الموضوع: انا هقابل رئيس مجلس ادارة هيونداى العالمية كمان يومين

[COLOR="rgb(139, 0, 0)"]
بسم الله
احب اعتذر انى اتأخرت فى الرد لأن اليوم عندى هنا مقلوب
احب اوضح ان فيه حاجات انا قررت اكلمه فيها بناء على مشاركة الأعضاء واشكركم عليها جدا وفى نفس الوقت انا هوضح وجهة نظرى طبقا لعلمى و رؤيتى لأ انى عايش فى امريكا الفترة دى وركبت عربيات كتير منها هيونداى وغيرها بحكم ان بأجر عربية كل اسبوع وبرضه انا بشتغل فى هيونداى امريكا وعندى فكرة بسيطة عن سياسات التسويق بتاع هيونداى
[/COLOR]

المشاركة الأصلية كتبت بواسطة AshTurbo

قبل أي حاجة السلام أمانة للغالي أبن الغالي وخد ياسيدي عندك حبة أفكار :

- عوامل الأمان دي في وش الشركة مش في وش البلد عندك غبور في أعلى فئة هما 2 أيرباج و abs ودمتم وهي برة بتنزل ب 10 أيرباج و abs- ebd - esp وأيموبليزير .

- السعر مساوي لسعر الأوروربي والياباني ويمكن أغلى مع أنخفاض جودة الخامات وعوامل الأمان ( كله بلاستيك بلاستيك مفيش جلد ) .

- مستوى خدمة الصيانة الدورية ضعيف والفنيين محتاجيين تدريب وحزم في الأشراف عليهم .

- المعلم منزل أنذار وكاتب أن الأنذار ده لا يمنع السيارة من السرقة لحد مابقت عربيات هيونداي وكيا أكتر عربيات بتتسرق في البلد .

يعني لو ينفع تقوله ينزل العربية دي بملتي لينك تبقى عملت جميلة كبيرة وياسلام لو يهتموا شوية بالستييرينج يبقى فلة بصراحة مش هتقل عليك أكتر من كدة والسلام أمانة متنساش .

اللى بيحصل بكل بساطة ان التوكيل بيطلب عدد عربيات بمواصفات معينة والشركة الأم بتبعتها والشركة لو بعتت حاجة مش مطابقة بترجع تانى لبلد المنشأ – المشكلة مشكلة توكيل وقوانين بتحكم البلد
كل الأوروبى يتبع القوانين الأوروبية فى الأنتاج وكذلك الأمريكى واليابانى – اما الكورى فهو يتبع مواصفات التوكيل لأنه مازال فى مرحلة تحقيق مستوى ثابت فى المبيعات وده موضوع كبير مش هخوض فيه لأن ليه علاقة بحسابات تسويق اسطورية انا شفتها بنفسى
اما مشكلة السعر – العربية هنا اول فئة فيها كل مواصفات الأمان فى حدود 15 الف دولار يعنى بسعر دلوقتى فى مصر حوالى 105 الف من غير جمارك – بلدنا العزيزة بتحط جمارك على اى نوع من انواع الكماليات احسبوها انتو بقى
اوعدك انى هتكلم فى نقطة ان الشركة لازم تحط معايير امان خاصة بيها هيا وان التوكيل محتاج يزود المستوى الفنى للعمال
الباقى مواصفات فنية ونقط انا عديم الخبرة قدرت افندهالك واجادلك فيها ومش هقدر اجادله هوا فيها

المشاركة الأصلية كتبت بواسطة matantawy

مش معنى ان فى مبيعات يبقى كده كويس، مفروض يتقال ان اسعار هيونداى بتقرب من عربيات تانية غير كورية و بتنزل بعوامل الامان كاملة او على الاقل اكتر من هيونداى و لو ملحقوش نفسهم الناس هتتجه لعربيات تانية لأن اذا تساوى السعر يبقى الامان اهم و بالذات فى بلد فيها حرامية و فيها طرق غير ممهدة يعنى عناصر الامان دى مش رفاهية

و دليل على كده اى حد بيقارن بين الاكسنت rb و النيسان تيدا بيلاقى كفة تيدا تكسب عشان عوامل امان، مع ان شكلها استغفر الله العظيم :d

