الموضوع: امس كنت بافكر اعمل موضوع عن تغيير كاوتش اللوجان الزبالة . النهارده عملت حادثة بسببه

المشاركة الأصلية كتبت بواسطة gebreel

حمد الله على سلامتك يا باشا و فداك ... اهم حاجة انك كويس و محدش حصله حاجة و ان شاء الله العقيد خالد الورشة بتاعته كويسة جدا و هيرجعهالك زي الاول و احسن باذن الله

جزاك الله خير يا استاذ جبريل

كنت متاكد انك هتسأل عليا

وافتكرت الحادثة بتاعتك اللى كانت من شهرين قولت ربنا يكون فى كل واحد يعمل حادثة ربنا يعوضك ويعوضنى خير

بس فى سؤال يا استاذ جبريل

الصدر اللى اطبق اللى اما الردياتير مباشرة هيتصلح على البارد ولا على الساخن

ولو على الساخن هتترش ولا لأ

والتكلفة اد ايه تقريبا ؟

ومعلش سؤال تانى الفانوس الامامى يمين الخارجى مش اللمبة يتكلف كام ؟

معلش انا بتقل عليك يا استاذ جبريل

المشاركة الأصلية كتبت بواسطة gebreel

يا باشا تتقيل ايه و الكلام ده ... كلنا اخوات و كلنا مع بعض على طول ان شاء الله

بالنسبة للصدر فهو على حسب الخبطة و لو اني افضل انو يتغير علشان ميزهقكش بعد كدة في صوت تسريب هواء او فرق في الكابوت الخ ... و هو مربوط بصواميل بيتشال و يركب غيره بسهولة. لو جديد هيحتاج يترش و ممكن تدور على استيراد بنفس اللون بس اعتقد هيبقى صعب.
التكلفة للاسف معرفش.


1-جزاك الله خير على المعلومة دى بصراحة انا كنت شايل هم الوقفة جنب السمكرى لغاية اما يدق

وبعدين يدق وبعدين يسخن ويدق ويسخن ويدق وحاجة بقى شلل

لكن دلوقتى هيفك ويركب بس وشكرا

2- تانى حاجة انا باشكرك جدا جدا جدا عشان ما بحبش التصليح ....... الجاهز افضل عندى خاصة ان اكيد

مش هيكون زى الاساسى وحضرتك قلت هيكون فى تسريب هواء

وانا ما بحبش اسيب عربيتى مع اى صنايعى لأن اى صنايعى غير مؤتمن لانى باختصار ما اعرفوش

لما اعرفه واعاشره تاع سنتين تلاتة وناكل عيش وملح وبعدين احدد - الاصلح اقعد جنب حاجتى


بالنسبة للفانوس ممكن تصبه زي ما د/ احمد قالك في الاهرام للبلاستيك

برجاء عنوان الاهرام للبلاستيك

و اي حاجة اسأل على طول و انا تحت امرك

اما بقى على مصنعية تركيب الريدياتير فخد التقيلة بقى: طقم الدبرياج ب1200 او 1300 و تكلفة تركيبه 900 جنيه =)

مش قادر ما اعلقش بالرغم من الهم اللى ان فيه

ضحكت عليهم يا مسعودى جبت الفرخة ب 25 قرش والقفص ب 15 جنيه بس

وبرده انا عاجز عن الشكر