اولا استخدام مصطلح "انجكشن" مش فى مكانة الصحيح... انت بتتكلم فى منافول السحب بتاع الهوا و دة ملوش علاقة بدايرة التغذية بالبنزين و الرشاشات... او على الاقل على مستوى الملاحظة اللى انت بتتكلم فيها
المنافول بتاع السحب و البوابة و الايدل كونترولر بيتعاملوا مع الهواء اللى داخل الموتور و الهواء مهما كان نضيف بعد الفلتر فا برضة بيبقى فيه ذرات تراب دقيقة جدا... و من ضمن اجزاء المنافولد و نظام سحب الهواء فيه خرطوم الفايظ بتاع بخار الزيت
طول ما انت ماشى بالعربية فيه ابخرة زيت و تسريب من الشنابر لبعض غازات العادم بيحصل و بيتجمع الكلام دة فى فارغة الكرنك... بيبقى فيه خرطوم من اعلى نقطة فى الموتور (غطاء التاكيهات مثلا) و الخرطوم دة بيبقى رايح على المنافول و بالتالى الموتور نفسة بشفط ابخرة الزيت و الغازات الى داخل البساتم عشان تتحرق و تخرج مع العادم
بمرور الوقت بيبداء بخار الزيت فى التراكم على الجدران الداخلية للمنافول و البوابة و الايدل كونترولر لان بخار الزيت اتقل من الهواء بالاضافة الاى ان الزيت بيلقط ذرات التراب اللى فى الهواء و بعد 10 الاف كيلو كدة بيبقى المنافول مليان زيت مترسب و ذرات تراب و بلاوى زرقة و دة تفسير الوساخة اللى بتلاقيها جوة المنافول و البوابة و بيحتاج كل الكلام دة الى تنضيف كويس
لو حد لقى علاقة اللى فات دة ببنزين 80 يبقى يقولى
MMamdouh
المفضلات