انا لسه جايب rb و كنت بقارن بينها و بين تيدا برضه، و كنت بقول لأى حد يسألنى ان التيدا عندى كويسة بس عشان فيها اير باج و abs و بنفس سعر الاكسنت، بس فى الاخر دفعت 4 الاف زيادة عن التيدا و جبت اكسنت فيها اير باج واحدة يتيمة و abs حتى امان اللى راكب معايا مش قادر احققه !! و انا جبت اكسنت مش تيدا لأن انا عاجبنى شكلها و حاسس انى مرتاح فيها اكتر بس هيجي يوم اما يبقى عندى عائلة هختار الامان و لو كان فى لادا !

ده غير طبعا صيانة غبور و كوارث صيانة غبور اللى الواحد بيقرأ عنها و بيدعي ربنا ينجيه منها !!

عندك حق فى موضوع المقارنات ده بس فى نقطة احب اوضحها - النيسان مع احترامى لملاكها الموديلات الموجود فى مصر تقريبا مش بشوفها فى امريكا الا نادرا وهيا تقع تحت فئة اقل من نظرائها فى مصر – انا اسف مش هجادل حد فى النقطة دى لأنى شايفها بعينى ومش محتاج حد يثبتلى العكس واحب اوضح ان نيسان ماركة اعلى من هيونداى هنا خصوصا (نيسان التيما وماكسيما وانفينيتى) – وبالتالى سياسة تسويق هيونداى بتنافس الأسعار اللى فى نفس الفئة لكن عندنا مفيش فئات اصلا – السعر هوا الفئة

المشاركة الأصلية كتبت بواسطة mhf_77

الموضوع مش محتاج كلام كتير
ممكن تخليه يشرف فى يوم فى مصر وياخد عربيه من انتاج شركته يسوقها فى شوارع مصر وهو من خلال التجربه ومعرفة سعرها محول للدولار هيولع فى العربيه وفى الوكيل وفى نفسه

للأسف مقدرش – القوة الشرائية بتاع مصر ااقل من ان احنا نذكرها كشئ مؤثر

المشاركة الأصلية كتبت بواسطة ELBOB EL GAMD

قله نصيحة بلاش تركب كورى وخليك فى الاوربى هههههههههههع

المشاركة الأصلية كتبت بواسطة محمد يوسف

بلغه تحياتى

وقل له يجيب الحاج تويوتا ف ايده وييجوا يشرفونا يومين

المشاركة الأصلية كتبت بواسطة Samir Elshahawy

شركة هيونداي النهاردة من الكبار في مجال صناعة السيارات و يجب أن لا تتنازل عن الحد الادني من وسائل الامان و السلامة في سياراتها أرضاء لأطماع أحد الوكلاء
نقطة صحيحة تمام اشكرك انا فعلا هتكلم فى النقطة دى
و هأقول لك بعض الحقائق تبلغ بها رئيس الشركة عما يفعله غبور اللي مش أمور و لكن ... علي الخاص أو تكلمني في التليفون أفضل علشان المعلومات اللي عندي ماينفعش أقولها علي الهوا كده

انا متأسف مش هقدر اكلمك لأنى حاليا خارج مصر لو فيه اى نقط انت شايف انى ااقدر اتكلم فيها ياريت تقولى

المشاركة الأصلية كتبت بواسطة zangry

العيب مش علي غبور العيب علي اللى بيصنع عربيات مافيهاش وسائل امان ... قولهم احترموا العميل وحافظوا على سلامته !

هما بيخضعوا لطلبات التوكيل لأنه هوا ادرى بالسوق المصرى وللأسف عامل مبيعات مقدرش اجادله فيه – انا اقدر اتكلم فى نقطة معايير السلامة لكل الموديلات

المشاركة الأصلية كتبت بواسطة Samir Elshahawy

شركة هيونداي النهاردة من الكبار في مجال صناعة السيارات و يجب أن لا تتنازل عن الحد الادني من وسائل الامان و السلامة في سياراتها أرضاء لأطماع أحد الوكلاء
و هأقول لك بعض الحقائق تبلغ بها رئيس الشركة عما يفعله غبور اللي مش أمور و لكن ... علي الخاص أو تكلمني في التليفون أفضل علشان المعلومات اللي عندي ماينفعش أقولها علي الهوا كده

المشاركة الأصلية كتبت بواسطة zangry

العيب مش علي غبور العيب علي اللى بيصنع عربيات مافيهاش وسائل امان ... قولهم احترموا العميل وحافظوا على سلامته !

