الموضوع: اللي بيفهم في أسعار الدهب و الدولار

كان نفسى افيدك برأى يساعدك بس للاسف التوقعات حاليا صعبة فى اى حاجة...... انا بس من خلال موضوعك ده عايز اوجه رسالة لكل اللى كان بيشترى حاجة للاستثمار طويل الاجل زى الدهب و فجأة تتغير الظروف و يبقى عايز يبيع..... حتى الدهب مش مضمون لان الوقعة الاخيرة بتاعته عالميا كانت غير متوقعة خالص.....

اما الدولارات فحدث و لا حرج..... حاليا السعر فى السوق السوداء ثابت بل بيقل كل شوية و ان شاء الله يفضل يقل لغاية لما يبقى زى الرسمى و تنتهى السوق السودا لصالح استقرار اقتصاد البلد..... لان الدولارات مش سلعة للاستثمار و لا مخزن مطمئن للقيمة لانها هى كمان ممكن سعرها يتأثر بحاجات كتير و اللى بيضارب فيها و مش بيراعى ربنا فى اقتصاد بلده يبقى يستاهل اللى يجراله.....

الرسالة بقى اللى انا عاوز اوجهها للناس بقى هى: و ماله الاستثمار بالجنيه المصرى فى اوعية ادخارية فى البنوك المصرية؟ ده حتى العائد بتاعها من اعلى العوائد اللى بتعطيها اى دولة فى العالم..... انا عارف ان هييجى حد دلوقتى و يقولى التضخم..... هقوله ان التضخم للاسف بيزيد بسبب سياسات مالية غير سليمة و الفايدة اللى بتتاخد فى البنوك بتعوض جزء منه...... و موضوعك ده خير دليل على ان الاستثمار بالجنيه المصرى افضل من موضة الدهب او اى حاجة تانية..... على الاقل من باب ان لما الواحد يحتاجه فى ظرف زى بتاعك ده هيلاقيه تحت ايده بدون مشاكل او مخاوف لانه عارف راسه من رجليه فى الوديعة او الشهادات اللى عاملها..... و فى الاخر ربنا يوفقك فى التصرف الصحيح و يهدى الناس عموما الى التصرفات اللى تبنى بلدهم مش تهدمها

شيلى الدهب و اتصرفى فى الدولارات

المشاركة الأصلية كتبت بواسطة el prince

كلامك صحيح أ/ imhotep
و ده اللى انا عملته بالظبط - فى عز الهوجه و كله بيدور على دولارات بأى تمن و ناس بتشترى دهب - عملت بالمبلغ شهاده فى بنك مصرى و الحمد لله - و عرفت الايام دى ان تفكيرى و اتكالى على الله ماخيبش
تحياتى

صدقنى يا باشا انا صوتى اتنبح فى كذا موضوع قبل كده ايام ما كانت الناس تتساءل البلد رايحة فين اقتصاديا و كلام من ده و كتبت كتير هنا و نفس الكلام كنت بقوله لكل معارفى اللى كان بيبقى عندهم نفس التساؤلات..... هل صعب اوى كده ان الواحد يستفيد بطريقة شرعية تحققله عائد ممتاز و فى نفس الوقت تفيد اقتصاد بلده..... من اكتر الموضيع اللى مش عاجبانى فى القسم هنا الموضوع بتاع (الدولار سعره كام انهارده) و مشاركتى الوحيدة فيه كانت مقتضبة و فيها تلميح و تحذير لخطأ من يضارب فى الدولار...... بس للاسف الناس لا تتعظ..... يعنى الاخ اللى اشترى دولار على 8.5 جنيه...... ايه موقفه دلوقت؟ ربنا يقدره على تحمل الخسارة فى تصرف غير محسوب و هوجة و تصرف كالقطيع و رغبة فى التربح و لو على حساب البلد و كل الناس...... لان احنا كشعب مش من عاداته الاستثمارات الطويلة الاجل و كشعب 99% منه يندرج تحت فئة صغار المدخرين.... يعنى من الاخر اللى معاه قرشين النهاردة..... ممكن بكل سهولة يحتاجهم بعد فترة قصيرة جدا زى ما حاصل مع الاخت صاحبة الموضوع..... عشان كده انا بقول تانى فيها ايه لما نستفيد و نفيد و نسند اقتصاد بلدنا.... افلا تعقلون؟

المشاركة الأصلية كتبت بواسطة hh

و لا انتوا شايفين استنى على الدهب ممكن يعلى تاني؟؟

انا داخل ارد على دي بس ، حضرتك السؤال غير منطقي ، الذهب قيمته في ازدياد منذ الحرب العالمية لحد يوم القيامة الا لو انهار النظام المالي العالمي ، الدهب مخزن القيمة والشيئ الوحيد الذي يرخص له المال ، حيغلى في القريب ؟ طبببببببعععععععااااااا الذهب لن يتوقف عن الغلو ابدا

بصي علي التشارت دي ؟

[url]http://d3k0ihy9emwgeg.cloudfront.net/images/uploads/2013res-gold200dma.gif[/url]

ايه رأيك ؟ دي منحنى اسعار الدهب في عشر سنين ، جنون صح ؟ بينزل شوية او تقدري تقولي بيتذبذب بس في المجمل هو طالع باستمرار

الدهب هو القيمة
البنكنوت لا قيمة له بالجنيه او بالدولار او باليورو

سيبك من فكره الكريدت
وفى نقطه بس حابب اوضحها لحضرتك انك ممكن تبيعى الدولارات وتجيبى العربيه وبكره الصبح تلاقيه ب10ج يبقى حلال عليه ولا تزعلى ولا حاجه
ونفس القصه فى الدهب ماتزعليش على مكسب ضاع منك
ورأيى غيرى الدولار حتى لو زاد بعد كده للاضعاف لانك هتكونى بتمتلكى الذهب اللى هو ليه علاقه مباشره بالدولار ايضا
انما لو حضرتك عاوزه التحليل الفنى للترند بتاع الدهب مش هيفرق معاكى كتير دلوقتى لانك بتقولى ان المده المتاحه هيا شهر ونص فقط حتى لو بعتيه ونزل هيبقى ايه الفايده بدون ماتشتريه تانى
كبرى دماغك شويه