الموضوع: رفع الدعم عن البنزين وجمارك السيارات

المشاركة الأصلية كتبت بواسطة seiffoz

حضرتك عشت فى انجلترا قبل كده؟؟


أيوة يا فندم
اصل كلامك غير دقيق بالمرة
أيه بقى اللي غير دقيق في كلامي ؟؟؟؟؟
, و انا معاشر انجليز بقالى سنة يوميا 24 ساعة من مختلف المناطق هناك
أنا بقى كنت عايش معاهم و في بلدهم و بدفع بعملة بدلهم مصاريف حياتي اليومية
.. احب ابلغك كلامك مش دقيق بالمرة

أحب أبلغك أن كلام حضرتك اللي مش دقيق .
أنا بتكلم عن تجربتي الشخصية و اللي كنت بدفعه في العربية
مش مصدقني ......أسأل الأنجليز اللي أنت معاشرهم 24 ساعة على كلامي .... أو أدخل على الأنترنت و دور

المشاركة الأصلية كتبت بواسطة habd

مرة تاتية و تالتة و خمس تلاف الدعم اللى هيتشال دى هيقلل عجز الموازنة و بس و مش هايخش جيبنا تانى لا ف صحة و لا تعليم و لا مواصلات و لا اى حاجة دى فلوس بالسلف الحكومة هاتوفرها و لما توفرها مش هاتستلفها عشان تدعم الصحة او النقل او التعليم
و يا استاذ توت بفرض ان حسبتك مزبوطة عن المواطن ف انجلترا طيب بالنسبة للعلاج المجانى بالكامل و الشامل لكل شئ حتى ثمن المواصلات للمستشفى دا مش دعم

الصحة في أنجلترا معلهاش دعم
الصحة مجانا أيوة ......... و لكن من تحصيل فواتير الضرائب الباهظة اللي الناس تدفعها
و مفيش مواصلات هناك مدعمة !!!!!
هل توفير الحكومة البريطانية الدعم لمنتجات الالبان و الاغذية الطبيعية و تلاقى سعرهم رخيص دا مش دعم
مفيش أكل عليه دعم هناك
الموضوع و ما فيه
بلد مساحتها كلها خضراء و بها مراعي طبيعية و أنتاج البقر و اللحوم كبير جدا
بالاضافة أن عدد السكان ثابت من أكتر من 40 سنة
و بالتالي أسعار الغذاء هناك معقولة جدا .
المعادلة المعروفة
عدد سكان ثابت ......... أنتاج كبير = سعر معقول

طيب فيه زملاء كتير سافروا بره و كانوا معاهم ولادهم و مرتب البعثة الحكومى المصرى هناك عرة الحكومة البريطانية كانت بتصرف البان و اغذية لاطفال المصريين هناك و فى حالة ان الاب تقاعس عن استلام هذه المأكولات كان ممكن يخش السجن دا مش دعم و ايه مش لمواطن بريطانى دا لاجنبى و الكلام ده من 5 سنين فاتوا

أنا معرفش حتة الأطفال
بس ده هايكون تابع لنظام التامين الصحي اللي هناك بيدفعك دم قلبك ضرائب علشان يقدر يوفرهولك
أنا كنت أجنبي و بعد ما أستقرت و عملت رقم قومي تأميني هناك (بعد ما ألتحقت بعمل و أصبحت ادفع ضرائب )
أصبحت أدخل المستفيات عادي .... الكشف مجانا و لو فيه تحاليل بتم مجانا .... و الدواء هو الحاجة الوحيدة اللي غير مجانية و لكن بتدفع تقريبا لغاية 6 جنيه في الروشتة أو على كل علبة مش فاكر بالظبط .


طيب ال 300 ج استرلينى بتوع الاكل دا بيكفيهم اكل وشرب بشكل صحى و سليم و مشبع و لا مقضينها نشويات و مقليات و مفيش منتجات لحوم و فواكه زى هنا سيادتم افتح جرنان النهاردة 44% من المصريين قالوا انه خلال السنة ده مكانش معاهم فلوس تكفى شراء احتياجاتهم من الاكل

ما أنا قلت المعادلة فوق لسبب أرتفاع أسعار الغذاء
عدد سكان كبير + البناء على الأراضي الزراعية + قلة الأنتاج = أسعار غذاء مرتفعة
و العكس صحيح
عارفين يعنى ايه نرفع الدعم عن البنزين و السولار المكون الاساسى للزراعة من رى و حصد و اساسى ف النقل من اماكن الزراعة للاسواق و اساسى فى انتاج مصانع الاغذية بانواعها دا حتى لو دعم كمية من السولار برضه الاسعار هاتزيد
معلش هو السولار بس اللي لو الدعم أتشال من عليه اسعار كل حاجة هاتزيد زيادة جنونية
أنما البنزين ده بتاع العربيات الخاصة ........ أيه دخله في موضوع زيادة الأسعار ؟
هل دا منظر حكومة تقدر ترفع الدعم النهاردة و تحدد تسعيرة محترمة لكل المنتجات بما يرضى الله بما يناسب التكلفة و ربح مناسب
هل يقدر مصنع اغذية او تجار فواكه فى بريطانيا يغلوا اسعار منتجات اساسية من غير موافقة و مراجعة الحكومة بقول تانى منتجات اساسية زى الالبان و الخضروات و اللحوم احسن حد يقولى كافيار و لا حاجة

