الحمد لله على سلامتك وسلامة الوالدة وفداك الف عربية المهم انك والوالدة كويسين وان شاء الله موضوع الكسر ده يعدى على خير
رقم العضوية : 129810
تاريخ التسجيل : 29Sep2012
المشاركات : 27
النوع : ذكر
الاقامة : مصر
السيارة: نيسان صني ان شاء الله
السيارة[2]: سوزوكي سوفيت
الحالة :
السلام عليكم :
انا اسمي كريم ومعايا صني الجديده
عملت حادثه والحمد لله .. والدتي بس هيا اللي دراعها اتكسر (ودي حاجه انا مش قادر اسامح نفسي عليها وهعيش بالذنب ده طول حياتي )
انا كنت عايز اقول حاجتين بالضبط ....رجاء .... واستفسار
الرجاء : مش هقول في التاني السلامه والقصه دي كلنا عارفينها بس كل اللي هقوله ان مكنتش خايف علي نفسك خاف علي اللي معاك في العربيه لان هتحس بشعور ذنب سيء سيء
انا مش هحكي القصه بالتفاصيل بس هقول بسرعه كده اللي حصل :
هو طبيعي انهم اما يعملو مطب علي طريق في حته ضلمه يحطو كاوتش ترله كبير كده علي المطب ....
انت حافظ الطريق تقريبا حته حته والله يا جماعه تقريبا عارف كل الحفر اللي علي الطريق وطبات الهوا كمان
المهم انا دخلت في الكاوتش ده ومعرفتش افاديه لان كانت فيه عربيه سابقاني علي اليمين (اللي هو مفيهوش الكاوتش ) والمشكله ان اليي ادامي ده كان ماشي بسرعه ولا بيدي حتي انتظار ولا لحقت حتي اشوف لمبة الفرامل ولا المطب ولا الكاوتش .... المهم هيا كذا حاجه كده حصلت مع بعض وطبعا انا المخطيء بدون اي تبرير لان السرعه العاليه دي يا جماعه مبتلحقش تعمل معاها حاجه حتي لو كنت معلم في السواقه ...علي فكره انا كنت معدي ال100 بحاجه بسيطه ....المهم مش هكذب وهقول اني فاكر حاجه لاني فعلا مش فاكر حاجه بعد ما شوفت الكاوتش ...كابوس اقرب للخيال او الحلم من الواقع .... المهم انا دخلت في الحتت الخرسانه اللي فاصله الطريق رايح جاي وتقريبا المطب والكاوتش رفع العربيه فدخلت فيه بزاويه كده ...تقريبا الكواتش بتاع العربيه هو اللي شال الخبطه الاولانيه لان لسه معلم علي بلوكات الخرسانه دي وبعدين العربيه راحت علي يمين الطريق ودخلت في شجره برضه من قدام من عند الفانوس كده لغاية الاشاره اللي في جنب العربيه ودي الخبطه اللي كسرت دراع والدتي ....
الاستفسار : دلوقتي انا اعمل ايه في العربيه .... (انا مش مامن علي العربيه)
اللي السمكري قالهولي ان المقصات اتكسرت والعفشه طبعا من مساعدين وكبالن و كمان الرفارف والعجل طبعا والكرتير اخرم بس قالي الماكينه متلمستش ولا الكمبيوتر والبطاريه والنور كمان كان شغال والزجاج شغال ...(العربيه علي فكره تانتها شغاله لغاية اما الناس بطلتها لما خرجتني ...
انا هحاول اصور العربيه واوريها للناس اللي هنا بس اما افوق الاول لان لسه والدتي هتعمل عمليه في اليومين الجايين
السؤال بقي ...هل قطع غيار الصني الشكل الجديد موجوده بره التوكيل ولا جوه التوكيل واصلح العربيه فين
يا ريت الناس تقولي اعمل ايه لان انا اول مره اعمل حادثه ومعرفش جامد في العربيات
؟؟؟سبحان الله انا لسه كنت عامل للعربيه صيانة الالف كيلو (مستلم العربيه في اخر شهر 12 اللي فات)
الحمد لله علي كل شيء
ارجوكم الدعاء لوالدتي بالشفاء
رقم العضوية : 85823
تاريخ التسجيل : 14Jan2011
المشاركات : 81
النوع : ذكر
الاقامة : egypt
السيارة: Elantra
السيارة[2]: peugot
دراجة بخارية: no
الحالة :
الحمد لله على سلامتك وسلامة الوالدة وفداك الف عربية المهم انك والوالدة كويسين وان شاء الله موضوع الكسر ده يعدى على خير
رقم العضوية : 111393
تاريخ التسجيل : 25Aug2011
المشاركات : 1,173
النوع : ذكر
الاقامة : ALEX, CAIRO
السيارة: HONDA CIVIC SiR 1992
السيارة[2]: HONDA CIVIC COUPE American Ex 2000
دراجة بخارية: No
الحالة :
حمد لله على سلامة الوالدة وسلامتك
رقم العضوية : 27339
تاريخ التسجيل : 11Dec2008
المشاركات : 75
النوع : ذكر
الاقامة : cairo
السيارة[2]: نيسان صني
الحالة :
الف سلامة لوالدتك وليك وقدر الله وماشاء فعل والحمدلله انها جت على اد كدا وفي ستين داهية اي عربية المهم والدتك وانت وربنا يتم شفاها على خير .
