الموضوع: لانوس 2008 وبنزيين 80

المشاركة الأصلية كتبت بواسطة solycar

يعنى 80 مينفعش


اذا اقل حاجة ممكن هى 90

أعتقد إن أقل رقم أوكتيني موصى باستعماله هو 83 ، لكن في حالة استعمال بنزين أقل في الرقم الأوكتيني الموصى بيه ممكن يحدث التصفيق .

فعلشان كده لما باحط بنزين 80 وبامشي المشي الطبيعي وبانقل طبيعي العربية بتمشي كويس لكن لو حملت على الغيار يعني العربية واقفة وعايز أطلع على التاني لازم اطلع على مهلي خالص أكتر من لو أنا حاطت ال 90 علشان ميحصلش تسقيف

ولو مشغل المكيف لازم أدي كل غيار حقه يعني مانقلش قبل ما عداد ال RPM يوصل ل 2.5 وأزود بنزين سنة سنة لغاية لما يعلى عن 2 وبعد كده ممكن اجيب الدواسة للأرض مش هتسقف

وده على حسب مأنا شايف الفرق اللي بيحصل مع استخدام أوكتين أقل

موضوع جميل يا جماعة و إسمحولى هقولكم على خلاصة تجربتى مع بنزين 80
أنا عربيتى أوبترا أوتوماتيك 2007 (واخد بالك معايا يا aif)بحط فيها ربع التنك 92 و الباقى 80 و دى أحسن خلطة جربتها
يعنى:
1) مفيش إختلاف فى السحب نهائى
2) مافيش تسقيف نهائى
3) باطلع بيها من الجراج مطلع جامد جدا بدون تنتيش و لا تسقيف
4) بأقرص على العربية براحتى
5) و ده الأهم بوفر 40 جنيه فى التفويله
الخلطة دى أنا ماشى عليها حوالى 17000 كم بدون أيه مشاكل و الحمد لله حاليا عربيتى عاملة 23000 كم
مع البنزين الـ 80 بقى كنت بلاحظ إن السحب بيقل بشكل ملحوظ و بتسقف مع القرص لكن مع السواقة الهادية ما فيش مشاكل خاص و مرة سافرت بيها مطروح رايح جاى من إسكندرية بالـ80 بيدون مشاكل ولا تسقيف بس بدون قرص جامد مع العلم إنى أعرف مقاول فى العجمى معاه أوبترا 2006 عامل بيها 120 ألف كم بيقولى ما شافتش غير بنزين 80

معلومة جميلة قالهالى إبن عمى و هو شغال فى شركة بترول عن البنزين
اولا : البنزين ال80 مش أقل من 83 و حتى 85
البنزين ال90 من 87حتى 90
البنزين الـ 92 من 91 حتى 92
البنزين الـ 95 أكثر من 93 حتى 95
بس اللى محيرنى إزاى لما أخلط 80 و 92 لا أحصل على رقم أوكتان متوسط - زى ما قال اللأخ mmamdouh - أرجو التوضيح