ازاي تعمل فلوس وتبقى رجل اعمال منغير ولا مليم ؟ "مش اللي بالك فيه خالص"

**abou_ruqi** · 16-05-2013 07:04 PM

طيب يا اخي هونداوي ، واضح ومنطقي بصراحة انك مش حتتناقش على العام ابدا لحسن حد يغلبك ويطير اي زبون متوقع انه يجي منه ، انت هنا علشان عضو يكلمك على الخاص والا موبيلك اللي انت منزله على العام ، وبعدين تقابله وتعمله بريزنتيشن وتقوله نفس الكلمتين اللي اتقالولك واقنعوك بيهم وبعدين الزبون يشترك من خلالك وينزل تحتك في الشجرة وتاخد عمولة منه ومن اللي حيجي منه وتكسب منغير ما تضارب بفلوسك انت

اتهرست في تلتميت فيلم قبل كده!!

يالا استمر في نزيف الدولارات من الداخل للخارج اصل هي البلد ناقصة

ربنا يهديك

**maka** · 16-05-2013 09:38 PM

المشاركة الأصلية كتبت بواسطة abou_ruqi

طيب يا اخي هونداوي ، واضح ومنطقي بصراحة انك مش حتتناقش على العام ابدا لحسن حد يغلبك ويطير اي زبون متوقع انه يجي منه ، انت هنا علشان عضو يكلمك على الخاص والا موبيلك اللي انت منزله على العام ، وبعدين تقابله وتعمله بريزنتيشن وتقوله نفس الكلمتين اللي اتقالولك واقنعوك بيهم وبعدين الزبون يشترك من خلالك وينزل تحتك في الشجرة وتاخد عمولة منه ومن اللي حيجي منه وتكسب منغير ما تضارب بفلوسك انت

اتهرست في تلتميت فيلم قبل كده!!

يالا استمر في نزيف الدولارات من الداخل للخارج اصل هي البلد ناقصة

ربنا يهديك

اللهم امين

**Hondawy_2008** · 17-05-2013 05:36 AM

ربنا وزع الأرزاق على الناس محدش عجبه رزقه ....... ووزع العقول على الناس كله عجبه عقله

من الآخر أنت شايف كلامي مش عاجبك و أنا شايف كلامك مش عاجبني

دة عادي و الاختلاف في الرأي لا يفسد للود قضية و كل واحد دماغه مريحاه

بس أتمنى اننا نختلف بأدب من غير تجريح و ربنا يوفقك في موضوعك و تفيد الناس

**abou_ruqi** · 17-05-2013 06:23 AM

المشاركة الأصلية كتبت بواسطة hondawy_2008

ربنا وزع الأرزاق على الناس محدش عجبه رزقه ....... ووزع العقول على الناس كله عجبه عقله

من الآخر أنت شايف كلامي مش عاجبك و أنا شايف كلامك مش عاجبني

دة عادي و الاختلاف في الرأي لا يفسد للود قضية و كل واحد دماغه مريحاه

بس أتمنى اننا نختلف بأدب من غير تجريح و ربنا يوفقك في موضوعك و تفيد الناس

رأيك ايه وكلامك ايه اللي مش عاجبني ؟ هو انت اتكلمت اصلا!!!! انت بتقول كلموني على الموبيل وقابلوني على الكافيه وانا اقولكم!! استفدنا ايه احنا ؟
الافادة الوحيدة هي اللي حترجع على حضرتك انك بتوظف دماء جديدة من منتدى على النت بعد ما تشبع اصدقائك ومعارفك من الموضوع !

هو انا يا اخي العزيز مواليد يوم الجمعة اللي فات ؟ انا واحد اربعيناتي اشتغلت مع البشر 25 سنة من حياتي ده غير ماجستير في الادارة!

حضرتك اللي بتتكلم فيه هدام للفرد لانه بيهبط العزيمة على العمل الحقيقي ، لو كل انسان بقيت شغلته فوركس وتسويق شبكي مش حنلاقي اللي يخبزلنا العيش ولا يوصلنا الماية للبيوت ، الناس كلها حتقضي 20 ساعة في اليوم قدام الكمبيوترات علشان تراقب هبوط وصعود الاسهم او الدولار لحد ما تبقى عينيها دم ويجيلهم قرح الفراش!!
ده غير انه تدريب خفي على القمار اللي هو تشتري دلوقتي ومش عارف كمان ساعة حتكسب والا حتخسر ، طب ما تلعب كوتشينة احسن!!

وبالنسبة للمجتمع كل شركات الفوركس والتسويق الشبكي خارج البلاد وعلشان تشترك لازم تخرج كمية كبيرة من الدولارات للخارج ، ارحموا البلد بقه!!

