كيف انقل غيار السرعة بامان و بطريقة صحيحة

**shahoody** · 10-05-2013 04:59 PM

انا متعلمة السواقة من فترة بسيطة من كام شهر و الحمد لله دلوقنى احسن كتير من الاول
بس عندى مشكلة فى غيار السيارة
عند التقل من التانى للتالث كتير بتكون صحيحة بس ساعات بحس برجة او تنشنة فى العربية مش عارفة اشرحها بس اكيد الناس الى بتسوق من فترة فاهمة قصدى اية
المشكلة الاكبر لما بنقل من الثالث للتانى كتير مش بتكون مظبوطة
ممكن اعرف الطريقة الصحيحة لنقل الغيار
و الخطوات بالضبط يعنى اسيب بنزين امتى و ادوس دبرياج امتى
و بعدالنقل الدوس بنزين على طول و لا لما اسيب الدبرياج بالراحة
كدة يعنى
و ليكم الف شكر مقدما

**borio1704** · 10-05-2013 05:59 PM

المشاركة الأصلية كتبت بواسطة shahoody

انا متعلمة السواقة من فترة بسيطة من كام شهر و الحمد لله دلوقنى احسن كتير من الاول
بس عندى مشكلة فى غيار السيارة
عند التقل من التانى للتالث كتير بتكون صحيحة بس ساعات بحس برجة او تنشنة فى العربية مش عارفة اشرحها بس اكيد الناس الى بتسوق من فترة فاهمة قصدى اية
المشكلة الاكبر لما بنقل من الثالث للتانى كتير مش بتكون مظبوطة
ممكن اعرف الطريقة الصحيحة لنقل الغيار
و الخطوات بالضبط يعنى اسيب بنزين امتى و ادوس دبرياج امتى
و بعدالنقل الدوس بنزين على طول و لا لما اسيب الدبرياج بالراحة
كدة يعنى
و ليكم الف شكر مقدما

اللي حضرتك بتوصفيه ده معناه حاجتين بيحصلوا مع بعض:

1- حضرتك بتشيلي رجلك من على الدبرياج بسرعة قوي
2- بدون ما تدي فرصة لنفسك تعرفي إذا كان الغيار مستريح مع سرعة العربية ولا لأ

كل غيار في العربية له مدى تشغيل... يعني له سرعة أدنى وسرعة قصوى

الفكرة إن مدى الغيارات دي متداخل عشان نعرف نغير والعربية ما تترجرجش مننا

شوفي الرسمة دي كده

الموضوع ده بييجي بالتمرين... يعني لما تيجي تشيلي رجلك من على الدبرياج... خلي الدواسة في النص شوية... لو حسيتي إن العربية ممكن تزرجن.. دوسي دبرياج سنة صغيرة (مش للآخر) وارجعي شيليها بالراحة

أثناء وانتي بتعملي كده حاولي تركزي إذا كانت العربية أسرع من اللازم ولا أبطأ ؟؟؟

لو أسرع ... استني عليها شوية لحد ما تبطأ .. وجربي تاني
لو أبطأ... يبقى نرجع للغيار اللي كنا عليه وما ننقلش إلا لما نعلي سرعة العربية شوية

...