المشاركة الأصلية كتبت بواسطة esam_ayad

-ممكن حضرتك تقوله علي الخامات الرديئه الموجوده في الفئات الأولي علي الرغم من ارتفاع سعر الفئات دي.

المشاركة الأصلية كتبت بواسطة ahmedrb

او سمحت خضرتك اقوله السلام عليكم و رحمة الله و بركاته ده أولا:
1- ان اى عربية متقلش عن عوامل الامان الاساسية ( 2 airbag + abs)
2- ان يقلولوا عدد الفئات بدل النترا الى 14 فئة و اكسنت ال12 يبقى ثلاثة مش الفرق واحدة ايرباج وابى اس لا واحدة جنط وفتحة سقف لا شيل دول خالص و حطلى سينسور لالا ده شوي شوى يقولى شيل المتور ة حط حمار انا أسف
3-ان يكون واحد من كوريا يكون فى مصر يراقب عمل الشركة
4- الكماليات تكون زى الى فى كتالوج بالظبط مش يجى يعمل الانذار فى مصر
5-ان الفئة الهاى لاين تكون كل كماليات الكتالوج و ميشلش منها حاجة
6- ان يطلب ينزلو سوناتا و أى 40 تربو 1600 سى سى 180 حصان بتاع الفليوستر
وشكرا جزيلا لو حضرتك ناقلتله وجهتنظر الاعضاء علشان بجد احنا بنحب هيونداى جدا

عدد الفئات بأيد التوكيل والصراحه برضه التوكيل بيستعبط بينزلها فئات وهيا فى الأصل كماليات بين الفئات – التوكيل بيبعت المواصفات والشركة الأم تبعت
موضوع حد من كوريا ده انا نفسى شايف صعب تخيل واحد محقق مبيعات زى الفل مقارنة بحجم السوء وكمان مصر حصتها قد ايه عشان يبعتو حد مخصوص – اللى اعرفه ان فيه ناس بتعمل تدقيق (audit) كل فترة وبيبقى على الناس النايمة –

المشاركة الأصلية كتبت بواسطة Kareem.ElAraby

عوامل الامان يا ولاد ال تيييييييييييييييييييييييي يييييييييت
abs
ebd
esp

تم الرد سابقا

المشاركة الأصلية كتبت بواسطة monamize4

حضرتك هتقابل Chung Mong Koo ذات نفسيته ؟
انا مش هقولك اتكلم معاه عن معاملة التوكيل و لا عن سعر الهيونداى ف مصر بقى عامل ازاى و لا عن تقفيل العربيات الهيونداى اللى ف مصر و لا عن الانذار و السرقات اللى بتحصل لان ببساطة هو اكيد عارف حصة هيونداى من السوق المصرى اد ايه , فا كل كلامك هيبقى مش منطقى بالنسباله

انا عايز بس تقوله عيب يا عم شونج مونج ان شركة بحجم هيونداى مايكونش ليها مواصفات امان ستاندرد ف كل مصانعها ف كل انحاء العالم

