الموضوع: باركولى .. أشتريت مقطورة حمولة 3 طن .. قصدى 307 sw :)

المشاركة الأصلية كتبت بواسطة amounir6666

الله يبارك فيك يا حسام .. الوزن اللى فى أول مشاركة دا هوا عبارة عن وزن العربية محملة ركاب و

متفولة بنزين وقاطرة مقطورة وراها .. و هوا وزن صحيح من الكتالوج و كنت أول مرة أكتشف معامل

التقييم دا فى العربيات .. أصلى عمرى ماركبت زير و أول مرة أشترى عربية من غير ماكون محتاج أغير

موتورها .. أة وبالمناسبة لو أنا ماشى بالوزن دا (طبعا مش هيحصل علشان معنديش مقطورة )

السرعة المسموح بيها هى 100 كيلو علشان أحصل على الأداء القياسى للفرامل عند الحاجة

407 sw


أنتا كدا حضرتك راكب عربية ما فيش منها الا 4-5 عربيات فى مصر كلها ..فكرتنى بأيام ال 306 ربنا

يباركلك فيها و يكفيك شر الطريق ...... يا ترى هيا بنزين ولا ديزل ؟؟

صح كده الوزن ده إنما وزنها العادي براكب واحد هو 1469 و ده رقم مش قليل ده وزن ممتاز و يعتبر أتقل من عربيات كتير منفوخة علي الفاضي و للعلم باب الـ307 أتنين مبيقدروش يشيلوه
و ربنا يبارك لحضرتك فيها و يبعد عن الجميع تغيير المواتير :)

أما بالنسبه للـ407 فدي بالظبط زي ما حضرتك قولت 4 أو 5 عربيات في مصر منها واحده في الفاره الفرنسيه لونها بترولي و واحده مع عزيز أباظه و واحده بترولي تانيه مع وكيل وزاره (وزارة الصحه) و أتنين كمان مع ناس نازله من فرنسا
و كل العربيات دي نازله من فرنسا أصحابها اللي شرياها و كان الثمن معدي طبعا
لكن علي ندرتها فمعظم قطع غيار الـ407 الإستيراد من عربيات sw
أجمل عربيه تركبها هي النادره اللي راكبها فئه معينه من الناس
و العربيه بنزين 2000 سي سي موتور جبار و إستهلاكه للبنزين مقارب للـ1600 و الحمد لله قطع غيارها رخيصه

المشاركة الأصلية كتبت بواسطة amounir6666

ربنا يبارك لحضرتك فيها .. أنا كنت خايف تكون راكبها ديزل .. المشكلة فى الديزل اللى عندنا فى مصر

سيئ وبيبوظ حاجات كتير فى دورة الديزل على اللونج رن ... أسمحلى أقارن أدائها بال 406 اللى

أشترتها للوالد .. أية الغباوة دى .. أنا مشفتش عربيات صالون كتيير بتجرى كدا ... 135 hp جر أمامى

تدوس بنزين من الثبات أو بعد مطب صناعى 110 كيلو .. مفيش تفاهم ... فعلا هوا موتور جبار زى ما

حضرتك ذكرت ... ربنا يباركلك فيها ويكفيك شر الطريق

لأ طبعا مش ديزل لأن الديزل غير إنخفاض جودته إلا إنه بينزل مانيوال و بالتالي هاتفقد مميزات كتير في العربيه أولها الراحه (مع إني من عاشقي المانيوال و مبحبش الأوتو لكن العربيه دي متنفعش إلا أوتو)
بالنسبه للمقارنه بالـ406 فطبعا مقارنه متاحه من حيث الموتور لكن بخلاف ذلك هايبقي ظلم للـ406 علشان دي فئه أعلي
أما الموتور فهو 140 حصان و فتيس أربع سرعات عصبي جدا جدا جدا
أظن ال406 هاتبقي تسارع أفضل بحاجات بسيطه بسبب فرق الوزن الوزن عندي لأنه 1820كجم فاضيه يعني بالركاب و الأمتعه بكسر ال2300 كجم
لكن كموتور عزمه عالي و مرضي بالنسبه لأستخدامات العربيه
و كده عند حضرتك الموتور رمزه ew10 (rfn)
أما اللي عندي ew10 (rfj)

المشاركة الأصلية كتبت بواسطة amounir6666

الله يبارك فيكم

307 sw (أستيشن واجن)

