الموضوع: باركولى .. أشتريت مقطورة حمولة 3 طن .. قصدى 307 sw :)

المشاركة الأصلية كتبت بواسطة hossam99

بالنسبه لموضوع زيت الفتيس و إنه عمره من عمر العربيه دا كلام ما بيدخلش دماغي خاصة مع إستخدامنا و طرقنا المصريه اللي فيه شوارع طولها 300 متر ممكن ناخدها في نص ساعه
الزيت بيتغير كل 50 ألف كم كوقايه و ليس علاج يعني اللي بيظهر عنده مشكلة في الفتيس ميجأش لغيار زيت إلا أما يحل المشكله و لو عربيه غيرت مرتين زيت يبقي المره اللي بعدها تنزل الفتيس و تغير فلتر (للأف الفلتر لازم تنزل الفتيس )
أما مشاكل البلوف و تهريب النقلات و ضياع العزم فدي لها حلول كتير لكن ما بقتنعش بها ..الأوتوماتيك مابيتصلحش الأوتو بتغير فتيس في أي عربيه و مش غالي علي فكره
و يا ريت اللي عامل كيلومتر كبير بدون تغيير زيت فتيس و الفتيس شغال معاه ميغيرش الزيت أبداً
و يا ريت اللي بيحس بالنقلات يفرق بين الأحساس ده و بين النتشات و الهبدات يعني أحساسك بالنقله ده طبيعي في الفرنساوي و كل الأوروبي تقريبا أما الغير عادي هو الهبدات و تفويت الفتيس

أعتقد زى ما أستاذ حسام ذكر ..غيار الزيت الناس بتستخدمة لعلاج المشاكل فى حين أن الزيت مش هوا

المشكلة

المشاركة الأصلية كتبت بواسطة leitosr

فكر فيها تاني بشكل تاني.
هتلاقي انو لو قالك متغيرش زيت الفتيس والفتيس حالته سائت هتغير معاه ٢ سولنيد فالف وزيت برضه معاهم.
يبقي كدا غيرت زيت برضه وزودت اول مرة وزودت عليهم تغيير اتنين سولنيد فالف اتهرو من الزيت اللي اتهري وعمرة انتهي داخل علي ٦ سنين ومصنعية زيادة لتغير السولنيد او الشنابر او الكولر.

أنا لما غيرت الفالفات عند أبويا فى ال 406 زودنا زيت بردة (1 كيلو ) فقط

المشاركة الأصلية كتبت بواسطة amounir6666

قفا ؟؟؟؟

بية ؟؟؟؟

وقعت فى حجرة ؟؟؟؟؟؟؟؟؟؟؟

أرجو أن أسلوب الحوار يكون أرقى من كدا .. أحنا بنتناقش للمصلحة العامة .. و حضرتك أفترضت منين

أنى هكمل مع عمارة .. العربية اللى قبلها مكنتها و ضفيرتها أتسقطوا فى أمبابة و كانت بتتصلح فى

الزاوية الحمرة و الوش بتعها روحت شيلتو بأديا من كفر الجبل فى المخزن و كنت هتلدع من عقرب

علشان أوفر فلوس و الكويل سافرت بورسعيد جبتوا من عند عبد الحى .. بس كل فولة و ليها كيال

الشغل اللى حضرتك بتنصح بية فى الفتيس دا هوا اللى بيجيب الفتايس الأرض .. الفهلوة اللى

كان بيتكلم عليها الأستاذ حسام . البيجو عايز صرف يا هندسة و مش لازم يكون الصرف عند ماهر ولا

مودرن موتورز ولا أحمد ندا ولا فى التوكيل حتى .. واللى معوش أحسنلوا ميركبش بدل ميتنكد علية ...

أرجوا الرسالة تكون وصلت ياأما بلاش من النقاش خالص

لو يسمحلي استاذي أبو يحيي
و بعدإذن حضرتك طبعا
هو ميقصدش ينزل بمستوي الحوار و لا حاجه لأنه ما شاء الله عليه من الأعضاء المحترمين اللي بتابعهم أنا و عمري ما شوفت منه حاجه وحشه
لكن هو بيوصف لسان حال فئه ضاله (الصنايعيه الفهلويه) اللي بيحبو يستنزفو أموال الزبون علي عدة مرات
يعني مبيوجهش كلام لي أو لحضرتك أو لأي عضو علي لسان حال نفسه و لكن بينقل طريقة تفكير الفئه دي من الناس
أرجو إن الموضوع يكون وصل و ده اللي أنا فهمته من كلام الأستاذ أبو يحيي
و طبعا هو الأجدر علي توضيح ما يقصده

و يلا بقي عايزين تجمع لبيجو يكون عالمي مين اللي يحدد ميعاد و يجمعنا :)