الموضوع: ازاي تعمل فلوس وتبقى رجل اعمال منغير ولا مليم ؟ "مش اللي بالك فيه خالص"

المشاركة الأصلية كتبت بواسطة Terrible_DaRsH

قرض حسن صعب فى مصر , ده غير ان ارباح المشروع اكيد مش مضمونة "كوقت"

شراكة انا ممكن اقبلها بس نسبتى تكون اكبر كمشاركة , صح كده ولا ايه ؟

من الاخر مش عاوز حد يسرق الفكرة ولا حد يسرق المشروع

كنت زيك كده قبل ما ابدأ ممعييش ابتدي وخايف ادخل حد يشفطني
لحد ما شخصية اعتبارية بالنسبالي ومثلي الاعلي قالي مالهاش حل no risk no gain
,اللي خايف ما يلعبش واللي يلعب ما يخافش
حتعمل ايه يعني ؟ حتسيب الفكرة تموت كالعادة ؟ اهو مرة تخسر ومرة تكسب طالما قررت تدخل المجال ده

بالنسبة للشراكة حاول تخلي نسبتك الاعلي
لو مقدرتش ولازم تبيع 60% يبقي يتوزعوا علي تلت مساهمين غيرك كل واحد 20% وتبقي انت اربعين برضه انت الاعلي

القانون الانجليزي مثلا بيقول ان اقل من 25% مالهوش الحق في التدخل في اي شيي ، شوفلي وشوف للناس مصر قانونها ايه ، المعلومة دي مهمة لينا كلنا ولو سمحت اعرفهالنا

المشاركة الأصلية كتبت بواسطة abou_ruqi

القانون الانجليزي مثلا بيقول ان اقل من 25% مالهوش الحق في التدخل في اي شيي ، شوفلي وشوف للناس مصر قانونها ايه ، المعلومة دي مهمة لينا كلنا ولو سمحت اعرفهالنا

تمام هسال , بس لو بدات المشروع 60% و 40% كده الشريك هيخنقنى ولا لا؟

وممكن اصبر شوية كمان وابدا المشروع 80% ولو ربنا كرم يبقي 100 %

تكاليف المشروع مش كتيرة على فكرة بس انا عامل حساب التسويق لانه مهم جدا جدا والتنفيذ برده هيبقي فيه تطوير مستمر فعامل حسابه

الادارة عاوز اخد خبرة علشان لو ربنا كرمنى والموضوع نجح ابقي عارف هعمل ايه

المشاركة الأصلية كتبت بواسطة mtak

ليه يا جماعه محدش بيفكر فى الشريك

انه يبقى شريك باسهم فى راس المال

و تعمل له اسهم و بدون ان يدخل فى اى تفاصيل فنيه

حاجه كده زى الاكتتاب

الشريك دايما بيخرب الدنيا , لانه بيبقي فى الغالب مش فاهم

غير انه عاوز اكبر نسبة , علشان كده انا مبفضلش الشريك

العالم كله شغال شراكة ، يا نتعاون يا نموت ، الواحد بيشوف شراكة بين صيني واماراتي وانجليزي وبيعملوا شركات ناجحة ، اما ان نتعاون او نموت!
احنا عاملين زي الاخوات اللي قسموا شقة وارثنها ، فواحد خد المطبخ وواحد خد الحمام وواحد خد اوضة النوم
الاولاني بياكل ومش عارف ينام ولا يقضي حاجته
والتاني بيقضي حاجته ومش لاقي ياكل ولا ينام
والتالت بينام ومش لاقي ياكل ولا يقضي حاجته
العيب فينا مش في البلد

المشاركة الأصلية كتبت بواسطة abou_ruqi

العالم كله شغال شراكة ، يا نتعاون يا نموت ، الواحد بيشوف شراكة بين صيني واماراتي وانجليزي وبيعملوا شركات ناجحة ، اما ان نتعاون او نموت!
احنا عاملين زي الاخوات اللي قسموا شقة وارثنها ، فواحد خد المطبخ وواحد خد الحمام وواحد خد اوضة النوم
الاولاني بياكل ومش عارف ينام ولا يقضي حاجته
والتاني بيقضي حاجته ومش لاقي ياكل ولا ينام
والتالت بينام ومش لاقي ياكل ولا يقضي حاجته
العيب فينا مش في البلد

هذه آفة المصريين للأسف وأعرف أصدقاء عمر اختلفوا بعد عام واحد من الشراكة في مشروع وتخارجا من الشركة وفتح كل منهم نفس النشاط لكن وحده وفي نفس الشارع وأصبحا الآن أعداء لماذا ... كل منهم يريد تطبيق سياسته ولا تعجبه أفكار الآخر ولا وجهات نظره.