قرفت من قلة الأدب و عدم احترام قوانين المرور

**p r i n c e** · 04-05-2013 08:58 PM

بقت حاجة تقرف خلاص مبقاش في أي احترام للقوانين و ياريت اللي بيغلط بيعتذر
مواقف متكررة كل يوم لازم يحصل موقف ينرفزك و يعصبك
لسة اقرب موقف إنهاردة و أنا ماشي ف شارع جوا منطقة سكنية
في حارتين بينهم رصيف.. كل جنب يكفي عربية واحدة
أنا ماشي ف اليمين ف أمان الله ألاقي واحد جي ف وشي معاكس
مع إن الناحية التانية اللي المفروض هوا يمشي فيها فاضية
و ياريت البجح لما شافني يرجع ل ورا و يدخل ف الحاره اللي المفروض يمشي فيها
لأ دا طلعلي راسه من الشباك يقولي إرجع ل ورا
قولتله دي حارتي إرجع انت و امشي يمين
رجع ل ورا و مشي يمين
بعد ما لف بالعربية قالي بردت؟ و طلع يجري
.
.
المواقف كتير
هحكيلكم أي حاجة أفتكرها
.
.
ربنا يرحمنا برحمته

**rompo10** · 04-05-2013 10:37 PM

اقفل زجاج عربيتك وماتتكلمش مع حد خالص انا بعمل كده واسيب اللي يتكلم يتكلم المهم ماكنش غلطان

**Ahmed_Adham** · 04-05-2013 10:42 PM

أنا اتشتمت أكتر من مره عشان بقف لما الاشاره تبقى حمرا ومره كانت واحده ست اللي شتمتني.

**benmatar** · 04-05-2013 10:46 PM

ده يعتبر محترم في مقاييس اليومين دول.
الراجل رجع لورا فعلا ومشتمش ولا ضرب ولا كسر ولا أي حاجة، ده ممكن يكون قدوة بالنسبة للي بنشوفه

**youssef_u** · 05-05-2013 12:04 AM

يا راجل كبر مخك

**khaled_bibo** · 05-05-2013 12:47 AM

عادي جدا لسه من كام يوم ماشي في طريق اتجاهين بسرعه اقل من ال60 و الاقي واحد جاي من ورا ماشي في الحاره العكس عشان فاضيه في اول مكنتش شايفه فكنت بفادي بلاعه فرميت عليه سنه لقيته بيقولي بتعمل ايه يا حمار ثقافة شعب متدنيه انا مش غلطان و هو ال 100% غلطان و هو اللي بيشتم !!!!!!!!!!!! سبحان الله فعلا

**dede_dodo88** · 05-05-2013 02:10 AM

المشاركة الأصلية كتبت بواسطة benmatar

ده يعتبر محترم في مقاييس اليومين دول.
الراجل رجع لورا فعلا ومشتمش ولا ضرب ولا كسر ولا أي حاجة، ده ممكن يكون قدوة بالنسبة للي بنشوفه

ده حقيقي فعلاً!!
المعايير خلاص أتغيرت!! مبقاش في حد فاصل بين الصح و الغلط!!

**egyptiandiver** · 05-05-2013 02:34 AM

ماتتكلمش مع حد...

**postagy** · 05-05-2013 10:56 AM

مش عارف اقول ايه انا اول ما قرأت الموضوع ومشاركات السادة الافاضل اعضاء المنتدى ردا على ما اثاره اخونا الفاضل صاحب الموضوع قلت الحمد لله مش انا لوحدى اللى بيحصل معايا كدة لدرجة انى كنت بقول لربنا سبحانه وتعالى كما قال سيدنا النبى صلى الله عليه وسلم اللهم انى اشكو اليك ضعف قوتى وقلت حيلتى وهوانى على الناس .....الى اخر الحديث او كما قال صلى الله عليه وسلم اما بعد شويه حسيت بأكتئاب لان تعدد الشكوى معناه ان مفيش فايدة وان القبح والبلطجه وانعدام الاخلاق هيبقى المسيطر ومش باين لها انفراجه

**K_E** · 05-05-2013 12:34 PM

كل الي بيحصل ده سببه عدم الرقابة وتطبيق القانون

من امن العقاب اساء الادب

الموضوع: قرفت من قلة الأدب و عدم احترام قوانين المرور

LinkBack

أدوات الموضوع

عرض

-

-

-

-

-

المواضيع المتشابهه

مقالة أعجبتنى (هل أعلمه الأدب أم أتعلم منه قلة الأدب )

قوانين المرور و هل له حق ام لا !

هل أعلمه الأدب أم أتعلم منه قلة الأدب

اجبار المشاه على احترام اشارات المرور

هل أعلمه الأدب أم أتعلم منه قلة الأدب

الكلمات الدلالية لهذا الموضوع

المفضلات

المفضلات

ضوابط المشاركة