سمير بيومى بقى عنده فيزا اخيرا

**محمد يوسف** · 19-05-2013 11:37 PM

المشاركة الأصلية كتبت بواسطة MMamdouh

لا طبعا ميرضينيش ولا يرضى اى حد... المعاملة الكويسة اهم من اى حاجة فى الدنيا و ليك حق تزعل من اللى حصل اكيد و انا بيفرق معايا عنصر المعاملة دة جدا بغض النظر عن حرفية الصنايعى او اسعار البيع لو بتعامل مع محل... انا مش عارف اقولك ايه الصراحة بس يكفى انك تقول حسبى الله و نعم الوكيل

طبعا انت ليك كل الاحترام و التقدير و انت على راسى من فوق

بالنسبة للعفشة انا اعرف ان محمد عبدة بيشتغل فى المتسوبيشى و النيسان بس طبعا مليش تعامل كتير فى العربيات اليابانى معاه... و طبعا انت عارف انة غالى شوية... شوف انت عايز تعمل ايه و قوللى و لو نويت على عبدة انا هكلمة و اوصى عليك عشان يخف ايدة شوية فى المصنعية

MMamdouh

حضرتك أستاذنا ياممدوح بيه وبنتعلم منك والله العظيم

بالنسبة لمحمد عبده مش مشكلة السعر المهم يكون أمين مابيستسهلش التغيير لأنك عارف قطع الغيار فى السوق معظمها مضروب ويكون نضيف فى شغله ... هو فى عين شمس على ما أتذكر؟

عموما أنا مشكلتى هنا
http://www.nilemotors.net/Nile/357324-a.html

وشكرا مقدما للتوصية

**MMamdouh** · 20-05-2013 01:21 PM

الله يخلليك يا باشا دة بس من ذوقك و كرم اخلاقك

محمد عبدة ورشتة فى اخر شارع العشرينى بفيصل... هو شغلة نضيف و كذلك الشباب اللى عندة فى الورشة (اسلام و محمد) و هو مش بيغير الحاجة استسهال انما نضافة... يعنى لو بتغير حاجات فى العفشة و فيه قطعة معينة حالتها الفنية 60% هيقولك غيرها... مش عشان يفتح شغل انما علشان ميبقاش كل المكونات حالتها 100% بعد التغيير و جنبهم قطعة حالتها 60% ممكن بعد فترة قصيرة تتلف و تحسسك انك معملتش شغل فى العربية اساسا و ترجع تفك الدنيا كلها للمرة التانية عشان تغير القطعة دى

MMamdouh