اقتباس المشاركة الأصلية كتبت بواسطة hesham-h مشاهدة المشاركة
الوش مينفعش يتقشط منه ولا يتلعب فيه خالص لازم تجيب وش تاني وعلي فكره ده كلام الشيخ عادل وفعلا هو صح مينفعش لاني قشطت قبل كده وخراطيم المايه بقت بتضرب الاحسن انك تغيرو كلو وانا سألت علي الوش عند واحد في فيصل الشيخ عادل قلي عليه كان عامل1150
الكلام دا مش صحيح طبعا عندك انا مثلا اول ما اشتريت العربية كنت بغير جوان وش السلندر مرة كل 15 يوم وغيرت 3 ميكانيكية وفى النهاية طلبت من الميكانيكى يفك الوش ويدهولى بحجة ان فى واحد صاحبى عندة مخرطة حيعملهولى خدمة ببلاش ورحت بنفسى المخرطة لقينا الوش منقر جامد روحنا ورشة لحام معادة زودنا التنقير دا المونيوم وسيبناه لم برد وحطيناه على المخرطو وقشطنا على ابوه يعنى زيادات اللحام فقط واهو بقاله سنتين ولله الحمد شغال فل الفل ....

استنتــــــــــــــــــــ ــــــــــاج من التجربة

غالب الميكانيكية بحاولو يسدو فراغات التنقير دى بسيلكون وجملكة ودا الغلط كل الغلط يعنى انا شارى موتور من واحد صاحبى غيرة علشان ضرب جوان وش السلندر وغلبه فبعد ما اشتريتة فقيت الوش بنفسى تخيلوا لقيت طبقة سميكة من السيلكوت على الوش لدرجوة انها سدة الخرام اللى فى الوش اللى هى ممرات للمياة والزيت المكلفى بتبريد الوش وطبعا لما بتتسد الممرات دى العربية بتولع والجوان بيضرب ف 3 ايام فقط فياريت كلنا ناخد بالنا فى الشغل اللى بيحصل فى الربية وبلاش نسلم دقننا لحد الموضوع مش زرة ياجماعة انتا لو ركزت شويه حتفك الوش وتغير الجوان بنفسك من غير ولا لحسة جملكة....

وروحو اتعلمو من الفيديوهات اللى فى مكتبة الفديو لسلسة علم نفسك فى المثبتات اتعب شويه حترتاح على طول الزمن....*