الموضوع: لانوس 2008 وبنزيين 80

تجربتي مع بنزين 80 :

أنا كنت مسافر مرة وكان مؤشر البنزين قبل الربع الأخير بشرطة يعني المفروض تقريبا إن في 14 لتر بنزين على الأقل + 4 احتياطي

المهم بصيت لقيت لمبة البنزين بتنور !!!!!!! والمؤشر زي ما هو !!!!!

فخفت لحسن المؤشر يكون فيه مشكلة فقلت افول وخلاص لحسن البنزبن يخلص

ولما رحت البنزينة ملقتش بنزين 90 ومكنش فيه غير 80 بس

والغريبة إني لقيت عربية نوبيرا بتمون 80 !!!!!!!

ولما سألته راح قاللي أنا بامون بنزين 80 ومفيش اي مشكلة وقاللي عربيتك زيي مش هيفرقوا حاجة بس ما تحملش على المتور وقال لي جرب حتى 10 لتر وشوف ومش هيحصل اي حاجة

فكرت لغاية لما قررت اني امون وخلاص احسن من لما تعملها معايا وتفصل بنزين

فولت التنك للآخر وبعد ما طلعت وكنت مرعوب لقيت الحمد لله العربية طبيعية جداااا ومفيش اي مشاكل او اي حاجة غريبة وحتى السحب كان طبيعي فرق شيء لا يذكر او يمكن ما فرقش اصلا ، وجربت أكبس بنزين والحمد لله مفيش تسقيف ولا حاجة حتى بعد ما شغلت المكيف ، ولما جربت امشي بالغيار التالت على 30 واكبس بنزين برده الحمد لله مفيش تسقيف

لكن لقيت ان التسقيف بيظهر لو نقلت من الأول للتاني من غير مازود سنة بنزين يعني غيار اول ولما تتحرك انقل على التاني على طول بتسقف
وبيظهر لو حاولت اطلع طلعة سريعة وانا مشغل المكيف ومش مشبع بنزين وبيختفي أول ما تسيب دواسة الدبرياج

ولسه ما قررتش استمر عليه ولا لأ لأنه بنزين متوفر وبنزيناته فاضية

بس كده

ودي حكايتي مع بنزين 80 للي يحب يستفيد

المشاركة الأصلية كتبت بواسطة shanodaa

اهلا بيك
حضرتك الفرق ما بين 80 و90 هي الاوكتيين اللي بيزود نسبه الاشتعال فقط
لكن الرواسب 80 زي 95
وبنزيين 80 لا يوجد به رصاص
ولو علي الرواسب ما تمونش لما تكون عربيه البنزيين بتفرغ في البنزيمه
لكن
طلما السياره تعمل عليه جيدا ولا يوجد تسقيف ولا رعشه في الماتور وانت في السلانسيه
اعتقد لا يوجد مشكله
نعم فيه سيارات عند وضع بنزيين 80 بتبرجل وفي ايضا تعمل بشكل جيد
وعموما مش مقواحه ولا قله فلوس
لكن ليه تدفع اكثر وانت بتستخدم السياره في السفر كتيير
اصلا من غير سفر اللي بتحرقه بنزيين في اشاره كل شويه تتحرك 10 سم
ولا علي كبري اكتوبر ممكن تقف سعات وات مدور ماتورك
الحكايه مش خكايه توفيير ولا مقاوحه طلما السياره تعطي اداء ممتاز واعني كلمه ممتاز
في السحب وفي التوفيير ليه لا
شكرا لك اخي
وكل عام وانت طيب

اهلا و سهلا بحضرتك

انا متفق معاك 90%

بس براحة كدة

انت جربت الموضوع و مشى معاك

الموتور مسقفش و صوته واطى

السحب كويس

مفيش رجرجة الحمد لله



طب افرض معايا كدة

كمان سنه لو حاجة من دول حصلت (خلى بالك سنة مش مدة كبيرة) يستحيل يجى فى بالك ان من البنزين

من الاخر كدة عاوز اقولك انك هتحس على المدى البعيد خصوصا ان عربيتك 2008

مع تمنياتى ان ميظهرش معاك حاجة وحشة حتى 50 سنة و ان شاء الله تغيرها قبلها:D

المشاركة الأصلية كتبت بواسطة ahmed1981

الرواسب في البنزين هي مسألة نظافة خزان المحطة
ويستوي فيها بنزين 80 وبنزين 98 على حد سواء

لكن الفرق الحقيقي بين أنواع البنزين ممكن حضرتك تقرأه في الرابط التالي:
نوع البنزين وعلاقته بنسبة إنضغاط المحرك=Octane number And Engine CR

انا كان قصدى ان مفيش فرق بينهم غير رقم الاوكتين غير النظافة كمان بس:)

ما شاء الله بجد موضوعك جميل و استفدت منه اوى

بس كان ليا شويه سؤالات كدة

1-الانضغاط =كبس الموتور ؟؟؟
2-انتو ليكوا تجربة عملية (اللى هى الموضوع دة ) ان مفيش فرق فرق بين 80 و 90 وفى الموضوع بتاع حضرتك بتايد الكلام دة و انا ليا تجربة بتقول العكس لما غيرت من 80الى 90 فى 504 ,,,,,,,,,,,,,,,,,,,,,,,ممكن حضرتك تفسرلى الفرق اللى فى الاستهلاك اللى حصل معايا حصل ازاى؟؟؟؟؟؟
3-نسبة الانضغاط للانوس و الانسر كام ؟؟؟؟


الزمن نث ثاعة والوقت بدا من ثاعتين:D

طيب التصفيق هو الضرر الوحيد المتوقع ؟؟


ولا فى اضرار اخرى على المدى البعيد ؟؟؟؟