السوق هناك سوق حر مفتوح لكل تاجر الحق في التسعير و لا تدخل حكومي نهائي في تحديد الأسعار
فيه سوبر ماركت ممكن يبيعك كيلو اللحمة ب 7 جنيه ...... و مكان تاني يبيعه ب 4 جنيه
مفيش تدخل من الحكومة نهائي و اللي بيحكم الأسعار هناك المنافسة

رفع الدعم ده هايجيب كوارث ع البلد ف ظل حكومة خايبة و معلش جشع تجار هو اصلا مش مخصوص للمصريين بس طبيعة انسانية مادام مفيش رقابة

فيه يا جماعة فرق بين اللي أنا بقوله و اللي انتوا بتقوله
أنا بتكلم عن رفع الدعم و لا أتحدث نهائيا عن الكيفية أو الآلية لكيفية تنفيذه و الُار المترتبة عليه
أنا واحد من الناس مضرور زيكم بالظبط
أنا لا غني و لا قاعد على منجم ذهب ......... زيي زي أغلب الناس هنا

المشاركة الأصلية كتبت بواسطة habd

ما نسيت ان اقوله ان ما يذكره السيد توت عن فض الدولة البريطانية عن يديها ف دعم المواطن و اعتماد سياسة السوق الحر و الليبرالية الاقتصادية هو ما يشكو منه كثير من البريطانيين بمرارة و ما عاناه العمال البريطانيين على يد السيدة ثاتشر ليس بالقليل فى هذا الشأن خلافا لما يتمتع به الفرنسيون مثلا من دعم حكومى فى مجالات عديدة

يا باشا مارجرت هانم زودتها على الآخر و دمرت الصناعة البريطانية و خلت الأقتصاد البريطاني يعتمد على الخدمات أكتر من الصناعة - و بعدين كل الأمتيازات الخاصة بالرعاية بالعمال أتشالت و خليتهم في مهب الريح وحدهم أمام حيتان الأعمال التجارية
و مش ده اللي أنا بطالب به

أنا عايز أشوف مصر دولة قوي ...... تنتج أكلها و غذائها ....... و نكون بنصدر جزء من أنتاجنا الصناعي للخارج و نهتم بالسياحة و نهتم بكل المصادر اللي ممكن تدر علينا دخل

و الأهم رفع قيمة الجنيه علشان مهما حصل و الجنيه فضل على القيمة دي
محدش هايحس بحاجة و لا هايحس بتقدم

شوف أنت بتدفع كام مثلا في أنجلترا علشان تشتري كيلوا لحمة و لا كيلو سمك
5 جنيه أسترليني = 50 جنيه مصري
هي نفس القيمة ولكن
5 وحدات من مرتبك غير 50 وحدة من مرتبك

أنا مع رفع الدعم ........... و لكن آليات التنفيذ هي ما لا اناقشة لأن ده مش هدف الموضوع

مع تحياتي للجميع

المشاركة الأصلية كتبت بواسطة crazydeepman

استاذ توت سؤال برئ جدااااااااا............... انت اخوان؟ بس كده هوا ده السؤال

لا
و لم انتخبهم .......... و لن أنتخبهم أبدا و غيرمعجب بادائهم ابدا

المشاركة الأصلية كتبت بواسطة aymanshebl

معلش حضرتك خالط المبدا و الية التنفيذ مع بعض بمعنى ان انا مع مبدا العدالة الاجتماعية ده مبدا صح كده انما الية التنفيذ تشمل على سبيل المثال لا الحصر رفع الدعم عن المواد البترولية تطبيق الحد الادنى و الاقصى للاجور ترشيد الاستهلاك توزيع ثروات البلد على ابناء الوطن....الخ حضرتك كده من دون ما تشعر خلطت بين الية التنفيذ اللى هى شيل الدعم مع مبدا العدالة الاجتماعية المبدا شى معنوى مثل السرقة حرام الزنا حرام القتل حرام تطبيق العدالة الاجتماعية .....الخ و ما فيش شك ان الناس العاقلة و السوية مع هذه المبادىء محدش هيختلف عليها انما الية التنفيذ شى مادى او فعل مثل شيل الدعم عن المواد البترولية ترشيد النفقات توزيع البوتاجاز و الخبز بكوبونات........ الخ اللى طبعا تنفيذها السيىء هينعكس على الجميع فرفع الدعم الية تنفيذ مش مبدا

و الله يا أستاذ أنا بحترم رأيك

بس أنا أقصد ان مثلا ........ السرقة حرام ........ طيب هانعمل أيه في السارق ....... دي حاجة و دي حاجة

فيه ناس أصلا مش مقتنعة أن الدعم غلط و رابطينه بالضرائب اللي على العربيات
و الكل غافل عن شئ هام

لما الحكومة ما تلمش ضرائب
هاتنبي طرق و كباري منين ؟؟؟؟؟؟؟؟؟؟؟

أنا بتكلم عن مبادئ ............. لو عايز نتكلم عن آليات تنفيذ
ممكن نفتح موضوع منفصل و الكل يقترح

أنا أصلا كمان مش مقتنع بموضوع الكروت الذكية و لكن صبرا عند التنفيذ و نشوف ايه اللي هايكون !