الموضوع: ازاي تعمل فلوس وتبقى رجل اعمال منغير ولا مليم ؟ "مش اللي بالك فيه خالص"

متابع معاك يا ابو رقيه بأهتمام

بس نصيحه لوجه الله تعالي شركه مصر بينا ولينا اللى انت حطيت رابطها اخر رابط انصح اخوتى بعدم التعامل معاها نهاائي لأنى كنت متعاقد معاها من يوم 14 نوفمبر والمفروض كنت هستلم بعد شهرين وخدوا منى الفلوس ومستلمتش اى حاجه لحد ما يوم الخميس اللى فات روحت اتخانقت وخدت فلوسي بالقوه والصوت العالي وطبعا خسرت ايجار وتوضيب المحل وربنا يعوضني خير

المشاركة الأصلية كتبت بواسطة horas3000

موضوع مشيق كعاده ابو رقيه

بس بجد و من غير زعل التعليقات اللي في النص فصيله
الموضوع صفحاته بتزيد و الواحد بيضطر يتصفح اكتر من صفحه عشان يلاقي المشاركة المطلوبه

فيا ريت
يا اما يا ابو رقيه تجمع افكارك و مشاركاتك كلها و تحطها مره واحده وده الاسهل و الاكتر واقعيه
او الناس تستني الموضوع يخلص عشان تعلق و انا عارف ان ده صعب و شبه مستحيل
لان من غير كده الدنيا هتوه زي اخر مواضيعك يا ابو رقيه (ايه اللي حصل لمصر)

و زي ما قلت من غير زعل و سامحوني

طيب طالما ده مطلب شعبي يبقى نطلب من المشرف ضم المشاركات ، وانا النقطتين اللي فاضلين ححطهم النهاردة في مشاركة واحدة ونضمهم كلهم وبعد كده يبقي الموضوع للنقاش

المشاركة الأصلية كتبت بواسطة mtak

جزاك الله خيرا يا باشمهندس خالد

و ربنا يزيدك من علمه و فضله كمان و كمان

-------------
حبايبنا و اخواتنا اعضاء المنتدى

طبعا لاحظت ان الكل عاوز الموضوع مكتمل و بصراحه انا كمان كنت عاوز كده و كمان قولت الموضوع دا

ينفع يكون زى كتاب سريع فخفت يضيع وسط المشاركات الكثيره

و على السريع كده جمعت كل ما كتبه اخينا ابو رقيه (الى تلك اللحظه ) فى ملف واحد

و اعتذر لكم و له على سوء الاخراج الفنى لانى بصراحه عملته فى 10 دقائق على السريع و طبعا مليش فى الفنيات اوى
لان مهما عملت هاروح فين بجانب ابو رقيه و عظماء المنتدى

و اعتذر لكم ايضا عن رفع الملف لانى دى اول مره استعمل موقع رفع و الظاهر مبيقراش عربى فالعنونان بقى ؟؟؟؟؟؟

و بعد اذنك يا ابو رقيه انا رفعت الفايل برضع على scribd للى عاوز يقرأ اون لاين

ربنا يجعله فى ميزان حسناتك

???? ???? ????.pdf (1,15 mb) - uploaded.net

>

ازاي تعمل فلوس

انت جامد جدا ، بجد

المشاركة الأصلية كتبت بواسطة ahmed.ammar

متابع معاك يا ابو رقيه بأهتمام

بس نصيحه لوجه الله تعالي شركه مصر بينا ولينا اللى انت حطيت رابطها اخر رابط انصح اخوتى بعدم التعامل معاها نهاائي لأنى كنت متعاقد معاها من يوم 14 نوفمبر والمفروض كنت هستلم بعد شهرين وخدوا منى الفلوس ومستلمتش اى حاجه لحد ما يوم الخميس اللى فات روحت اتخانقت وخدت فلوسي بالقوه والصوت العالي وطبعا خسرت ايجار وتوضيب المحل وربنا يعوضني خير

لو انت متأكد من كلامك وهما اللي قصروا بالكامل ومفيش تقصير من ناحيتك انت ، يبقى نطلب من المشرف حذف الرابط بتاع الشركة من مشاركتي

لو نفسك اتفتحت على البيزنس من خلال الموضوع ده ، وعاوز المزيد في مواقع رائعة على النت ، انا عاجبني ده
http://www.entrepreneur.com/

خلاص يا ريس ؟ حددت الفكرة ؟ عملتلها دراسة ؟ لقيت تمويل ؟ اشتغل بقه!!!

حتنفذ الفكرة ازاي ؟ دي بقه لكل فكرة شغلها انما حنضرب امثلة والباقي بالقياس
لو منتجك صناعي مثلا ، اول حاجة تفكر فيها النموذج prototype. لازم تحول الفكرة لشيي ملموس توريه للي حيعمله
حتعمل البروتوتايب ازاي ؟ لازم حضرتك ترسم الموديل الاول على الورق وبعدين تبنيه علي الكمبيوتر 3D وبعدين تنحته باستخدام 3D printer ودي سعرها خرافي ، ومش مستهلة ده انت حتستخدمها مرة والا مرتين مش معقول تشتريها
انما اللي لا مفر منه انك تعمل البروتوتايب علي الكمبيوتر ، فيا اما حضرتك بتعرف تشتغل على برامج ال 3D زي 3D max او maya يا تشوف حد حبيبك بيعرف يا تروح لشركة كمبيوتر ودول اكتر من الهم على القلب في مصر

