اللي بيفهم في أسعار الدهب و الدولار

**hossam_elwani** · 13-05-2013 10:35 PM

المشاركة الأصلية كتبت بواسطة abou_ruqi

في اللينك اللي الراجل منزله مع المشاركة!!!!!!

اسف عدت عليا

تحياتى

**Ahmed_Adham** · 14-05-2013 12:09 AM

المشاركة الأصلية كتبت بواسطة abou_ruqi

نعم ، بس علي ما اذكر ان ضريبة الدهب 12% مش 10%
ده غير ان 10% من ال 2400 = 240 جنيه مش 40 زي ما حضرتك حسبتيهم ، يبقي حتبيعي ب 2160طبعا علي افتراض ان الدهب سعره ما زادش

تصحيح بسيط ان ضريبه المبيعات على الدهب مبلغ ثابت على الجرام وأنا مش فاكره بالظبط لأنه بيختلف حسب العيار بس على أي حال لا يتعدى 2 جنيه لكل جرام وزي ما قلت مبلغ ثابت مش نسبه مرتبطه بالسعر. الدمغه برضه تقريبا نفس المبلغ يعني كل جرام فيه بالكتير 4 جنيه رسوم للدوله ولو الدهب اتعمل عليه ضريبه 10% محدش هيستثمر فيه أقل من 3 سنين لأن كده عائد أول 7 شهر هيكون ضاع في الضريبه (بما ان متوسط العائد السنوي على الدهب 17%).

تعديل: دي فئات ضريبه المبيعات (تتراوح بين 170 و 250 قرش للجرام) والدمغه كمان اللي طلعت 20 قرش للجرام يعني الجرام على بعضه رسوم 2 جنيه ضريبه ودمغه.

http://www.mfti.gov.eg/affiliates/Na...ity/awa/A4.htm

http://www.mfti.gov.eg/affiliates/Na...ity/awa/A5.htm

مازال طبعا الاستثمار في الدهب (وهيفضل دايما) أقوى من أي عمله لأن في الاخر كل العملات أصلها ذهب ونهايتها ذهب برضه وبالتالي أنصح صاحبه الموضوع ببيع الدولارات والاحتفاظ بالذهب لأطول فتره ممكنه وحتى عند الاضطرار للبيع يكون البيع على قد الحاجه فقط بما انه على صوره جنيهات فالتعامل معاها بيبقى مرن أكتر.

**ams** · 14-05-2013 02:46 AM

ممكن الحل يكون تقسيط العربية لحد ما سعر الدهب يرجع فيتم بيع الدهب و بعدين تسديد المبلغ الباقي من العربية
المقارنة هنا هتبقى فى فايدة القسط مع رجوع الدهب لمستواه ، على حسب اللى اتقال 2650/2360=112% و اكيد ال 12% دول اكبر من فايدة اى قسط او قرض باى نظام

**mo7elmy** · 14-05-2013 03:38 AM

يا فندم مع كل احترامى للناس المحترمين الى شاركوا ومنهم الناس الى قالوا ليكى بيعى الدولارات واحتفظى بالدهب هو فعلا دة الاختيار الصح وانا معاهم فى دة والاسباب الى بنوا عليه ارائهم اسباب مختلفة انما فى سبب واحد متألش ما عدا اخ واحد هو الى لمح عليه والسبب دة الى من وجهة نظرى هو الحل القاطع والفاصل فى حيرتك .................... يا فندم حضرتك تبيعى الولارات ولا تندمى لان حضرتك هتشترى العربية وهى متسعرة بسعر الدولار فى الوقت الى انت هتبيعى فيه الدولار بمعنى تانى لو بعتى الدولارات ثم لا قدر الله اصبحت فى المستقبل ب 10 جنيه هتلاقى تمن العربية غلى كتير ان سعرها الى انتى اشتريتى بيه ويبقى الحمد لله انك اشتريتى العربية بالتمن الى انتى اشتريتى بيه مما يضيع اى فرصة ندم عن بيع الدولارات ................... والاحتفاظ بالدهب هو الصواب لان الدهب هو استثمار فى حاجتين فى العملة وهى الدولار لانه سعره متعوم على السعر العالمى وتقييمه بالدولار وثانيا استثمار فى المعدن ذاته....فكدة كدة انتى معاكى دولارات فى صورة دهب .... ولو تاخدى بالك الشهر الى الفات كان الدهب كمعدن سعره بينزل فى تقييمه بالدولار ورغم ذلك سعره فى مصر كان طالع عشان كان الجنيه بيخر ادام الدولار .... ودة توضيح للحصل فى شهر يناير كان اوقية الدهب 1450 دولار بالضرب فى الجنيه وقتها : 1450 * 6.50 = 9425 ..... فى شهر مارس اصبحت الاوقيه 1400 دولار يعنى الدهب كمعدن نزل بس الدولار فى مصر على بقى فى السوق الموازية 7.00 بالضرب فى الجنية :1400*7=9800
شفتوا انه استثمار معدن وعملة .............. فحضرتك بيعى الدولارات ...كدة كدة انتى محتفظة بفرص استثمارك فى الدولارات فى صورة معدن كمان............... يارب اكون وصلت وجهة نظرى ولا ننسى الذكاه