الموضوع: هزه شديدة في التريوس

اشتريت تيريوس من يومين
2008 GLX
بس بصراحة مش راضي عن أدائها و حاسس اني راكب مرجيحة خصوصا لما اخدتها على الدائري النهاردة:

1- سحب ضعيف و اقصى سرعة قدرت اوصل ليها 140 وبعد فترة
2-غير ثابتة و بتحدف لوحدها
3- عفشة ناشفة و بتحس بكل زلطة تحتها
4- بعد كل مطب بحس برجة على حسب قوة المطب و سعات بحس انى انا نفسي بترعش جامد!

ارجو الأفادة من خبراء التريوس الموضوع طبيعي وهى كده واللا فيه حاجات محتاجة تتظبط؟؟!

مع العلم أن العربية عامله 41000كم فقط و رفعتها كانت نضيفة من تحت جدا وحالتها العامة كويسة و كمان الأستبن مانزلش لسه بشوكه

ومعلش ليا كام سؤال لو تكرمتو
1- الكاوتش الأصلى ايه ، اللي راكب دانلوب 16
2- البطارية باناسونيك : ياترا دي الأصلي ؟
3- الموديل دا كان فيه ABS واللا لأ ، لأنى دورت في الكتالوج مش جايب سيرته