بعد كده تاخد التصميم ويا تشوف حد عنده 3D printer ودي نادرة جدا في مصر واكيد مكلفة يا اما حضرتك تعملها outsourcing بره مصر ، والشركات اللي بتقدم الخدمة دي بالهبل على النت انا هنا حديلك شركة امريكية اسعارها معقوله وسريعة خلال اربع او خمس ايام حيكون النموذج بين ايديك ، وليا واحد صحبي مخترع برضه جربها واتبسط جدا من الجودة

دي حضرتك بتبعتلها الملف وتطلب الخامة اللي انت عاوزها ، معدن او زجاج او بلاستيك وتديها الابعاد وهي تنفذ
http://www.firstcut.com/

غير كده في كتير من الاحيان بيبقى البروتوتايب سهل تنفذه بنفسك وفي مواقع وفيديوهات بالهبل بتشرحلك وتبسطلك الموضوع اكتب انت بس في جوجل how to make a prototype وعيش

النموذج ده شيئ مهم جدا وممكن يكون مرحلة قبل التمويل علشان تقنع بيه حد يشاركك لانه بيوفر عليك الكلام الكتير وبيدي ثقة انك قادر على الانتاج ومش جاي تهرج ، وكمان علشان انت نفسك تتأكد انك ماشي صح
عملت النموذج ؟ شغال تمام ؟

نفذه بقه!

معاك فلوس تعمل مصنع وخط انتاج ؟ تمويلك قوي يعني ؟ توكل على الله
طب ولو مش معاك ؟ كلمة السر في الصناعات الصغيرة OUTSOURCING

تروح لشركة او مصنع او ورشة او مسبك او مشغل ، وتتعاقد على انتاج القطعة بتاعتك وتوفر على نفسك تكاليف انشاء بنية التصنيع الاساسية ، بس خد بالك من دي ، لو منتجك قطعة واحدة فقط ، طنبور عربية مثلا انت بتدي سر الصنعة للمصنع ده ، وهو حيستناك تشيل قرف التسويق واول ما المنتج يبقى عليه طلب حيقلبك ويصنعه هو باسمه ، المفروض حقوق الملكية وبراءة الاختراع والعقد اللي بينك وبينه اللي كتبه محامي من طرفك يحميك ، بس متضمنش برضه

انما لو المنتج مركب من اربع خمس قطع زي دينامو العربية او الجيربوكس او حاجة معقدة ، اتحلت يا ريس ، اعمل كل قطعة في مصنع مختلف وبالتالي كل مصنع مش حيبقى عارف البتاعة اللي انت طالبها دي بيتعمل بيها ايه ، ووقتها مش حيبقى مطلوب منك غير ورشة تجميع بتاعتك، شغل في كام صنايعي تبعك
ويا سلام بقه لو عملت كل قطعة في دولة ، الله عليك ، حتة في مصر وحتة في تايلاند وحتة في الصين وحتة في ماليزيا ، ده لو منتجك عزيز قوي وانت عارف انه حيكسر الدنيا

وعلى فكرة الاتفاق مع مصنع في الصين بالايميل اسهل من ورشة في حرفيين: ) بس ممكن يكون صاحب المصنع عمك والا صحبك وساعتها تلعبها كالاتي
مش عنوان الموضوع منغير ولا مليم ؟ طيب ما تتفق مع المصنع انه ياخد فلوسة نسبة من المبيعات ؟ فاكر لما قلتلك نسبة التنفيذ 20% من الارباح ومحطيتش التنفيذ في تكلفة المنتج ؟ يبقى في الحالة دي انت مش محتاج تمويل كبير او مش محتاج تمويل اصلا ، ده انت حتنتج ببلاش!

بس دي مش حتحصل غير بين المعارف الا لو لقيت صاحب مصنع مؤمن بالفكرة ويتدخل مساهم في الشركة بالنسبة اللي تتفقوا عليها ، في بعض الحالات لو المنتج فكري لا يحتاج لخامات زي برنامج كمبيوتر مثلا سهل قوي تلاقي الشخص ده

بمناسبة المنتج الفكري بقه ، ماذا تفعل لو منتجك ديجيتال ( برنامج او موقع او نظام ) ؟ ممكن تتبع نفس الخطوات وتروح ل software house وممكن تشوف صحبك مهندس كمبيوتر او web developer ، وممكن الجديد بقه يا معلم
ايه رأيك تعمل مزاد عالمي ، مين يعملي كذا كذا باقل سعر؟ ، حتلاقي ال developers بيتخانقوا على اللي ينجز المشروع وينقصوا على بعض لحد ما حتاخد المشروع في الاخر بتراب الفلوس من الهنود والباكستانيين احسن مبرمجين وبيعملوا البرامج بتلت بيضات وكوزين ذرة وفطيرة

خد عندك

http://www.freelancer.com/
http://www.ifreelance.com/

وغيرهم كتير

)(ملحوظة دي فرصة هايلة للي بيشتغل الحاجات دي ومش لاقي شغل في مصر يدخل مزادات علي النت وينزل سعره شوية وحياخد شغل لان الطلب عالي وفي ناس عملت فلوس كويسة من الموضوع ده ، اعمل templates مرة واحدة واتعب فيها وبعدين بيعها كل يوم باي فلوس ما هي اتعملت وجاهزة خلاص تفرق معاك ايه المهم تبيع كتير فتكسب )

كل منتج في دماغك ليه شغله ، وليه اللي بيعرف يعمله داخل مصر وخارجها وربنا يخلي الانترنت اللي منغيرها مكناش اتكلمنا في المواضيع دي ، الانترنت طريقك للثراء السريع لكن في ناس متعرفش عن النت غير الفيس بوك ، آن الاوان نصحيهم بقه!!