يبقى يا جماعة الغاء الضفدعة دى خطر جدا جدا و ممكن تفقدوا السيطرة على عربياتكم فى الملفات اثناء الفرامل لان ببساطة فرامل ورا حيروحلها ضغط اكتر من اللازم و العجل اللى ورا حيقفش و حيبقى زيك زى اللى رفع هاند بريك فى وسط ملف... و فى الغالب الموضوع حينتهى نهاية مأساويه
رجع الضفدعة مكانها و روح لميكانيكى تانى غير اللى عايز يموتك دة و متنساش قبل ما تمشى من عندة تقولة انه#$%^&# (حيوان ودانة قصيرة و ديلة طويل و بينهق) لانه ببساطة بيالف و بيعمل حاجة هو مش فاهم تاثيرها و بنى وجهة نظرة على فرض عجيب ... ملوش لزمة فى مصر.... دى على اساس ان فى مصر محدش بيفرمل وللا الطرق عندنا مفيهاش ملفات؟؟
اعذرونى انا برضة بلومكم لانكم اقتنعتم بالكلام بسهولة.. كان لازم تسالوا "اشمعنى فى مصر؟" و "هى دى بتعمل ايه اساسا؟؟"
والله انا بتعجب للصنايعية... لما يبقى ليهم مزاج يلغوا حاجة يقولك "دى ملهاش لزمة فى مصر" و لما انت تحب تشيل حاجة يقولك "لو كان الخواجة شاف ان ملهاش لزمة مكنش عملها"
MMamdouh
المفضلات