الموضوع: لانوس 2008 وبنزيين 80

السلام عليكم ورحمة الله
الاخوة الكرام
انا بعد ما قرات الموضوع حبيت اجرب بنزين 80 ، انا عربيتى لانوس موديل 2008 وبصراحة كنت خايف فى الاول لكن اللى شجعنى انى جالى مشوار شغل فى سفاجا ولاقيت المشوار يستاهل بصراحة 1200 كم ،فولت 80على البنزين الموجود كان تقريبا نص التنك 90 واتحركت بصراحة محستش بفرق
وهكذا طول الطريق واللى ساعدنى ان المحطات اللى على الطريق كان متوافر فيها ال 80 ورجعت فى نفس اليوم والحمدلله محصلش مشاكل اما رجعت القاهرة وبدأت امشى فى الزحمة حسيت بالفرق خصوصا مع التكييف السحب بيقل وبتسمع ترزيع الموتور واضح ساعتها قررت انى مستعملش 80 غير وانا مسافر مشاوير طويلة وعملت كده لفترة لكن رجعت تانى لاستخدام 90 باستمرار ومبقتش استعمل ال 80 خالص ،
لسببين الأول انى خفت على العربية من التبديل كل شويه من 80 الى 90 ، والتانى ان مفيش 80 فى المحطات واما بيكون موجود تقف طابور وما ادراك ما الطابور
لاحظت حاجه بقى يا جماعة انا اول ما اشتريت العربية استعلمت بنزين 92 حوالى شهر وبعدين 90 و80 حسبت عدد الكيلومترات اللى العربية بتعملهم فى كل حاله لاقيت انه بيكون اكتر فى حاله 80 يليه 90 وفى حاله 92 بيكون قليل وسالت فى التوكيل على الموضوع ده والمهندس قالى ان 92 مالوش لازمة مع مواتير اللانوس استعمل ال90 احسن
ارجو انى اكون افدتكم

لكم ان تتخيلوا ان الانوس بقت تعمل 300 كم لغاية نص التنك بعد صيانة ال20000 و بصراحة انا مش عارف دول يطلعوا قد ايه كده

بنزين 80 شغال معايا على العربية تمام ( هي لانوس 2006 )
المشكلة انها بتعمل دلوقت 175 كيلو في الصفيحة , انا حاسس ان في حاجه غلط عندي

الموصى به فى الدايو بنزين 90 من الكتالوج