**Terrible_DaRsH** · 17-05-2013 02:19 PM

هو فين الطرف الاخر فى المناقشة علشان تقول اختلاف اصلا :]

**SHNORY** · 17-05-2013 02:36 PM

نرجع للموضوع ومفيش داعي نفرعه لمواضيع تانيه
خلينا في المهم
كمل يا جيهه ولا بعد ما سخنتنا حتسيب الناس تنام ؟

**abou_ruqi** · 17-05-2013 06:31 PM

المشاركة الأصلية كتبت بواسطة ams

ما شاء الله ... ربنا يزيدك و يفتح عليك

رأيك ايه فى دراسة ماجستير ادارة الاعمال ؟ التوقيت المناسب ؟ جدواها مقابل اللى بيندفع فيها من وقت و جهد و فلوس بالمقارنة مع استثمار نفس الحاجات في السوق مباشرة ؟ و التوقيت المناسب لبدء عمل خاص بالنسبة لاى شاب طبيعى اتخرج و عاوز يتجوز و يجيب شقة و عربية و يتعلم و يكبر مع ظروف بلدنا العزيزة ؟

بص انا درست ماجستير ادارة نظم معلومات mis مش ادارة اعمال mba اللي هي بيسموها دلوقتي techno mba ادارة اعمال تقنية ، كدراسة حرة ، وسبب اني بكالوريوس فنون جميلة بينما دراستي العليا في الادارة ان في المؤسسة اللي كنت بشتغل فيها ما يوصلش لدرجة "مدير " الا اللي عامل ماجستير في الادارة ، لكن بعد بعد ما درست الادارة عجبتني لدرجة اني بعد فترة تركت الوظيفة التقنية واتجهت للاعمال

انت ادرى باحتياجاتك ، ومحدش حيرتبلك اولوياتك انت عارف مستقبلك المهني اولى والا العائلي انت عارف انت تصلح للوظيفة اكتر والا العمل الحر ، انت اعلم واحد بظروفك

**Hondawy_2008** · 18-05-2013 05:51 AM

و أنا مهندس اتصالات من أوائل هندسة القاهرة 2002 و اشتغلت في أكتر من 11 دولة و كان تحت ايدي ناس كتير زي حضرتك كدة

كله ميسر لما خلق له

في النهاية لازم ناس تزرع و ناس تشتغل في الفوركس و ناس تشتغل في الطب و ناس تدي محاضرات المهم بالنسبالي أنا شخصيا ايه الكلام اللي هيجيبلي فلوس

**abou_ruqi** · 18-05-2013 07:20 AM

المشاركة الأصلية كتبت بواسطة Hondawy_2008

و أنا مهندس اتصالات من أوائل هندسة القاهرة 2002 و اشتغلت في أكتر من 11 دولة و كان تحت ايدي ناس كتير زي حضرتك كدة

كله ميسر لما خلق له

في النهاية لازم ناس تزرع و ناس تشتغل في الفوركس و ناس تشتغل في الطب و ناس تدي محاضرات المهم بالنسبالي أنا شخصيا ايه الكلام اللي هيجيبلي فلوس

2002 دي انا كنت متجوز الاولى وتحت مني في التيم ورك 2 developers و3 designers ووقتها كنا شغالين في تطوير تعليم المملكة السعودية ، ساعتها انت كنت مستني الجيش او بتدور على شغل تقريبا !!

على عموم انت لم تقدم اي شيئ ، انت لم تجرؤ ان تشرح تفاصيل التعامل مع الشركة ولا اسمها علشان نتأكد من كلامك ، ومش حتقول حاجة انا عارف
يابني اسمع كلام الاكبر منك ، انت على باطل وبتدافع عن الباطل وبتدعو الناس للباطل ، اللي انت بتقوله ده مش استثمار ده قمار! انت وحظك يا تكسب يا تخسر والامر كله راجع للحظ مش للعلم والخبرة
يابني اللي انت بتقوله ده دمر دول وبلدنا متكسحها لوحدها مش ناقصاكم خالص
يا اخ هونداوي اللي بتعمله ده حرام ، شيخ الازهر يفتي برحته انما هي حرام واجبلك قدام فتوته مائة فتوى لشيوخ متخصصين في الاقتصاد اللي هما اهل الذكر في الموضوع ده ، لان ما ينفعش تروح لشيخ دارس علم الحديث وتستفتيه في امر اقتصادي! لازم يكون دارس اقتصاد علشان يفهم
لو شايفها حلال ، ياللا جمد قلبك واشرحلنا بالتفصيل

واخيرا استفتي قلبك لو فيه ايمان حيدلك ان شاء الله