الموضوع: لانوس 2008 وبنزيين 80

الله ينور عليك يا باشمهندس أحمد ، متفق معاك تماما وعلى فكرة موضوعك الرئيسى "نوع البنزين ومحرك السيارة=Octane No " كان له أثر كبير فى إقدامى على هذه التجربة الجريئة و أدينا بطبعنا بتعامل مع أحوال البلد و نشوف هتودينا على فين

المشاركة الأصلية كتبت بواسطة أبو عمار

موضوع جميل يا جماعة و إسمحولى هقولكم على خلاصة تجربتى مع بنزين 80
أنا عربيتى أوبترا أوتوماتيك 2007 (واخد بالك معايا يا aif)بحط فيها ربع التنك 92 و الباقى 80 و دى أحسن خلطة جربتها
يعنى:
1) مفيش إختلاف فى السحب نهائى
2) مافيش تسقيف نهائى
3) باطلع بيها من الجراج مطلع جامد جدا بدون تنتيش و لا تسقيف
4) بأقرص على العربية براحتى
5) و ده الأهم بوفر 40 جنيه فى التفويله
الخلطة دى أنا ماشى عليها حوالى 17000 كم بدون أيه مشاكل و الحمد لله حاليا عربيتى عاملة 23000 كم
مع البنزين الـ 80 بقى كنت بلاحظ إن السحب بيقل بشكل ملحوظ و بتسقف مع القرص لكن مع السواقة الهادية ما فيش مشاكل خاص و مرة سافرت بيها مطروح رايح جاى من إسكندرية بالـ80 بيدون مشاكل ولا تسقيف بس بدون قرص جامد مع العلم إنى أعرف مقاول فى العجمى معاه أوبترا 2006 عامل بيها 120 ألف كم بيقولى ما شافتش غير بنزين 80

معلومة جميلة قالهالى إبن عمى و هو شغال فى شركة بترول عن البنزين
اولا : البنزين ال80 مش أقل من 83 و حتى 85
البنزين ال90 من 87حتى 90
البنزين الـ 92 من 91 حتى 92
البنزين الـ 95 أكثر من 93 حتى 95
بس اللى محيرنى إزاى لما أخلط 80 و 92 لا أحصل على رقم أوكتان متوسط - زى ما قال اللأخ mmamdouh - أرجو التوضيح

هو خلط البنزين بيطاع لينا رقم اوكتان جديد ؟؟؟؟

طيب اذا كان كده صح .. ايه افضل نسب الخلط علشان تتماشى مع مواتير الدايو وخصوصا النوبيرا ؟؟

يعنى نص التانك 80 والنص التانى 90 او 92 ؟؟ ولا نعمل ايه ؟؟

لما بنستخدم بنزين 80 في العربيات اللي فيها كاربيراتير بعد فترة بنلاقي في رواسب برتقالية أو حمراء في الكاربيراتير في حين إن الرواسب دي مش بتظهر نهائي مع استخدام بنزين 90

طيب ايه هي الرواسب دي ومكونة نتيجة ايه ؟ وهل ممكن تسد فتحات البخاخ أو الإنجكشن؟

المشاركة الأصلية كتبت بواسطة MMamdouh

هى المشكلة فى الحط؟؟؟... ما انا ممكن تشوفونى بحط سولار... المهم بعد كدة حيحصل ايه

MMamdouh

والله يا جماعه انا مع الرأى دة وهو مش المشكله تحط ايه ؟؟؟ لكن المشكله انه ياترى ايه فعلا نوع الوقود المتلائم مع نوع السيارة وامتى ممكن تظهر عيوب البنزين الغير متلائم مع السيارة... واللى شايفه من معظم الاعضاء انه بيقولو انه مافيش فرق كبير حسوا بيه لما حطو بنزين 80 بدل ال 90 وال92
ولو فعلا مافيش فرق بينهم ماكنوش اصلا عملو الانواع دى
لو التأثير ماظهرش دلوقتى يا جماعه هايظهر بعد اعوام
وانا عن نفسى هابستعمل 92 ومش هاستعمل اقل من كده انا بشترى عربيتى وراحتى ب40 جنيه زيادة فى التفويله

تم تغيير لون المداخلة, اللون الاحمر مخصص الادارة

يرجى مراجعة قوانين المنتدى

مشرف القسم

ياجماعه ماتقلقوش من موضوع البنزين 80 خالص علشان انا بحط بنزين 80 فى عربيتى الدايو لانوس وبقالى على كده حوالى 10000 عشره الاف كيلو والعربيه باسم الله ماشاء الله والحمد لله تمام ومافيش اى مشكله فى السحب او غيره اتكلوا على الله وماتقلاقوش واسأل مجرب

انا متاكد من ان 80 مضر لأنى لما استلمت العربيه كان مكتوب على باب التانك يوصى باستخدام بنزين 90