الله ينور عليك

المشاركة الأصلية كتبت بواسطة Eng_Designer

لا اسمحلي فيه نقط كتيرة لازم نتكلم فيها
غبور من الاخر حرامى بسبب الاسعار الرهيبة بتاع قطع الغيار + المصنعية كان عندي خبطه والعربية زيرو اروح لسمكري يقولي 300 جنيه وكشاف اصلي 200 ج يعنى 500 جنيه وترجع العربية زيرو اروح التوكيل يقولي 7000 ج والتامين نزلها ل5000 .. ديه نقطه طبعا ده اقل تجربة شوف الناس اللى بتدفع 20 و 30 الف
النقطه التانية وخاصة الفيرنا مفيش فيها نهائى اى وسيلة للامان برغم انها برا فيها abs وايرباج وكل اللى انت عايزه واتكلم معاهم يقولي انسي ! اقوله ازاى انسي وبرا فيها كل ده يقولي انت بتختار العربية فيزا ازاز كهربا او مفيهاش !!!
النقطه ال3 اقوله عيز اركب جهاز انذار يقولي ملناش دعوة والعربية هتخرج برا ضمان كهربا ! يقولي مش بنركب اى كماليات للعربية اقوله فين وسائل الامان فين اى حاجه ! ملناش علاقة ! وانت اللى بتلبس !
ناس تانية تدخل العربية صيانة تخرج تلاقي فيها مشاكل بالهبل ! يعنى لازم يكون فيه تيست ع المهندسين اللى بيصلحوا ويتفرض ع غبور حاجه زي كدا
لازم يكون فيه رقابة وتواصل مباشر بين المستهلك العادى اللى بيشتري من غبور وبين هيونداي العالمية


اتمنى تراسل ادارة المنتدى تعمل اعلان عن الموضوع لان فيه مشاكل كتير جدا

كل المشاكل دى عندك حق فيها ولو ان المشكلة الوحيدة اللى قابلتنى فى عربيتى الهيونداى حلوها بدون ادنى نقاش وبالنسبة لقطع الغيار ده سوق استيراد وتصدير ملوش علاقة بيهم – لو تعرف تجيب حاجات اصلى من كوريا نفسها محدش بيقولك لأ
اراسل المنتدى ايه ياراجل ما شاء الله الأعضاء قامو بالواجب

المشاركة الأصلية كتبت بواسطة eng_designer

ولا اسبوع ع ما تعمل حاجه زى كدا ممكن تبقى خطوة تانية مش اكتر لو يسيب مثلا الكارت بتاعه فيه الميل او كدا ممكن التوقيعات والشغل ده يتبعت ع ميله ويكون مفهمه كدا

للأسف موضوع الكروت ده مستحيل ده اذا كان معاه كروت اصلا ولو معاه اكيد مش هيديهالى :-]

المشاركة الأصلية كتبت بواسطة esam_ayad

-ممكن حضرتك تقوله علي الخامات الرديئه الموجوده في الفئات الأولي علي الرغم من ارتفاع سعر الفئات دي.

العربية هيا هيا هنا فى امريكا السعر ده مشكلة مصرية من الألف للياء

المشاركة الأصلية كتبت بواسطة ahmedhossam86

بص يا باشا قوللو احمد حسام بيقولك:

due to the unrest, and lack of security in Egypt many cars made by Hyundai and Kia are being stolen.. 150,000 pounds is a huge sum of money for the Egyptian Consumer, he needs to make use of all available options in the car he owns.. the most important thing is its means of safety and security.. safety while he's driving (ESP, ABS, EBD,..) and safety when the car is parked (an anti-theft system), they need to standardize the immobilizer option in all cars. It is not an expensive part in its manufacturing.

و يا ريت لو يكون عندك علي الموبايل او التاب فيديو سرقة الالترا قدام كوك دور و قوللو دي عينة من السرقات اليومية

كل ده للأسف مواصفات توكيل انا اقدر اكلمه فى معايير السلامه لشركة هيونداى وبرضه موضوع السرقة ده الوكيل لو حط immobilizer جزء كبير هيتحل ولو ان الحرامية ملهمش كبير وربنا هوا اللى بيحرس

المشاركة الأصلية كتبت بواسطة walid_m

طيب يا جماعة الراجل بيقول إنه حيقابل المعلم ده وإنه يتكلم معاه في الحكاوي دي ..... حاجه بظروفها !!!

احنا ممكن ننسق فيما بيننا ملاحظاتنا مع مجموعة هيونداي تيم ونراسل بها الشركة الأم في كوريا !!!

حاجة كده زي تجميع توقيعات أو ما شابه !!!

نقول ببساطة احنا محبين وملاك هيونداي عايزين كيت وكيت .....
ونسرد كل ما طلبه الأعضاء في المشاركات السابقة ...

حاجة كده جت في بالي وأنا بقرأ الموضوع !!!

تحياتي

فكرة ممتازة بس انا هقابله بكره هتلحقوا؟؟