اما بالنسبة للعربية الأفضل تروح التوكيل يعملك مقايسة اصلاح وتشوف هتتكلف كام وتشوف الحاجات الي التوكيل طلبها وتشوف برا هتتكلف كام مع ان راي انا تعملها في التوكيل خصوصا ان العربية لسة جديدة هي هتتكلف اكتر طبعا بس هتريح دماغك بعد كدا .
رقم العضوية : 2303
تاريخ التسجيل : 24Sep2007
المشاركات : 929
النوع : ذكر
الاقامة : القاهرة
السيارة: لادا
السيارة[2]: أفيو
دراجة بخارية: no
الحالة :
اللهم لك كل الحمد على سلامتكم
اشكر الله سبحانه وتعالى
رقم العضوية : 78514
تاريخ التسجيل : 25Aug2010
المشاركات : 94
النوع : ذكر
الاقامة : zagazig
السيارة: nissan sunny 2011 M/T
السيارة[2]: sonata 2003
دراجة بخارية: no
الحالة :
اللهم اشفها شفاءا لا يغادر سقما والحمد الله انها جت علي اد كده والحمد لله علي قدره
رقم العضوية : 130965
تاريخ التسجيل : 05Nov2012
المشاركات : 1,046
النوع : ذكر
الاقامة : NasR CiTy
السيارة: non
السيارة[2]: Corsa new faceLift
الحالة :
يا رب يشفي والدتك ويعافبها
ولو اجتمعوا على ان يضروك بشيء لن يضروك الا بشيء قد كتبه الله لك
رقم العضوية : 130716
تاريخ التسجيل : 30Oct2012
المشاركات : 61
النوع : ذكر
الاقامة : الجيزه
السيارة: نيسان
السيارة[2]: ماذدا
الحالة :
حمد لله على سلامتك وألف سلامه للوالده وربنا يكمل شفاها على خير .. قدر الله ماشاء فعل .. والذنب ليس ذنبك ولكن ظاهره المطبات المفاجئه اصبحت شئ عادى ياريت حتى يحطو علامه ارشاديه او حتى لون ابيض على الارض لكن للاسف مش بيحصل .. كلنا حصلت معانا.. انك تاخد مطب من غير ما تشوفه .. لانه فعلا بيبقى مش متشاف .. وبتشوفه بعد ما يفوت الاوان .. فداك مليون عربيه .. وان شاء الله ترجع افضل من الاول .. تقبل تحياتى
رقم العضوية : 37309
تاريخ التسجيل : 05Apr2009
المشاركات : 4,099
النوع : ذكر
الاقامة : New Cairo
السيارة: Geely Emgrand7
السيارة[2]: Daewoo Nubira06 II SX
دراجة بخارية: no
الحالة :
الف سلامه على والدتك و ان شاء الله تبقى بخير و ربنا يعوض عليك
[img3]http://im77.gulfup.com/mVDw3c.png[/img3]
رقم العضوية : 66605
تاريخ التسجيل : 30Mar2010
المشاركات : 1,419
النوع : ذكر
الاقامة : 6 October
السيارة: Sunny SuperSaloon 2013
السيارة[2]: Fiat siena
دراجة بخارية: Non
الحالة :
الف سلامة على والدتك وحمدالله على سلامتك و ربنا يعوض عليك في العربية و متزعلش فداك ،، التصليح طبعا هيبقا فالتوكيل و هتبقا التكلفة عالية شوية بس معلش وقدر الله ما شاء قعل وربنا يعوض عليك
المفضلات