موديل 2007 مصرى .. 100000 كيلو

1600 / 16 صباب / 110 حصان / 147 نيوتن

أوتوماتيك/ستيب ترونيك 4 نقلات / سبورت و سنو مودز

سقف بانوراما

بلوتوث 4 زجاج كهرباء أوتوماتيك بجميع النوافذ

تكييف دويل / كليمت كنترول تتش

باور , cd changer 6 بلاوبنكت

abs , ebd , esp

6 air bags

طارة دركسيون فوق و تحت / تلسكوب متعددة الوظائف multifunction

مخادع للسائق و الراكب , 5 مخادع رأس , أماكن تخزين أسفل المقاعد

كمبيوتر رحلات , كمبيوتر أعطال

3 شاشة ( أعطال - رحلات - كاسيت - تكييف - صيانة - بيانات - تحذيرات )

درج التابلوة مزود بثلاجة , حساسات ركن, مرايات ضم

4 جنط سبور 15 / فوج لايت / فوانيس عدسات (ريدى فور زينون )


أنا أتفرجت على العربية الأول كصالون و سلاحين شاسية و حوض شنطة و موتور وعجبتنى الحالة جدا

خاصة الصالون علشان لو حالتو ماكنتش نمرة واحد مكنتش هشتريها

ملحوظة ( حالة الصالون خلتنى مشتريش ال 4 عربيات اللى أتفرجت عليهم أبلها مع أنهم كانوا كيلومتر

أقل ) الناس دى لو كان قصدها تبوظ الصالون بالطريقة دى ماكانوش نجحوا النجاح الباهر دا :)

المهم ختها و روحت عند ماهر عمارة ( الكشف ب 375 جنية ) أيوا يستاهل ... العربيات دى لازم تتركب

حالة ..لو مش كدا ..قلتها أحسن علشان ممكن تصرف عليها دم أليك و فى الأخر يتنكد عليك

الراجل صاحبها قرف من اليوم اللى قابلنى فية .. الكشف كان 3 ساعات تقريبا

- كشف على البودى و الشاسية ( رشة أكصدامين و رفرف أمامى )

- كشف على جميع الكمليات و الكهرباء و الدينامو و الموبينة ( زرار الزجاج الخاص بالسائق الأتوماتيك

فقط بة عطل )

- تم حل الكساحة للكشف على الموتور و العفشة من أسفل السيارة ( بارات دركسيون داخلية و

خارجية و أويل سيل قربة زيت فتيس )

- الكشف على الفتيس

- الكشف على الأعطال بالكمبيوتر (بيجو بلانت 2000 ) والتأكد من سلامة قرأة عداد الكيلو متر

- الكشف على التكييف بأستخدام جهاز الشحن الديجتال لمعرفة كمية الفريون داخل دورة التبريد و

كشف أى تسريب أن وجد

- تم حل فلتر الهواء والكشف على دورة المياة بأستخدام جهاز يعادل كبس المياة داخل دورة التبريد أثناء

التشغيل

أرجو أنى مكنش نسيت حاجة :)

طلعلى تقرير مطبوع و مترخ و مختوم يتضمن أسعار قطع الغيار الازمة (2000 جنية )

الراجل أبتدى معايا من 87000 و خلصت معاة على 83000

.....ألف مبروك للعربية المحترمة وربنا يحفظهالك من كل شر...اكتر حاجة احترمها الكشف الراقى الشامل والتقارير الوافية بالأجهزة بدون فهلوة وغش

المشاركة الأصلية كتبت بواسطة abou-yahia

ال 406 عربيه

لاكن طبعا407يه اختها الكبيره عربيه برضك سقت العاديه منها

ال 406 رشيقه عنها لاكن 407 ليها هيبه عنها والتحكم والثبات اكتر طبعا

لاكن عيبها الاساسي من وجهه نظري انها واطيه عن الارض وده مش مناسب لطبيعه الطرق بتاعتنا

مفيش شك في إن الـ406 عربية ممتازه و إقتصادية جدا و فخمة في ذات الوقت و طبعا بالنسبة لحجم و وزن ال407 هي عربية صغيره
أما الـ407 فهي عربية رسميات قوي تحب السواقه الهاديه متحبش تاخد بيها غرزه تحس إنك بتقل من قيمة العربيه لو عملت حركتين من بتوع العربيات الصغيره
لكن لو عايز رشاقه و شد و لعب ألعب و لا هاتحس بحاجه منهي الأمان و الثبات و دقة التوجيه
أما من حيث إنها واطيه لغاية دلوقتي ما صادفنيش مطب حك في العربيه إلا المطبات اللي بتحك في النمره الأماميه فقط غير كده بحمل عادي و أنا كمان العفشه عندي بحالة المصنع و الحمد لله
و بالنسبه للتجربه لو تحب تجرب الـsw قولي :)