات حصلها ايه كل واحده عاوزه تاخد جوزها من اهله الا من رحم ربي ولا هو دا الطبيعي ولا ايه انا عارف ان من حق كل واحده يبقي ليها بيتها بس الظروف اقوي مني كدا الخطوبتين اتفسخوا لنفس السبب

صباح الخير اولا
ثانيا انت كنت عايز تقعد مع مامتك وباباك فى الاول ولما والدتك توفت اصبحت تريد العيش مع والدك لانه لوحده ؟
واضح ان من اولوياتك انك تعيش مع حد من الاهل وده حقك وفى الحالة دى الصراحة حلوة من الاول
لكن ماينفعش تخطب على وضع وبعدين تغيره وتلوم البنت لان مش كل الناس عندها القابلية للمعيشة المشتركة ده فى الحالة الاولى
وفى الثانية واضح ان بعد البنت ماوافقت غيرت رايها لسبب فى نفسها ممكن يكون نابع من عدم قدرتها على العيشة المشتركة
وعشان تتخيل الموقف صح ضع نفسك مكان الاخر
لو انت خطبت بنت وبعد فترة قالتلك انا مش هاينفع اسيب ماما وبابا ولازم نفضل معاهم هل كنت هاتوافق ؟
ربنا يدى الوالد الصحة وطول العمر وباذن الله يجيلك نصيبك وتلاقى بنت الحلال اللى معندهاش مانع فى النقطة دى
لكن عدم رضا السابقتين مش معناه ان البنات اتجننت ولاحاجة