اقتباس المشاركة الأصلية كتبت بواسطة محمد يوسف مشاهدة المشاركة
حصل خير يا أستاذ ممدوح ..يمكن شكلى أنا ماعجبش الراجل (خلقة ربنا بقى) أو أنا رحت له فى يوم كان موده وحش ربنا يعينه .. بس بذمتك انت يرضيك تتعامل كده؟
أنا مش باقول ان سمير بيومى عموما وحش أو الناس تبطل تروح له .. لكن اللى قلته ان أول تجربة ليا فى التعامل معاهم طلعت سيئة بالشكل ده..حضرتك بقى حظك أحسن منى وماشفتش منهم حاجة على مدار 5 سنين وطبعا أنا مش باكدبك لكن باحسدك :))

عموما حصل خير ولك كل الاحترام..وبالمناسبة بقى ماتعرفش عفشجى ايده ماتخرش المية وخبرة فى اليابانى ؟
لا طبعا ميرضينيش ولا يرضى اى حد... المعاملة الكويسة اهم من اى حاجة فى الدنيا و ليك حق تزعل من اللى حصل اكيد و انا بيفرق معايا عنصر المعاملة دة جدا بغض النظر عن حرفية الصنايعى او اسعار البيع لو بتعامل مع محل... انا مش عارف اقولك ايه الصراحة بس يكفى انك تقول حسبى الله و نعم الوكيل

طبعا انت ليك كل الاحترام و التقدير و انت على راسى من فوق

بالنسبة للعفشة انا اعرف ان محمد عبدة بيشتغل فى المتسوبيشى و النيسان بس طبعا مليش تعامل كتير فى العربيات اليابانى معاه... و طبعا انت عارف انة غالى شوية... شوف انت عايز تعمل ايه و قوللى و لو نويت على عبدة انا هكلمة و اوصى عليك عشان يخف ايدة شوية فى المصنعية

MMamdouh