الموضوع: قصتى مع كلية الشرطه

المشاركة الأصلية كتبت بواسطة ahmed1981

التعميم مرفوض طبعاً

يعني قبل الثورة مينفعش نقول 100 % من الشرطة فاسدين

لكن ممكن نقول 90 %

ليه

لأن دخول كلية الشرطة كان بحاجتين كبار وحاجة صغيرة
ـ1ـ المحسوبية والواسطة وهي القمة الأولى للفساد وظلم كبير
ـ2ـ الرشوة وهي القمة الثانية للفساد

ـ3ـ الحاجة الصغيرة هي واحد فلت ودخل الشرطة بلا واسطة وبلا رشوة ولم يظهر في ملفه إن واحد من عيلته متدين شويتين أو طالعله شعرتين في دقنه

ولا المرتشي ولا الظالم ولاد حلال

لذلك كان كتير من ظباط الشرطة فاسدين
وفي الثورة كنا بنقول أمن الدولة كلاب الدولة

إنت عارف طبعاً إن أمن الدولة كانوا إخوات أبو جهل وأغلبهم كانوا كفار وقتلوا ناس كثير واعتدوا على أعراض وحرمات كثير وأموال كثير

لكن بدون تعميم
أكيد كان فيهم على الأقل 100 واحد في الجمهورية ولاد حلال

ــــــــــــــــ
لو قلتلي إن الفساد ده كان موجود في كل مؤسسات الدولة
أقولك بس مش بالطريقة دي

سياسة الداخلية كانت زرع الفساد بالداخلية تعمداً

ولهذا السبب كان الظابط بيبقى شريك تاجر المخدرات

والظابط بيروح بعربيته المنطقة س وكر المخدرات عشان ياخد نصيبة ويروح

ـــــــــــــــ
بالتأكيد الوضع بعد الثورة إختلف
وبدأ ناس محترمين كثير يدخلوا الشرطة
وأنت إن شاء الله واحد منهم

لكن على ما الجيل الصغير ده يوصل ويغير هتكون البلد خربت من فساد الشرطة

فلازم الرئيس مرسي يشوف حل للخيانة اللي بتحصل من بعض الشرطة وبعض القيادات في الشرطة
لابد من رؤية واضحة لإصلاح الشرطة قبل حدوث مؤامرة أخرى مثل مؤامرة قتل مشجعين الأهلي في بورسعيد بمشاركة الشرطة هناك وعلى رأسهم مدير الأمن الذي حكم عليه ب 15 سنة

ــــــــــــــــــ
وبخصوص شهداء الشرطة 192

شهداء الثورة تجاوزوا الألف بكثير

وأهم أسباب قيام الثورة هو فساد الشرطة ودوسها على كرامة المصريين من قبل
وكلاب أمن الدولة الذين أطلقوا من أقفاصهم يقتلون كرامة المصري في كل مكان

ــــــــــــــــــــــــ
ومسألة إن الشرطة مش خدام عند الشعب

بتتقال بصوة أوضح :
الشرطة في خدمة الشعب

هذا شعار وزارة الداخلية الذي تم تغييره بأمر الله تعالى أولاً ثم بسبب الثورة التي أمرت بتغييره قبل نزول أي فرد داخلية الشارع مرة أخرى

هذا الشعار هو طريق نجاح الشرطة إذا أرادت النجاح بدون تجبر وتفرعن

ربنا سبحانه وتعالى سخر بعضنا لبعض
يعني كل واحد بيخدم التاني في مجاله وياخد مقابل

لو الشرطة مش عايزة تخدم الشعب في مجال الحفاظ على الأمن
بسيطة جداً
يبطلوا ياخدوا رواتبهم ويروحوا على بيوت أهاليهم ويقدموا إستقالتهم

وبكل بساطة أيضاً سيتم الإعلان عن التقدم لكلية الشرطة لمن يريد العمل في خدمة الشعب في مجال الأمن
وسنجد غيرهم الآلاف المؤلفة من المخلصين من أبناء هذا الوطن المستعدين لخدمة الشعب في مجال الأمن

متحاولش تشيل الكلمة دي على صدرك أوي عشان تبقى مخلص في عملك

ـــــــــــــــــــــــــ ـــــــــ
ومسألة إن الشرطة هربت المساجين هي مسألة حقيقية لا جدال فيها
عايز تسأل دم اللواء البطران إسأله

خطة دحر الثورة كانت معروفة وأنا قرأتها بنفسي:ــــ
ـ فتح السجون
ـ حرق الأقسام
ـ سيارات الإسعاف تطوف الشوارع لنشر الذعر
ـ تغطية تلفزيونية لعمليات الإنفلات الأمني وميمنعش تامر بتاع غمرة
ـ بلطجية مأجوين تابعين للداخلية الذين كانوا يستخدموا من قبل في الإنتخابات يتم إطلاقهم في الشوارع لنشر الذعر

ثم يخرج المنقذ حسني مبارك فيخطب خطابه المشهور (أنا أو الفوضى اللي شفتوها)
فيخرج الشعب فيقول له ولكلابه أرجوكم إرجعوا

لكن ربنا خيب سعيهم

ـــــــــــــــــــــــــ ــــــــ
مش معنى إنك دخلت شرطة إنك تحاول تبرر أفعالهم السابقة
ركز إنت وزمايلك إنكم تكونوا الأفضل
وربنا هيوفقكم



-

بص يا باشا انا هعلق على 3 حاجات اول حاجه فكرة الشرطه فى خدمة الشعب وليست خدامة الشعب

فى ناس فاهمه الكلمه غلط انا بأدى دورى ودورى هو حمايتك وأمانك يبئا هنا انا بئيت فى خدمتك فى ناس فاهماه انا خدام عندك يعنى المفروض تفهم انى باخد مرتبى من فلوسك ال هى ضرايبك يبئا من الاخر ابئا خادم عندك وده انا بقوله فى وشه طظ فيك انا مش خدام عند حد انا بشتغل عشان ارضى ربنا الاول .

تانى حاجه

فكرة السجون قد تكون صحيحه وقد تكون غير صحيحه وانا الصراحه مقدرش اتكلم فى حاجه انا مش متأكد منها وده مجرد رأيى ان صعب الشرطه تخرج مساجين هترجع تلمهم تانى


تالت حاجه

فكرة ان انا دخلت الكليه فببرر لحد
لا انا الحمدلله مببررش لحد انا ال شايفه صح بقول عليه وال شايفه غلط بقول عليه مين قال ان انا شفت الشرطه صح قبل او بعد الثوره لا الغلط فيها كبير وكبير جداً ولازم يتصلح انا كل ال بعمله بتكلم وبقول ال انا شفته انا اولاً لا انا فلول ولا انا اخوان ولا انا شايف ان الدكتور مرسى هيقدر يغير حاجه فى الشرطه لان هو عاجبه الحال كده بالوزير الموجود دلوقتى


وبس ....

مشكووور جداً على مرورك وكلامك