>>>> ظهور skoda rapid بالاسكندرية ... اسعار ... مواصفات ... صور حصرية <<<<<

**mo7a_mo7a** · 09-05-2013 01:50 PM

استدراك

الرابيد اللي كان بينزل عليها الموتور 1600 هي رابيد 2011 بمواصفات غير اوروبية

ومش نفس الشكل الحالي

المرجع

SKODA Rapid (non-EUROPE) (2011 - Present)

**mo7a_mo7a** · 09-05-2013 04:20 PM

المشاركة الأصلية كتبت بواسطة dozo

كلام سليم 100 % ..
و طبقا للاسعار الحاليه اتوقع ان اول فئه من الاوكتافيا الجديده مش حتقل عن 190 او 200 الف مانيوال و بكده الرابيد تلعب براحتها .

اعتقد ان اول فئة للاكتافيا حتكون بين 170 الي 180 الف
وده فرق مريح وحيدي الرابيد افضلية لان عليها نفس الموتور

تحياتي

**mo7a_mo7a** · 11-05-2013 03:54 PM

المشاركة الأصلية كتبت بواسطة ahmed.ammar

مشكور يافندم على التقرير لأنه بتقريرك ده لفتت نظر ناس كتير للعربيه دى

العربيه شكلها فخم وشيك جداااا من بره وكمان علامه سكودا بتقويها

بس بصراحه الكونسول وشكل الكاسيت والتكييف سيئ جدا ومش عارف ايه حل العيب ده ياريته حتى كان مقبول بلاش فخم
وتانى نقطه موضوع الماتور وبنزين 92 هل ممكن يأثر على العمر الافتراضي للموتور وقوته وادائه ؟؟ وبنزين 92 لو أثر معايا فى القوه وعدد الأحصنه ممكن يخليها كمثال تقريبي كام ؟ يعنى هتفرق كتير اوى وبشكل ملحوظ عن الـ 122 ؟

وشكرا يا فندم مره تانيه على التقرير ومنتظر ردودكم ,,.

العفو يا فندم كلنا هنا بنساعد بعض

اما بالنسبة لفقد الاحصنة فهي تقريبا حتفقد بين 3 الي 4 حصان من القدرة الكلية وطبعا مش حتحس بيهم لسببين

اولا الفرق بسيط جدا جدا
انت عمرك ما حتوصل لاقصي طاقة للموتور ابدا

انما بتتحسب ازاي الحسبة دي فببساطة
بنزين 92 بيدي طاقة 96% من بنزين 95 وبالتالي تخرج 96% من قدرة العربية يعني 118 او 119 حصان

تحياتي

**mo7a_mo7a** · 12-05-2013 10:31 PM

المشاركة الأصلية كتبت بواسطة ahmedz310

موضوع رائع وربنا ينفخ في صورة الجنيه

امين يا رب

شكرا علي مرورك

تقبل تحياتي

**hossam_elwani** · 14-05-2013 01:29 PM

المشاركة الأصلية كتبت بواسطة zoueil

علي فكرة أنا شوفت العربية في جرين بلازا بالاسكندرية بفرع المصرية
و فتحت الكابوت لقيت الموتور 1.6 مش الtsi

ايه الحكايه هيا نازله كوكتيل ولا ايه !!!!!!!!!!!

**SYD** · 14-05-2013 03:16 PM

تسلم ايدك علي التقرير

بالنسبة لموضوع المحركات
الوكيل فأيده يطلب العربية بمواصفات معينة تناسب السوق اللي بينزلها فيه

بالنسبة للكاسيت
دة واضح جداً انه الكاسيت بتاع اول فئة وبيكون مش ألوان وهتلاقيه بالعافيه بيدعم كروت الSD والAudio CD
لكن طبعا اعلي فئة هتلاقيها نازلة بكاسيت بشاشة أكبر (أتوقع تكون 5.8") وهتلاقيها بتدعم الBlueTooth و الPhone والipod وطبعا بتبقي تاتش سكرين وفيها جرافيك 3d واكيد هتعرض معاك بيانات الParking Sensors وامكانيات اخري كثيرة جداً

اعتقد فعلا العربية هتحقق مبيعات خياليه لو نزلت بالمحرك الTSI وسواء بالفتيس المانيوال او الDSG او حتي التيبترونيك بتاع الأوكتافيا القديمة
لعدة اسباب
1- نازلة بكماليات محتاجها الزبون المصري
2- سمعة للبراند والوكيل طيبة
3- عوامل الأمان واللي يمكن مش موجودة عند المنافسين (في نفس الفئة السعرية) لأني اعتقد اقل واجب هتنزل ب2 ايرباج لأول فئة
4- عوضت المصري عن حلم الجولف والجيتا والفراغ من سيات في هذه الفئة (فئة الكومباكت/سيدان)

شكرا مرة تانية علي التقرير

تحياتي