الموضوع: ازاي تعمل فلوس وتبقى رجل اعمال منغير ولا مليم ؟ "مش اللي بالك فيه خالص"

المشاركة الأصلية كتبت بواسطة forever.leo

تحياتي لك على الموضوع الشيق .. ربنا يباركلك .. ليا تعليق .. و هو ملاحظتي بانبهارك بشخصية رجل الاعمال على حساب الصانع ! .. صحيح ان الكلام ده مردوده على المستوى الشخصي ممكن فهمه .. و لكن على مستوى اقتصاد الدول .. فعمروف ان الاقتصاد الحقيقي و الباقي هو للصناع او builders .. فورد امريكا و هوندا اليابان و بورش المانيا .. ده كان تعليق .. و لك تحياتي .

المثال بتاعي مش حيأثر في الاقتصاد الحقيقي ، في الحالتين المنتج مصري ويتصدر لايطاليا ، بس بدل ما زيد حيصنعه بقه عبيد
انا مركز على النموذج ده علشان غايب عن الناس ، الناس كلها عارفة التاني ومش مستنية كلام مني ، انما طبعا لولا الاول مكنش التاني اتوجد

المشاركة الأصلية كتبت بواسطة ahmed.ammar

متأكد جداا يا فندم وربنا يكفينا شر ظلم الناس .. لما حضرتك تتعاقد على ماكينه وعلى تسويق انتاجك والعقد يقول ان التسليم خلال فتره من 45 يوم - 60 يوم والنقل والتركيب عليهم وتقعد 5 شهور يماطل فيك وميرضاش يسلمك اى مكن وتكتشف بعد 5 شهور انه بيشغل مقدمات الـ 200 متعاقد فى مشاريع كبيره وشغال بفلوسنا فى السوق ولما الناس عملت قلق جامد واتفضح على النت سواء فيس او منتديات ويشتري كام ماكينه كده يغزى بيهم عين الشيطان ويقول للناس تعالوا شيلوا مكنكم انا مش هوصل لحد الدولار غلي وتقوله انا مليش علاقه فى عقد واتفاق ويقولك انسي كل اللى فات وشيل مكنتك وهات باقي تمنها !! والناس اللى تروح تستلم يقولهم مش هنركبها دلوقتى اصبروا علينا وهنيجي نركبهلكم ونشغلهلكم ومن يوم 5 ابريل لحد النهارده مفيش حد الماكينه اشتغلت عنده ومحطوطه فى محلاتهم لا منها اشتغلت وانتجت ولا منهم معاهم فلوسهم ( ما الشركه لهفت باقي تمن الماكينه ) وانا وغيري كتيييير سحبنا المقدمات وفى مره وانا هناك 4 شباب منهم دكتور اتخانقوا وخدوا فلوسهم وتقدر تعمل بحث يا فندم بأسم الشركه وتقرأ اللى هيطلعلك عليها

معلش انا طولت واتكلمت كتير بس لأنك جيت على الجرح انا لسه واخد فلوسي منهم الحمد لله يوم الخميس وللأسف لسه بعاني من الخساير اللى اتسببولي فيها وخلوني اخاف ادخل فى اى مشروع تانى واثق في حد لأخسر تانى من اللى شوفتوا منهم ومعاناة ال 5 شهور

مصدقك ، وبطلب من المشرف حذف الرابط بتاع الشركة دي

المشاركة الأصلية كتبت بواسطة maka

و نعم بالله و ربنا يزيدنا جميعا من علمه و رزقه و فضله

و طالما الفكرة الحصول عليها ليس بهين ليه ارميها لغيرى يا ابو رقية طالما مش ضامن او معيش افكار تانية

مش فاهم ؟ قصدك ليه تشتري براءة اختراع ؟ ده لو انت معندكش جديد تقدمه للناس ، هو انا فهمتك صح ؟

اه انت قصدك تبيع البيزنس ابو فكرة حلوة! تبيع امها ما هو ده الغرض من وجودها اساسا ، الا لو عامل مشروع خيري او ليه اهداف غير الفلوس

لازم تعرف ان الشيئ الوحيد الثابت في الحياة هو التغير ، ودوام الحال من المحال ، منحنى اي بيزنس يرتفع ولابد له ان ينخفض ، اي تجارة بتبور او مش ممكن تحافظ على مستواك للابد

علشان كده راجل الاعمال بياخد خيرها ويرميها للي بعده وهكذا

طب يا ابو رقية

انا عندى الفكرة

التنفيذ على ناس محترفة ابقي ابحث عنهم ساعتها

التسويق على ناس محترفة برده تقريبا موجودين معايا

التمويل بقي استنه لما يبقي معايا مبلغ وابدا ولا اشوف حد يشاركنى ؟ بس حكاية الشراكة فى مصر هنا تخنق بصراحة

لو انت قديم في الجرافيك كان في شركة اسمها فراكتل ديسين كان عاملة برنامج اسمه باينتر ولما كسر الدنيا باعته للعملاقة كوريل ، وبعدين عملوا برامج تانية وباعوا الشركة ببرامجها لشركة ماكروميديا وبعدين الاخيرة طورت البرامج واخترعت برنامج فلاش الشهير ولما كسر الدنيا باعت الليلة كلها للعملاقة ادوبي صاحبة اشهر برنامج جرافيك اللي هو الفوتوشوب ، لو تسمع الاسعار بقه كانوا بيتكلموا في مئات الالوف في اول بيعة وبعدين ملايين في تاني بيعة واهر ييعة كانت باربعة مليار يعني ضعف القرض اللي مصر طالباه من البنك الدولي!!


وبعدين حنروح بعيد ليه مانتوا بتوع عربيات ، ما فولفو اتباعت ورولزرويس اتباعت وجاجور اتباعت وسيات اتباعت وسكودا اتباعت وميني اتباعت ودايو اتباعت ومازدا اتباعت واوبل اتباعت ، عادي يعني!!!