الموضوع: تجربتى .... (( أنا والنتشة والشاهين ))

انا مش عارف فيه ايه ... استهلاك البنزين زاد بعد الشغل ده وهرجع ألف اللفه من جديد .... من شهرين تلاته وبعد شغل الصبابات اكتشفت ان استهلاك البنزين فى مشاويرى الداخلية القصيرة وليست على طرق سفر

http://www.nilemotors.net/Nile/330167-a-7.html

الاستهلاك ارتفع من 150 كم فى الصفيحة (20 لتر) الى 100 كم فى الصفيحة... وحتى لما روحت لبتاع الكربراتير ونظفه وضبط الهواء... الاستهلاك بقى 110 كم فى الصفيحة ودوخت لحد ما بتاع الكربراتير اكتشف ان الفلانشة اللى تحت الكربراتير مشققه وبايظة ... اشتريت فلانشة جديده ... أول ما اتغيرت الاستهلاك اتحسن ووصل الى 130 كم فى الصفيحة قولت زى بعضه اديها قربت من الاستهلاك بتاع زمان وتعايشت مع هذا الأمر ... وفضل الاستهلاك ثابت على هذا الرقم لحد يوم ما عملنا الشغل الأخير روحت فولت لاقيت نفس الرقم 130 كم/صفيحة .... النهاردة اول يوم افول بعد الشغل الاخير وضبط البوابة وتبديل بكين الكربراتير مكان بعض لاقيت الاستهلاك بقى 109 كم/صفيحة ... فكيت البوجيهات الجديده اللى بقالها حوالى اسبوعين لاقيته الشمعة بتاعتها سودا تماما من كل الجهات مع العلم انى كنت حاطط نص كيلو زيت ماتور على التفويلة ومنظف كربراتير على التفويلة ورشيت اسبراى wd40 فى الكربراتير علشان تزييت البوابة ورشيت اسبراى تنضيف الكربراتير .... مش عارف ممكن يكون سبب وساخه البوجيهات الجديده هوه الاسبراى والزيت اللى كان على البنزين؟
ياترى تغيير البكين مكان بعض ممكن يكون السبب فى زيادة الاستهلاك ؟
الميكانيكى بيقولى
هنفك البكات الاصلية مقاس 112 - 130
وهنركب جديد مقاس 110 - 120