دانا لسة كنت من يومين واحد صاحبى بيكلمنى وبيسألنى بيقولى انا هركب فردتين جداد , الراجل بتاع الكاوتش بيقولى هرجعلك القديم ورا واركبلك الجديد قدام , فكدة صح ولا لأ
دار الحديث كالاتى :
صاحبى : ركب يأاسطى الكاوتش الجديد ورا والقديم قدام
الاسطى : ازاى يابية دية شغتلى وانا عارف
صاحبى : سمعت ياعم
انا : اة سمعت يابرنس وقولة يعمل اللى بقولك علية
صاحبى : انا بكلم واحد صاحبى وبيقول ان العكس هو الصح , بقولك اية خد كلمة
الاسطى : سلامو عليكوا
انا : وعليكم من السلام
الاسطى : أومر ياباشا
انا : ياباشا الكاوتش القديم بيركب فى الامام والجديد بيرجع ورا
الاسطى : يابية دية شغتلى وانا عارف انا بعمل اية , ومش اول مرة اعملها
انا : شوف ياباشا ياريت بعد اذنك تعمل اللى انا بقولك علية , احنا عايزينها كدة , واحنا اللى متحملين المسؤلية
الاسطى : ماشى انا هعمل الى انت عايزة بس كدة غلط
انا : لأ مش غلط انت اللى غلط , ادينى صاحبى بعد اذنك
صاحبى : ها هيعمل اية
انا : اعمل اللى بقولك علية , هو هيعملة دلوقتى
النتيجة : صاحبى مبسوط جدااا من الاداء وبيقولى العربية ولا بتزحف ولا بتعوم ولا اى حاجة
معلش انا طولت عليكوا فى الحديث , بس عشان تعرفوا حاجة واحدة , معلش 3/4 الناس دية مابيعرفوش اصلا يقروا ويكتبوا وانت متعلم ومثقف وعندك دراية
محدش يستسلم للناس دية ( والله كلام كتييييييييييير جداااااااا فى كلامهم غلط ) وخصوصا الفنيات دية , ممكن لو شاكك فى حاجة تكلم اى واحد صديق ليك فاهم فى الحاجات دية وتسألة هيفيدك اكتر
وربنا يكفينا شر الفتايين
المفضلات